Kolose 2:1 - Chuukese Bible

¹ Üa mochen asile ngenikemi usun ai weires le angang fän itemi, fän iten ekewe souläng lon Laotisea, pwal fän iten ekewe ekoch aramas resap sisileei.

Kolose 2:1 Iomraidhean Croise

Keneses 30:8

Mürin Rahel a apasa, “Fän pöchökül üa aülap ngeni pwii, nge üa akufu.” Iei mine a aita ngeni ewe ät Naftali .

Lukas 22:44

Lon an nom lon riaföü watte a achocho le iotek, nge mononan a usun chök supun cha a suputiu le pwül.

Föför 20:25

Ngang üa nomfeil leimi o afalafal usun ewe Mwün Kot. Nge iei üa silei, pwe üsap chüen künasefälikemi.

Föför 20:38

Ra fokun lolilen ren an apasa, pwe resap chüen künasefäli. Mürin ra etala tori ewe sip epwe eti.

Kalatia 4:19

Ämi nei kana mi achengicheng! Üa usun chök eman fefin lon fansoun an nöünöü. Üa mefi ei sokun metek fänäsengesimi tori manauen Kraist epwe fis lomi.

Filipi 1:30

Iei ämi oua tongeni etiei lon ewe fiu üa eäni fän iten ai peni ewe Pworausen Manau. Iei pwal chök ewe fiu oua küna me rei me lom, nge oua pwal rongorong pwe üa chüen eäni iei.

Kolose 1:24

Iwe, iei üa pwapwa lon ai riaföü fänäsengesimi, pun ren ai riaföü lon inisi üa alisi le aunusöchüela mine esamwo unus lon än Kraist riaföü fänäsengesin inisin we, iei ewe mwichefel.

Kolose 1:29

Üa fokun angang weires pwe epwe fis ei o üa aea ewe watten pöchökül Kraist a ngeniei, ewe a pwal akangang loi.

Kolose 2:5

Pun ikamwo ngang üsap nom remi ren inisi, nge üa nom remi lon ngüni. Üa pwapwa lupwen üa küna usun ämi tipeeufengen o nükücharfengen lon ämi lükü Kraist.

1. Tesalonika 2:2

Ämi oua silei pwe aia fen küna riaföü me itengau lon Filipi me mwen äm feito remi lon Tesalonika. Inamwo ika a wor chomong chon ü ngenikem, nge ach Kot a ngenikem pwora pwe aipwe aiti ngenikemi ewe Pworausen Manau mi feito seni i.

Ipru 5:7

Lon fansoun än Jesus manau won fanüfan, a iotek o tüngor fän mwelian mi leüömong, a pwal kechü ngeni Kot, ewe mi tongeni amanaua i seni mäla. Iwe, Kot a aüselinga i, pun a meniniti i.

1. Petrus 1:8

Ämi oua echeni Jesus, inamwo ika ousap fen küna i, oua lükü i, inamwo ika ousap küna i iei. Iei mine oua fokun pwapwa, ren sokun pwapwa esap naf lon ach kapas ach sipwe pwärätä, pun pwapwa mi ling,

Pwärätä 1:11

A apasa, “Kopwe makkeetiu lon toropwe mine ka küna o kopwe tinala ngeni ekewe fisu mwichefel: Efisos, Smirna, Perkamon, Tiatira, Sartis, Filatelfia me Laotisea.”