Kolose 1:4 - Chuukese Bible

⁴ Pun aia rongorong usun ämi lükü Kraist Jesus, pwal usun ämi echeni ekewe chon pin meinisin.

Kolose 1:4 Iomraidhean Croise

2. Korint 7:7

Nge aisap chök chip ren an feito, pwe aia pwal chip ren an apworausa ngenikem usun ämi echipa i. A apworausa ngenikem usun ämi pwositiei, usun ämi letipeta, pwal usun ämi tiliken le peniei. Iei mine a lapalap ai pwapwa lon ei fansoun.

Kalatia 3:26

Lon Kraist Jesus ämi meinisin oua nöün Kot ren ämi lükü.

Kalatia 3:28

Esap wor sokofesenin lefilen chon Juta me chon lükün Israel, lefilen amanau me aramas mi ngas, lefilen mwän me fefin, pun ämi meinisin oua eufengen lon Kraist Jesus.

Kalatia 5:6

Pun lupwen sia fen nonom lon Kraist Jesus, esap chüen wor lomoten ach sipwe sirkomsais ika sisap sirkomsais, nge met chök a aüchea, iei ach lükü Jesus mi pwä lon ach echeni aramas.

Efisos 1:15

Iei popun, seni ewe fansoun üa rongorong usun ämi lükü ach Samol Jesus pwal usun ämi echeni ekewe chon pin meinisin,

Efisos 6:18

Oupwe föri ekei mettoch meinisin lon ämi iotek ngeni Kot pwe epwe alisikemi. Oupwe iotek won met oua föri usun Ngünmifel a emwenikemi. Iei popun ämi oupwe mamasa o tupwöl fansoun meinisin, oupwe iotek fän iten ekewe chon pin meinisin iteiten fansoun meinisin.

Kolose 1:9

Iei popun, seni ewe rän aia rongorong usumi, aisap ükütiu le iotek fän itemi. Aia tüngor ngeni Kot pwe epwe aurakemi ren tufichin silei letipan me unusen mirit me weweöchiti ekewe mettoch lon pekin ngün.

1. Tesalonika 1:3

Pun aia chechemeni me mwen ach Kot i Samach usun ämi lükülük mi pwä lon ämi föför, usun ämi tong mi pwä lon ämi angang weires, pwal usun ämi apilükülüköch mi nüküchar lon ach Samol Jesus Kraist.

1. Tesalonika 3:6

Nge iei Timoty a liwinsefälito o uwato rem pworaus mi mürina usun ämi lükülük me tong. A apworausa ngenikem pwe fansoun meinisin oua chechemenikem fän pwapwa o oua fokun mochen churikem, usun pwal äm aia fokun mochen churikemi.

2. Tesalonika 1:3

Ämi pwiim kana, äm aia fokun kilisou ngeni Kot fänäsengesimi fansoun meinisin. A pwüng ngenikem pwe aipwe föri ei, pokiten ämi lükülük a fokun fefeitä o ämi chen lefilemi a fokun lapalapala.

Filimon 1:5

pun üa rongorong usun om tong ngeni ekewe chon pin meinisin, pwal usun om lükü ach Samol Jesus Kraist.

Ipru 6:10

Kot esap eäni föför esepwüng, esap manlükala ewe angang oua föri me ewe chen oua pwäri ngeni i lupwen oua alisi chiechiemi kewe souläng, nge oua pwal sopwela le alisiir.

1. Johannes 3:14

Kich sia silei, pwe sia towu seni mäla o tolong lon manau, pun sia echeni pwiich kana. Eman esap echeni pwiin a chüen nonom fän nemenien mäla.

1. Johannes 3:23

Iei an allük: Sipwe lükü Nöün we Jesus Kraist, sipwe pwal echenifengenikich lefilach, usun Kraist a fen allük ngenikich.

1. Johannes 4:16

Iwe, kich sia silei o lükü ewe chen Kot a eäni ngenikich. Kot chen. Eman mi nonom lon chen a nonom lon Kot, nge Kot a nonom lon.