Kölfel 101:3 - Chuukese Bible

³ Üsap anomu ai ekiek won mettoch mi ngau. Üa oput föförün ekewe chon tipis. Ar föför esap fokun fitipacheitiei.

Kölfel 101:3 Iomraidhean Croise

Hiop 31:1

“Üa föri eu pwon ngeni mesei pwe üsap nenengeni eman föpwül fän mocheisou.

Kölfel 119:113

Üa oput ekewe aramas mi tiperuu, nge üa aücheani om allük.

Kölfel 119:37

Kopwe akulu mesei seni mettoch mi lomotongau, nge kopwe amanauaei ren om kapas.

Kölfel 125:5

Nge chokewe mi rikila ngeni ekewe al mi pwor kopwe asechirela fiti ekewe chon föföringau. Kinamwe epwe nom lon Israel.

Kölfel 139:22

Üa fokun oput ir o aleanirelong lein chon oputaei.

Kölfel 14:3

Nge ir meinisin ra tokola, ir ra ingaueppök. Esap wor eman a föri mine a pwüng, esap fokun wor eman.

Kölfel 36:3

An kewe kapas ra mwäl me chofana. Esap chüen föri föför mi mirit me mürina.

Kölfel 39:1

Üa apasa, “Üpwe püsin tümwünüei ren mine üa föri, üsap pwal mwüt ngeni chönawei pwe epwe apasa och mine üa tipis ren. Üpwe pinei awei lon ükükün fansoun än ekewe aramasangau nom rei.”

Kölfel 40:4

A feiöch eman aramas a anomu an apilükülük won ewe Samol mi Lapalap, ätewe esap kul ngeni chon lamalamtekia, ika eti chokewe mi fel ngeni ekewe uluulun anümwäl.

Kölfel 41:9

Pwal chiechiei mi fokun kan ngeniei, üa pwal fokun lükü, ätewe mi mongö rei, a ü ngeniei.

Kölfel 78:41

Ra sotuni Kot fän chomong o asonga Ewe mi Pin me lon Israel.

Kölfel 78:57

nge ra tokola seni Kot o kirikiringau usun chök semelaper kewe, ra lomotongau usun chök efoch esefich mi pwor.

Kölfel 97:10

Ewe Samol mi Lapalap a echeni chokewe mi oput mine a ngau. A tümwünü manauen nöün kewe chon pin o angaseer seni ekewe aramasangau.

Ekistos 20:17

Kosap mocheniaiti imwen chon arum, kosap pwal mochenia ngeni pwülüen chon arum are ngeni nöün chon angang mwän me chon angang fefin, kosap pwal mocheniaiti nöün kow me nöün aas are meinisin mine chon arum a eäni.

Ekistos 32:8

Ra müttir aleasolap ngeni ekewe allük üa ngeniir, ra föri eu uluulun kow seni kolt fän iter, ra fel ngeni, ra pwal asor ngeni o apasa, ‘Iei i om we Kot Israel, ewe mi emwenukowu seni lon ewe fanü Isip.’

Än Salomon Fos 6:12

Eman aramasangau mi lomotongau a fetalfeil o eäni kapas rikirik,

Än Salomon Fos 6:13

a ächiki mesan o farikeri chienan ren pechen me pöün,

Än Salomon Fos 6:25

Kosap ekieki liöchün neminewe lon lelukom, kosap pwal tup ren nennen mesan.

Än Salomon Fos 8:13

Eman mi niuokusiti ewe Samol mi Lapalap a oput mine a ngau. Üa oput lamalamtekia me sikesik, pwal föför mi ngau me kapasen atuputup.

Än Salomon Afalafal 6:9

A mürina än eman epwe menemenöch ren mine a nom ren lap seni an mocheniaiti pwal och. Pun ei pön chök, a usun chök turufi asepwäl.

Aisea 30:11

Iwe, oupwe märisi ewe al, ousap epetikem. Äm aisap mochen rongorong usun Ewe mi Pin lon Israel.’”

Aisea 33:15

Eman mi föri mine a pwüng o eäni kapas wenechar, i epwe manau, pwal eman mi oput an epwe angei winnan fän pöchökül, esap mochen angei lifangen amichimich, nge a pinei selingan pwe esap rongorong pworausen nimanau, a pwal apüngala mesan pwe esap küna mine a ngau.

Jeremaia 22:17

Nge en ka chök ekieki usun om kütta win fän rikirik. Ka niela chokewe esap wor ar tipis o föri angangen ariaföü me mwänewüs ngeni noum aramas. Ewe Samol mi Lapalap a kapas.

Mika 2:2

Lupwen ra mocheniaiti ekewe mälämäl, ra angeir fän pöchökül. Lupwen ra mochen imweni eu imw, ra chök angei. Iei usun ra ariaföüü eman aramas fänäsengesin imwan me fanüan me won saman.

Sekaraia 8:17

Ousap ekiekin sorongau lon lelukemi eman ngeni eman, ousap pwal sani akapelmwäl. Pun ekei föför meinisin üa oput,” iei alon ewe Samol mi Lapalap.

Mateus 5:28

Nge ngang üpwe ürenikemi: Are eman mwän a nenengeni eman fefin o a mochenia ngeni, ätewe a fen tipisin lisowu ngeni ren an ekieki neminewe lon lelukan.

Nöün Paulus Toropwe ngeni ekewe Souläng lon Rom 12:9

Ämi chen epwe fokun wenechar. Oupwe oput mine a ngau o kamwöchünük won mine a mürina.

Kalatia 4:9

Nge iei oua silei Kot, ika üpwe tongeni apasa, pwe iei Kot a silekemi, pwota oua mochen kulsefäliti ekewe ngün mi apwangapwang o attong? Pwota oua mochen oupwe nomsefäl fän nemenier?

Tuteronomi 13:17

Ousap amwöchü och me lein ekewe mettoch oupwe kenala, pwe ewe Samol mi Lapalap epwe emwen seni an song mi watte o ümöümöch ngenikemi. Iwe, epwe pwal tongeekemi o achomongakemi, usun a fen pwon fän akapel ngeni ämi kewe lewo,

Tuteronomi 15:9

Oupwe afälikemi pwe esap wor ekiek mi ngau lon lelukemi, pwe oua apasa: A arap ewe afisuen ier, ewe ierin musala. Ousap pwal wowongau ngeni pwimi we mi wöüngau pwe ousap ngeni och. Pun pwimi epwe siö ngeni ewe Samol mi Lapalap o aturukemi, nge ämi oupwe tipis ren.

Ipru 10:39

Nge kich sisap eti chokewe mi liwinsefäl o pöütmwälila, pwe sia eti chokewe mi lükü o küna manau.

Josua 23:6

Iei mine oupwe fokun aleasochis o apwönüetä meinisin mine a mak lon än Moses we puken allük. Ousap fokun aleasolap ngeni.

2. Petrus 2:21

Epwe fen öch ngeniir ar resap silei ewe alen pwüng, lap seni ar repwe silei, nge mürin ra kul seni ewe allük mi pin a toriir.

1. Johannes 2:19

Ekei aramas resap wesewesen chon ach mwich, ina popun ra likitikich. Pun are repwe chon ach mwich, repwe chök nonom rech. Nge ar likitikich a afatatä pwe ir resap wesewesen chon ach mwich.

1. Samuel 15:11

“Üa lamalamala ren ai seikätä Saul pwe epwe king, pun a kul seniei o aleasolap ngeni ai kewe allük.” Iwe, Samuel a riaföü o siö ngeni ewe Samol mi Lapalap lon unusen ewe pwin.