Kölfel 102:2 - Chuukese Bible

² Kosap aopala mesom seniei, lupwen üa nom lon riaföü. Kopwe aü selingom ngeniei o müttir pälüeniei, lupwen üa köruk.

Kölfel 102:2 Iomraidhean Croise

Hiop 34:29

Are Kot a fanafanala, iö epwe tongeni apwüngü? Are i a amona mesan, iö epwe tongeni küna? Nge Kot a nemeni eman aramas usun chök an nemeni chon eu mwü,

Hiop 7:21

Pwota kosap amusala ai pupungau o angei seniei ai föföringau? Pun arapakan chök üpwe kon lon peiasei. En kopwe küttaei, nge üsap chüen nom.”

Kölfel 104:29

Nge lupwen ka aopa mesom seniir, ra niuokus, lupwen ka angei seniir ngasangaseer, ra mäla o liwiniti pwül moromor.

Kölfel 13:1

Ai Samol mi Lapalap, ifa ükükün fansoun om kopwe manlükieila? Ifa usun, kopwe manlükieila tori feilfeilachök? Ifa ükükün fansoun om kopwe aopala mesom seniei?

Kölfel 143:7

Ai Samol mi Lapalap, kopwe müttir le pälüeniei, pun üa fokun apilükingau. Kosap aopa mesom seniei, pwe üsap wewe ngeni chokewe mi tolong lon ewe lenien sotup.

Kölfel 17:1

Ai Samol mi Lapalap, kopwe aüselinga ai tüngor mi pwüng o afäli ai siö. Kopwe aü selingom ngeni ai iotek mi wenechar.

Kölfel 22:19

Nge en, ai Samol mi Lapalap, kosap toau seniei! En ai chon alilis, kopwe müttir feito o alisiei.

Kölfel 27:9

Kosap aopa mesom seniei. Kosap aliwini noum ei chon angang lon om song, pun en ai chon alilis. Kosap pöütieila, kosap pwal likitieila, Ai Kot, ai Chon Amanau.

Kölfel 31:2

Kopwe aü selingom ngeniei, kopwe müttir amanauaei. En kopwe ai lenien op usun eu föimw mi pöchökül, pwe kopwe amanauaei.

Kölfel 40:13

Ai Samol mi Lapalap, kose mochen kopwe amanauaei. Ai Samol mi Lapalap, kopwe kaito pwe kopwe alisiei.

Kölfel 69:17

Kosap amona mesom seni noum chon angang. Kopwe müttir pälüeniei, pun ngang üa nom lon riaföü.

Kölfel 70:1

Ai Kot, kose mochen kopwe angasaeila. Ai Samol mi Lapalap, kopwe kaito pwe kopwe alisiei.

Kölfel 71:2

Pokiten ka pwüng, kopwe angasaei o alisiei. Kopwe aü selingom ngeniei o amanauaei.

Ekistos 2:23

Mürin chomong ier ra la, ewe kingen Isip a mäla. Nge ekewe aramasen Israel ra chök ngüngü fän riaföün än chon Isip nöüniir amanau, ra pwal siö pwe eman epwe alisiir. Nge ar siö pokiten ar riaföü a tori Kot.

Ekistos 2:24

Iwe, Kot a rongorong ar siö o chechemeni an we pwon ngeni Apraham, Isaak me Jakop.

Aisea 43:2

Are kopwe fetal lon koluk, üpwe etuk. Are kopwe fetal lon chanpupu, öütan esap amolumuk. Nge are kopwe fetal lon ekkei, kosap kar, nge pulopulan esap kuruk.

Aisea 65:24

Iwe, üpwe apwönüetä ar iotek mwen resamwo tüngor, nge lupwen ra chüen fos, üpwe aüselingeer.

Aisea 8:17

Ewe Samol mi Lapalap a amonala mesan seni ekewe mwirimwirin Jakop, nge ngang üpwe chök lükü i o apilükülükü.

1. Korint 10:13

Ekewe sosot ra torikemi sosotun aramas chök. Nge Kot a apwönüetä an pwon o esap mwütätä ngenikemi pwe oupwe tolong lon sokun sosot mi lap seni ämi tufich. Nge lupwen oupwe tolong lon sosot, i epwe föri efoch alen towu, pwe oupwe tongeni pwora ngeni.