Kölfel 139:3 - Chuukese Bible

³ Ka nenengeniei, lupwen üa angang, pwal lupwen üa asösö, ka silei ai kewe föför meinisin.

Kölfel 139:3 Iomraidhean Croise

2. Samuel 11:27

Nge lupwen ekewe ränin kechü ra wes, Tafit a titi neminewe o emwenato lon imwan. Iwe, Tafit a pwülüeni, nge Patsipa a nöüni eman ät me won. Nge ewe Samol mi Lapalap a oput ewe föför Tafit a föri.

2. Samuel 8:14

Tafit a anomu mwichen sounfiu lemenen Etom, nge chon Etom meinisin ra nom fän nemenien Tafit. Iwe, ewe Samol mi Lapalap a awinna Tafit ekis meinisin ia a feila ie.

Hiop 23:10

Nge Kot a silei ewe al üa fetal won. Lupwen a sotuniei, a pwä pwe üa usun kolt.

Hiop 31:4

Ifa usun, Kot esap silei meinisin mine üa föri o küna fefetalin pechei?

Kölfel 119:168

Üa aleasochisi om kewe öüröür me om kewe allük, pun en ka küna meinisin mine üa föri.

Kölfel 139:18

Ika ngang üpwe aleaniir, repwe chomong seni föün pi. Lupwen üa pwök, üa chüen nom reöm.

Än Salomon Afalafal 12:14

Nge Kot epwe apwüngü föför meinisin, pwal iteiten föför mi fis lemonomon, ika a mürina ika a ngau.

Aisea 29:15

Feiengauen chokewe ra aopala ar ekiek seni ewe Samol mi Lapalap. Ra föri ar föför lemonomon, ra pwal ais, “Iö a künakich? Iö a silei mine sia föri?”

Jeremaia 23:24

Ifa usun, eman aramas a tongeni op lon leni mi monomon, pwe üsap tongeni küna? Ifa usun, üsap aura läng me fanüfan?

Mateus 3:12

A kamwöch an söföl usun fook pwe epwe aimwüfeseni ekewe föün wiich seni pöön me won ewe lenien wichiwich umwun wiich. Iwe, epwe ionifengeni ekewe föün wiich o uwalong lon an lenien iseis, nge ekewe pöön epwe keniirela lon ekkei esap kunula.”

Johannes 13:2

Iwe, Jesus me nöün kewe chon kaiö ra mongön lekuniol. Ewe Tefil a fen atolonga ewe ekiekin afangamä Jesus lon letipen Jutas nöün Simon Iskariot.

Johannes 13:21

Mürin än Jesus apasa ngeniir ekei kapas, a fokun weires lon letipan o a pwärätä ngeniir, “Enlet, üpwe wesewesen ürenikemi: Eman me leimi epwe afangamäei.”