Kolose 1:6 - Chuukese Bible

⁶ Ei Pworausen Manau a akatoto feiöch, a chöfetal won unusen fanüfan usun a fen fis lefilemi, seni ewe rän oua kärän popuetä le rongorong o weweöchiti än Kot ümöümöch mi wesewesen enlet.

Kolose 1:6 Iomraidhean Croise

Kölfel 110:3

Lon ränin om kopwe maun ngeni chon oputom noum aramas repwe etuk fän püsin letiper o üföüf ekewe üf mi pin. Usun amurenipwin mi nom lesosorusich, iei usun noum kewe alüal repwe feito reöm.

Kölfel 98:3

A chechemeni an tong ellet me an allükülük ngeni chon Israel. Aramasen fanüfan meinisin ra küna usun än Kot amanaua aramas.

Mateus 24:14

Iwe, aramas repwe afalafalafeili ewe Pworausen Manau usun ewe Mwün Kot won unusen fanüfan, pwe epwe eu minen pwärätä ngeni aramas meinisin. Mürin epwapw tori fansoun sopolan.

Mateus 28:19

Oupwe feila o asoulängala chon ekewe mwü meinisin, oupwe papataisiir ngeni iten ewe Sam, ewe Nau me ewe Ngünmifel.

Markus 16:15

Iwe, a üreniir, “Oupwe feila lon unusen fanüfan o afalafala ewe Pworausen Manau ngeni aramas meinisin.

Markus 4:8

Iwe, nge pwal ekoch föün ra mworotiu lon pwül mi mürina. Ekewe irä ra pwukuta, ra märitä o ua. Ekoch leir ra uani ilik, ekoch wone, nge ekoch ipükü.”

Johannes 15:16

Ämi ousap afiliei, nge ngang üa afilikemi o awisakemi, pwe oupwe feila o uani ua mi chomong, ewe sokun ua mi nonomola. Iei usun Semei epwe ngenikemi meinisin mine oua tüngor fän itei.

Johannes 17:19

Iwe, üa püsin apiniei fänäsengesiir, pwe pwal ir repwe pin lon let.

Johannes 4:23

Nge epwe war eu fansoun, nge iei a fen nom, lupwen aramas repwe fel ngeni ewe Sam lon manamanen ewe Ngünün Kot me ewe let, pun ewe Sam a kütta chokewe mi fel ngeni lon let.

Föför 11:18

Lupwen ra rongorong ei pworaus, ra ükütiu le esita Petrus, ra mwareiti Kot o apasa, “Kot a pwal mwüt ngeni ekewe chon lükün Israel pwe repwe ekieksefäl o küna manau.”

Föför 12:24

Nge ewe kapasen Kot a chök chöfetal ekis meinisin o lalapala.

Föför 16:14

Iwe, eman me lein ekewe fefin mi aüselingakem Litia seni ewe telinimw Tiatira. Neminei eman chon amömö mangaku mi parachol, nge ra fokun mömong. Ei fefin a fel ngeni Kot, nge ewe Samol a suki lelukan pwe epwe rongosochis ngeni än Paulus afalafal.

Föför 26:18

Kopwe aneloi meser, pwe repwe kul seni rochopwak o kul ngeni saram, repwe towu seni fän nemenien Satan o tolong fän nemenien Kot, nge ren ar lüküei repwe küna amusamusen ar tipis kana o angei lenier ren chokewe mi pin.’

Nöün Paulus Toropwe ngeni ekewe Souläng lon Rom 1:13

Ämi pwii kana, oupwe fokun chechemeni pwe fän chomong üa akota ai üpwe churikemi, nge a chök wor sokun epet a pineei fansoun meinisin ai üpwe feila remi. Ngang üa mochen asoulängala ekoch leimi, usun üa pwal föri me lein ekewe ekoch chon lükün Israel.

Nöün Paulus Toropwe ngeni ekewe Souläng lon Rom 15:19

ren pöchökülen ekewe asisil me manaman pwal ren manamanen ewe Ngünün Kot. Iei usun üa sai seni Jerusalem tori Illirikum o arongafeili unusen ewe Pworausen Manau usun Kraist.

Nöün Paulus Toropwe ngeni ekewe Souläng lon Rom 15:28

Lupwen üpwe awesala ai angang o ngeniir unusen ewe moni aramas ra fesini fän iter, üpwe churikemi lon ai sai ngeni Spain.

Nöün Paulus Toropwe ngeni ekewe Souläng lon Rom 16:26

Nge iei ena monomon a pwäpwäla ren makkeen ekewe soufos, o ren än Kot, ewe mi manau tori feilfeilachök we allük a pwäla ngeni chon ekewe mwü meinisin ar repwe silei usun, pwe meinisin repwe lükü o aleasochis ngeni.

2. Korint 10:14

Pokiten ämi oua nom lon ei aükük, äm aisap lu seni lupwen aia feila remi o uwato ewe Pworausen Manau usun Kraist.

2. Korint 6:1

Iwe, lon äm angangfengen me Kot, aia tüngormau ngenikemi, pwe ousap alomotongauei än Kot ümöümöch oua angei.

Efisos 3:2

Üa lükü pwe oua fen rong, pwe lon än Kot ümöümöch a ngeniei ei angang pwe üpwe föri fänäsengesimi.

Efisos 4:21

Enlet, ämi oua fen rongorong usun i, oua pwal kaiö ewe let mi nom lon Jesus, pokiten oua chon tapwela mürin.

Efisos 4:23

Letipemi me ekiekimi epwe fokun söfösefäl,

Efisos 5:9

pun ewe saram a atoto eu räs mi watte ren sokun föför mürina, föförün pwüng me let.

Filipi 1:11

Iwe, manauemi epwe urela ren sokun föför mürina Jesus Kraist chök a tongeni afisätä, pwe Kot epwe ling o iteüöch ren.

Filipi 4:17

Esap wewen pwe üa chök mochen angei lifang, nge üa mochen ai üpwe küna watten ämi föför mürina epwe kapach ngeni mine oua fen föri.

Kolose 1:10

Mürin oupwe tongeni manaueni eu manau mi fich ngeni ach Samol o oupwe föri mine epwe pwapwa ren. Iwe, epwe wor sokopaten föför mürina lon manauemi, oupwe mämäritä lon ämi silei Kot.

Kolose 1:23

Nge ämi oupwe fokun sopwela lon ämi lükülük won eu longolong mi pöchökül o nüküchar, ousap fokun mwöküt seni ewe apilükülüköch oua angei lupwen oua rongorong ewe Pworausen Manau. Iei ewe Pworausen Manau aramas ra arongafeili ngeni aramas meinisin won fanüfan, ngang Paulus üa pwal eman chon angang ngeni.

1. Tesalonika 1:5

Pun aia uwato ewe Pworausen Manau ngenikemi, sap lon kapas chök, nge ren manaman me Ngünmifel, pwal ren äm wesewesen lükü pwe a let ewe kapas. Ämi oua silei ifa usun nonomum lupwen aia nonom remi lon fansoun äm alisikemi.

1. Tesalonika 2:13

Iwe, mi pwal wor eu popun pwota sia kilisoufochofoch ngeni Kot. Lupwen sia uwato remi ewe kapasen Kot, oua rongorong ngeni o etiwa. Ousap ekieki pwe kapasen aramas, nge oua etiwa pwe iei wesewesen kapasen Kot. Pun ewe kapas a angang lomi ämi mi lükülük.

2. Tesalonika 2:13

Iwe, äm aipwe fokun kilisou ngeni Kot fansoun meinisin fänäsengesimi pwiim kana mi chen me ren ach Samol. Pun seni lepoputän, Kot a afilikemi pwe oupwe küna manau ren än Ngünmifel apinikemi, pwal ren ämi lükü ewe kapas mi let.

1. Petrus 5:12

Üa makkei ei toropwe mi mochomoch ngenikemi ren än Silas alisiei, ätewe üa silei pwe i eman pwiich souläng mi allükülük. Üa mochen apöchöküla letipemi o pwäri ngenikemi, pwe iei enletin än Kot ümöümöch. Oupwe nüküchar lon.