Kolose 1:12 - Chuukese Bible

¹² Oupwe pwapwa lon ämi kilisou ngeni Samach Kot, i ewe mi atufichikemi pwe oupwe eäni ekewe feiöch Kot a iseis fän iten ekewe chon pin lon ewe mwün saram.

Kolose 1:12 Iomraidhean Croise

1. King 6:7

Nge lupwen ra aüetä ewe imwenfel, ra aea fau mi fen fal me lon ewe lenien för fau. Iei mine esap wor eman a rong chopuchopun ama ika kouk ika och pisekin angang seni mächä, lupwen ewe imwenfel a kaütä.

1. Kronika 29:20

Mürin, Tafit a üreni ewe mwichen aramas meinisin, “Oupwe mwareiti ewe Samol mi Lapalap ämi we Kot.” Iwe, unusen ewe mwichen aramas ra mwareiti ewe Samol mi Lapalap än ar kewe lewo we Kot, ra rotiu o fel ngeni ewe Samol mi Lapalap, ra pwal asamolu ewe king.

Kölfel 116:7

Ngüni, kopwe apilükülüköch, pun ewe Samol mi Lapalap a kirikiröch ngeniei.

Kölfel 36:9

Pun en ewe lepopun manau meinisin, nge ren om saram äm aia küna saram.

Kölfel 79:13

Mürin, äm noum aramas, ewe mwichen sipen om mälämäl, äm aipwe kilisou ngonuk tori feilfeilachök. Seni eu täppin aramas tori eu täppin äm aipwe mwareituk.

Kölfel 97:11

Saram a tinetiu won ekewe chon pwüng, nge pwapwa a tori chokewe mi wenechar leluker.

Än Salomon Fos 16:1

Eman aramas a tongeni ekiekietä mettoch lon lelukan, nge mine epwe apasa a feito seni ewe Samol mi Lapalap.

Än Salomon Fos 4:18

Ewe al ekewe chon pwüng ra fetal won a usun chök saramen ünümweerän mi chök sasaramala tori a unusen ränila.

Taniel 2:23

Üa kilisou ngonuk, en ewe Kot än ai kewe lewo, üa pwal ingemwareituk ren om fang ngeniei tipachem me tufich. Ka pälüeni äm iotek o pwäri ngenikem monomonen än ewe king we tan.”

Mateus 25:34

Mürin ewe king epwe üreni ekewe aramas mi nom lepelifichin, ‘Oupwe feito ämi mi feiöch me ren Semei! Oupwe mwüni ewe mwü mi molotä fän itemi seni lepoputän fanüfan.

Johannes 14:6

Jesus a üreni, “Ngang ewe al me ewe let me ewe manau. Esap wor eman epwe tongeni feila ren Semei me lüki.”

Johannes 20:17

Jesus a üreni, “Kosap atapaei, pun üsamwo feitä ren Semei. Nge kopwe feila ren pwii kewe o üreniir, pwe üpwe feitä ren Semei pwal Semer, ren ai Kot pwal ar Kot.”

Johannes 4:23

Nge epwe war eu fansoun, nge iei a fen nom, lupwen aramas repwe fel ngeni ewe Sam lon manamanen ewe Ngünün Kot me ewe let, pun ewe Sam a kütta chokewe mi fel ngeni lon let.

Föför 20:32

Nge iei üa anomukemi fän tümwünüen Kot me an kapasen ümöümöch. I a tongeni apöchökülakemiitä o ngenikemi ekewe feiöch a iseis fän iten nöün aramas meinisin.

Föför 26:18

Kopwe aneloi meser, pwe repwe kul seni rochopwak o kul ngeni saram, repwe towu seni fän nemenien Satan o tolong fän nemenien Kot, nge ren ar lüküei repwe küna amusamusen ar tipis kana o angei lenier ren chokewe mi pin.’

Nöün Paulus Toropwe ngeni ekewe Souläng lon Rom 11:17

Ekoch palen ewe irä olif eman a tümwünü ra kuputiu, nge palen ewe irä olif mi chök püsin pwükütä lein pötöwöl a kapachelong lepökün. Ämi chon lükün Israel, oua wewe ngeni ewe irä olif mi pwükütä me lein pötöwöl, nge iei oua angei watten feiöch seni ekewe chon Juta, usun chök ewe palen irä olif mi pwükütä lein pötöwöl a angei feiöch seni chönün ewe irä olif eman a tümwünü.

Nöün Paulus Toropwe ngeni ekewe Souläng lon Rom 15:27

Ei ekiek püsin ir ra filätä ar repwe föri. Nge wesewesen pwüngün mi wor wiser pwe repwe alisi ekewe chon wöüngau. Ekewe chon Juta ra fangala ar kewe feiöchün ngün ngeni ekewe chon lükün Israel, iei mine ekewe chon lükün Israel repwe alisi ekewe chon Juta ren ar kewe feiöchün inis.

Nöün Paulus Toropwe ngeni ekewe Souläng lon Rom 8:17

Nge pokiten sia nöün Kot, sipwe feiöchüni ekewe feiöch i a amolätä fän iten nöün kana, sipwe pwal eti Kraist le wöüni ekewe wöün Kot a amolätä fän itan. Pun are sia eti Kraist lon an riaföü, sipwe pwal eti i lon an ling.

Nöün Paulus Toropwe ngeni ekewe Souläng lon Rom 9:23

A pwal mochen pwärala an ling mi lapalap, a torikich, kich chokewe a ümöümöch ngeni, o a amolakich pwe sipwe angei an we ling.

1. Korint 8:6

nge fän itach mi wor eman chök Kot, i ewe Sam mi föri mettoch meinisin, nge kich sia manau fänäsengesin. Sia pwal eäni eman chök Samol, Jesus Kraist, mettoch meinisin ra för ren o kich sia manau ren.

1. Korint 9:23

Ekei mettoch meinisin üa föri fänäsengesin ewe Pworausen Manau, pwe üpwe angei wisei lon ekewe feiöch.

2. Korint 11:14

Sisap mairü ren ei sokun föför, pun Satan a püsin siwili lapalapan usun itä nge i eman chon längin saram!

2. Korint 5:5

Iwe, Kot ewe mi amolakich ngeni ei sokun siwil, i a ngenikich Ngünün pwe allükülükün mettoch meinisin a amolätä fän itach.

Efisos 1:11

Ekei mettoch meinisin ra fisitä usun met Kot a fen ekiekietä o filätä. Kot a afilikichetä pwe sipwe nöün aramas lon Kraist lon pwüngün an akot mi longolong won met a fen filätä me lepoputän.

Efisos 1:18

Üa tüngor pwe mesen letipemi epwe nennela pwe oupwe küna an saram, pwe oupwe silei usun ewe apilükülüköch i a köri ngenikemi, pwal usun watten ekewe feiöch mi amwarar i a pwon ngeni ekewe chon pin,

Efisos 2:18

Pun ren Kraist kich meinisin, chon Juta me chon lükün Israel, sia tongeni feito mwen mesen Samach ren eman chök Ngün.

Efisos 3:6

Iei ewe monomon: Ren ewe Pworausen Manau ekewe chon lükün Israel repwe eti ekewe chon Juta le feiöchüni än Kot kewe feiöch, repwe chufengen lon ewe eu chök inis o aeafengen ewe feiöchün pwon Kot a föri ren Kraist Jesus.

Efisos 4:6

oua pwal eäni eman chök Kot, ewe Semen aramas meinisin, i a nemeni mettoch meinisin, a angang ren mettoch meinisin o nonom loch meinisin.

Efisos 5:11

Ousap eti aramas le föri ekewe föför mi lomotongau, ekewe föförün rochopwak, nge oupwe sarifiir, pwe repwe pwäwu lon saram.

Efisos 5:20

Oupwe kilisou fansoun meinisin ren mettoch meinisin ngeni Samach Kot fän iten ach Samol Jesus Kraist.

Efisos 5:4

Esap pwal fichitikemi pwe oupwe apasa sokun kapas mi ngau, kapas mi lomotongau me kapasen turunufas, nge oupwe chök kilisou ngeni Kot.

Efisos 5:8

Me lom oua nom lon rochopwak, nge iei oua nom lon saram pokiten oua wiliti nöün ach Samol aramas. Iei mine oupwe manaueni eu manau mi nom fän ewe saram,

Kolose 2:2

Popun ai föri ei, pwe letiper epwe pöchökületä, repwe pwal tipeeufengen lon chen, pwe repwe mefi unusen aüchean ar weweöchiti o silei ewe monomonen Kot, iei i Kraist.

Kolose 3:15

Iwe, ewe kinamwe Kraist a ngenikemi epwe nemeni letipemi, pun Kot a körifengenikemi lon eu chök inis ngeni ei kinamwe. Iwe, oupwe kilisou ngeni Kot.

Kolose 3:17

Iwe, meinisin mine oupwe föri ika apasa, oupwe föri fän iten ach Samol Jesus o oupwe kilisou ngeni Samach Kot ren i.

Titus 2:14

I a fangala manauan fänäsengesich, pwe epwe angasakich seni ach föföringau meinisin, epwe pwal limetikich seni ach tipis, pwe sipwe nöün aramas mi fokun achocho le föri mine a mürina.

Ipru 12:23

Oua feito ren ewe mwichen souläng mi usun chök nöün Kot kewe mwänichi, ra chufengen fän pwapwa, iter a mak lon läng. Oua feito ren Kot ewe soukapwüng fän iten aramas meinisin, pwal ren ngünün ekewe chon pwüng mi unusöch.

Ipru 3:1

Iei mine ämi pwii kana souläng mi pwal kö me ren Kot, oupwe fokun ekieki usun Jesus, ewe Soukünö me Souasor mi Lap sia pwärätä usun.

Ipru 3:14

Pun oukich meinisin sia chiechien Kraist are sia kamwöchünük tori lesopolan won ewe apilüköch sia eäni seni me lepoputän.

James 3:9

Pun ren chönawach sia mwareiti ach Samol, i Samach, nge ren chönawach sia pwal otteki aramas, ir chokewe mi för lon lapalapen Kot.

1. Petrus 5:1

Ngang pwal eman souakom üa pesei ekewe souakom me leimi lon ämi kewe mwichefel. Ngang eman chon pwärätä usun än Kraist riaföü, üpwe pwal angei wisei lon ewe ling epwe pwä. Iwe, üpwe pesekemi

1. Johannes 1:3

Mine aia fen küna o rongorong aia pwal asile ngenikemi, pwe ämi oupwe etikem lon äm chiechifengen me ewe Sam me Jesus Kraist Nöün we.

Pwärätä 21:23

Esap lomot ngeni ewe telinimw tinen akkar ika tinen maram, pun än Kot ling a tinetiu won, o ewe Lam iei an atitin.

Pwärätä 22:14

Ra feiöch chokewe mi limeti üfer pwe repwe limöch, pwe epwe wor ar pwüüng ar repwe mongö seni uän ewe irän manau, repwe pwal tolong lon ekewe asamalap o tolong lon ewe telinimw.

Pwärätä 22:5

Esap chüen wor pwin, esap pwal chüen lomot rer lamp ika akkar, pun ewe Samol Kot epwe ar saram, nge repwe nemenem usun king tori feilfeilachök.