Kölfel 81:3 - Chuukese Bible

³ Oupwe ettiki rappwa lelingen maram me leunusen maram, pwal lupwen ach ränin chulap.

Kölfel 81:3 Iomraidhean Croise

2. King 4:23

Iwe, pwülüan we a aisini, “Pwota ka mochen feila ren ikenai? Pun ikenai esap pwinin alingeling ika ränin sapat.” Nge neminewe a üra, “Men öch.”

1. Kronika 15:16

Iwe, Tafit a pwal allük ngeni ekewe samolun chon ewe ainangen Lefi, pwe repwe filätä chon köl me lein pwiir kana, pwe repwe köl o ettiki sokopaten pisekin ettik fän pwapwa, repwe ettik kitar me ükülele o aea pisekin kaktai.

1. Kronika 15:19

Nge ekewe souköl Heman, Asaf me Etan ra wisen aea pisekin kaktai seni piras.

1. Kronika 15:24

Ekewe souasor Sepania, Josafat, Netanel, Amasai, Sekaria, Penaia me Elieser ra fil pwe repwe ettiki ekewe rappwa me mwen än Kot we pworofel. Nge Opet-etom me Jehia ra pwal fil pwe repwe mamasa asamalapen lenien ewe pworofel.

1. Kronika 16:42

Iwe, Heman me Jetutun ra wisen tümwünü ekewe rappwa me pisekin kaktai, pwal sokopaten pisekin ettik ra aea le ettiki ekewe köl mi pin. Nge nöün Jetutun kewe mwän ra kefil pwe repwe mamasa ewe asamalap.

1. Kronika 16:6

nge ekewe souasor Penaia me Jahasiel ra wisen ettiki ekewe rappwa iteitan me mwen än Kot we pworofel.

1. Kronika 25:1

Iwe, Tafit me nöün kewe meilap ra filätä ekoch nöün Asaf, Heman me Jetutun kewe mwän fän iten ewe angangen lon imwenfel, pwe repwe pwärätä än Kot kapas fiti tikin ükülele me kitar, pwal fän pisekin kaktai. Iei tettelin chokewe mi föri ei angang, pwal wiser:

2. Kronika 13:12

Nengeni, Kot a etikem, i nöüm souemwen, nge nöün kewe souasor ra pwal nom rem fän ar kewe rappwa, pwe repwe ettiki ewe tikin asilesilen maun, pwe aipwe maun ngenikemi. Ämi aramasen Israel, ousap maun ngeni ewe Samol mi Lapalap än ämi kewe lewo we Kot, pun ousap tongeni win.”

2. Kronika 13:14

Nge lupwen ekewe chon Juta ra nenefetal, ra küna pwe ewe maun a nom mwer pwal lükisökürür. Iwe, ra siö ngeni ewe Samol mi Lapalap pwe epwe alisiir, nge ekewe souasor ra ettiki ekewe rappwa.

2. Kronika 2:4

Iei üpwe kärän popuetä le aüetä eu imw fän iten ewe Samol mi Lapalap ai we Kot. Epwe eu leni mi pin, ia äm me nei aramas aipwe fel ngeni Kot ie o keni apach mi pwokus seni nofitin mongö mi pwoarar iteiten rän, aipwe pwal uwato ren ekewe pilawa mi pin. Ikenan aipwe pwal eäni asoren kek iteiten lesosor me lekuniol, lon ekewe ränin sapat me popun maram, pwal lupwen fansoun ekewe chulap mi kefil fän iten ewe Samol mi Lapalap äm we Kot. Iei eu allük seni Kot fän iten chon Israel tori feilfeilachök.

2. Kronika 5:12

Nge ekewe chon köl ir chon ewe ainangen Lefi: Asaf, Heman me Jetutun, nöür kewe mwän me märärir kewe ra üföüf üf mi pwechepwech o ütä peliötiuen ewe rongen asor. Ra eäni pisekin kaktai, kitar me ükülele, nge ipükü rüe souasor mi ettiki rappwa ra etiir.

2. Kronika 8:13

A eäni asor ükükün mine a wisen eäni lon eu me eu rän, usun mine Moses a allük fän iten ekewe ränin sapat, fansoun popun maram me ekewe ülüngat fansoun chulap mi fis iteiten ier: ewe chulapen mongö pilawa esap wor iis lon, ewe chulapen kini mwen uän irä me ewe chulapen likachoch.

Kölfel 149:3

Repwe mwareiti itan fän pworuk o köl ngeni fän pisekin kaktai me ükülele.

Kölfel 33:2

Oupwe mwareiti ewe Samol mi Lapalap ren ükülele, oupwe ettik ngeni won kitar mi wor engol saitenin.

Kölfel 98:6

Oupwe eäni eu mweireiren pwapwa fän rappwa me puun sewi me fän mesen ewe King, ewe Samol mi Lapalap.

Kölün kechü 2:6

A ataetiu imwan we imwenfel, pwe a usun chök eu tanipi, o atatakisi ewe lenien chulap. Ewe Samol mi Lapalap a awesi me lon Sion ekewe chulap mi kefilitä me ekewe ränin sapat. Lon an song mi fokun watte a pöütala ekewe king me ekewe souasor.

Nahum 1:15

Nengeni, eman chon künö a feito won ekewe chuk, a uwato pworausen asilesil mi mürina o asilefeili kinamwe. Ämi chon Juta, oupwe föri ämi kewe chulap o apwönüetä ämi kewe pwon. Pun ekewe aramasangau resap chüen liwinitikemi o maun ngenikemi. Ra fokun rosola.

Numperis 15:3

“Oupwe eäni asor ngeni ewe Samol mi Lapalap eman ätemwänin kow, ika eman ätemwänin sip, ika kuuch, pwe ämi soren kek ika sokun asoren pwon, ika asor seni püsin letipemi, ika asor lupwen fansoun ekewe chulap mi kefilitä, pwe eu asor ewe Samol mi Lapalap a efich pwoon.

Numperis 28:11

Iwe, lepoputän iteiten maram oupwe eäni asoren kek ngeni ewe Samol mi Lapalap ruoman nienifön ätemwänin kow, eman ätemwänin sip, füman ätemwänin lam eu ierir esap wor terir.

Tuteronomi 16:15

Iwe, lon ükükün fisu rän oupwe föri ewe chulap ngeni ewe Samol mi Lapalap ämi we Kot lon ewe leni i epwe filätä. Oupwe fokun pwapwa, pun ewe Samol mi Lapalap epwe afeiöchü uän fotämi irä me angangen pöümi meinisin.

Kolose 2:16

Iei mine ousap mwüt ngeni än eman epwe föri allük usun met oupwe mongö ika ün, ika meni rän oupwe pinini, ika usun ekewe chulap mi fis lon fansoun lelingen maram me ekewe ränin sapat.