Kölfel 99:3 - Chuukese Bible

³ Aramas meinisin repwe mwareiti itan mi tekia o eniwokus. Kot a pin.

Kölfel 99:3 Iomraidhean Croise

Nehemia 1:5

Üa apasa, “Ai Samol mi Lapalap Koten läng, en ewe Kot mi tekia, äm aia niuokusituk. Ka apwönüetä om pwon me tong ellet ngeni chokewe mi echenuk o aleasochisi om kewe allük.

Nehemia 4:14

Iwe, lupwen üa küna pwe ekewe aramas ra niuokus, üa üreni ekewe aramas tekia, ekewe nöüwis pwal ekewe lusun aramas, “Ousap niuokusiti ekewe chon oputach. Oupwe chechemeni ewe Samol mi tekia, aramas ra niuokusiti. Oupwe maun fän iten pwimi kewe chon Juta fän iten nöümi ät me nengin, pwal fän iten pwülüemi me leniemi.”

Nehemia 9:32

Äm Kot, en eman Kot mi tekia o manaman, aramas ra niuokusituk, ka apwönüetä om pwon me tong ellet ngenikem. Iei mine kopwe ekieki usun ekewe riaföü meinisin ra torikem, ra tori äm kewe king me samol, nöüm kewe souasor me soufos, äm kewe lewo me nöüm kewe aramas meinisin seni fansoun mwün ekewe kingen Asiria tori ikenai.

Nehemia 9:5

Mürin, ekewe mwän seni ewe ainangen Lefi Jesua, Katmiel, Pani Hasapneia, Serepia, Hotia, Sepania me Petaia ra apasa, “Oupwe ütä o mwareiti ewe Samol mi Lapalap ämi we Kot tori feilfeilachök. Oupwe mwareiti itan mi ling, a tekia seni ekewe feiöch meinisin me mine aramas ra mwareiti.”

Kölfel 100:4

Oupwe tolong lon asamen imwan fän kilisou, oupwe tolong lon rumwen imwan kewe fän kölün mwareiti i. Oupwe kilisou ngeni o mwareiti itan.

Kölfel 103:1

Ngüni, kopwe mwareiti ewe Samol mi Lapalap, leuti meinisin, kopwe mwareiti itan mi pin.

Kölfel 111:9

A angasala nöün aramas o föri eu pwon esemüch. Itan a pin o eniweniu.

Kölfel 145:17

Ewe Samol mi Lapalap a pwüng lon meinisin mine a föri o kirikiröch lon an kewe föför meinisin.

Kölfel 66:3

Oupwe apasa ngeni Kot, “Om kewe föför ra fokun amwarar. Om kewe manaman ra kon lapalap, pwe chon oputok ra chapetiu me mwom fän niuokus.

Kölfel 76:1

Ekewe aramas ra silei Kot me lon Juta, itan a föüla me lon Israel.

Kölfel 76:12

I a atekisona ekewe samol mi lamalamtekia, ekewe kingen fanüfan ra niuokusiti.

Aisea 6:3

Iwe, ra kökköfengen lefiler, “A pin, a pin, a pin ewe Samol mi Unusen Manaman. Unusen fanüfan a ur ren lingan.”

Jeremaia 20:11

Nge en, ai Samol mi Lapalap, ka nom rei usun chök eman sounfiu mi pöchökül. Iei mine ekewe chon ariaföüüei repwe chepetek, resap tongeni akufuei. Repwe fokun säw, pun esap pwönüetä ar mochen. Ar itengau esap tongeni manlüküla tori feilfeilachök.

Johannes 17:11

Iwe, iei üpwe feila reöm. Üsap chüen nom lon ei fanüfan, nge ir ra nom lon ei fanüfan. Semei mi pin, kose mochen kopwe tümwünüür ren manamanen itom we, ewe it ka ngeniei, pwe ir repwe eu usun chök en me ngang sia eu.

Tuteronomi 28:58

Iwe, are ousap tümwünüöchü le föri ekei allük meinisin mi mak lon ei puk, are ousap pwal meniniti iten ewe Samol mi Lapalap ämi we Kot, ewe it mi ling o eniweniw,

Tuteronomi 7:21

Ousap fokun niuokusitiir, pun ewe Samol mi Lapalap ämi we Kot a nom remi, i eman Kot mi lapalap o eniwokus.

Josua 24:19

Nge Josua a üreni ekewe aramas, “Ämi ousap tongeni angang ngeni ewe Samol mi Lapalap, pun i eman Kot mi pin, i pwal eman Kot mi lukomong. Esap mochen amusala ämi pupungau me tipis.

Pwärätä 4:8

Eman me eman ekewe föman mönümanau a wor wonofoch pöükässin, nge won me fän pöükässiir ra kula ren föün mas. Lerän me lepwin resap ükütiu le kölü ei köl: “A pin, a pin, a pin ewe Samol Kot mi Unusen Manaman, i ewe a fen nonom, ewe a nom iei me ewe epwe feito me mürin.”

1. Samuel 2:2

Esap wor eman mi pin usun ewe Samol mi Lapalap, esap wor eman lükün i, esap pwal wor eu achau usun ach we Kot.