Kölfel 1:3 - Chuukese Bible

³ Ätekewe ra wewe ngeni irä mi mär ünükün ekewe chanpupu, ra ua lon fansoun räs, nge chör resap aiolol. Meinisin mine ra föri a fisiöch.

Kölfel 1:3 Iomraidhean Croise

Keneses 39:23

Iwe, ewe chon nemeni ewe imwen fötek esap chüen ekiekin püsin tümwünü mine a fen nom fän nemenien Josef, pun ewe Samol mi Lapalap a eti Josef o afeiöchü an angang meinisin.

Keneses 39:3

Ätewe a küna pwe ewe Samol mi Lapalap a eti Josef o apwönüetä an angang meinisin a föri.

2. King 18:7

Iei mine ewe Samol mi Lapalap a eti Hiskia, nge meinisin mine Hiskia a föri a fisiöch. Iwe, a ü ngeni ewe kingen Asiria, esap pwal angang ngeni.

1. Kronika 22:11

Nei, amwo ewe Samol mi Lapalap epwe etuk, pwe kopwe tufichin aüetä imwen ewe Samol mi Lapalap om we Kot, usun i a fen kapas usum.

1. Kronika 22:13

Are kopwe tümwünüöchü le apwönüetä ekewe allük me pwüüng ewe Samol mi Lapalap a allük ngeni Moses fän iten chon Israel, mürin kopwefefeitä. Kopwe pöchökül o tipepwora, kosap niuokus, kosap pwal apilükingau.

2. Kronika 31:21

Iwe, Hiskia a fefeitä, pun meinisin mine a föri lon an angang ngeni ewe imwenfel, pwal lon an aleasochis ngeni pwüngün ekewe allük me an kütta öüröüran me ren an we Kot, a föri seni unusen lelukan.

2. Kronika 32:23

Chomong aramas ra feito Jerusalem o uwato ar asor ren ewe Samol mi Lapalap. Ra pwal uwato ar lifang mi aüchea ren Hiskia ewe kingen Juta, pwe a iteföüla me ren chon ekewe mwü meinisin seni ei fansoun feila.

Hiop 14:9

nge lupwen koluk a tori, epwe fasar o apwükü palan usun efoch irä mi fö.

Hiop 22:28

Meinisin mine ka ekiekietä epwe fisitä, nge saram epwe tittin won alom kewe.

Kölfel 128:2

Kopwe mongö uän angangen poum, kopwe pwapwa o feiöch.

Kölfel 129:8

Nge chokewe mi pwerela resap apasa ngeniir, “Än ewe Samol mi Lapalap feiöch epwe nom womi. Äm aia afeiöchükemi fän iten ewe Samol mi Lapalap.”

Kölfel 92:14

Ra chüen ua lon ar chinlap, ra uren pöchökül o wowoöch fansoun meinisin,

Kölfel 92:15

pwe repwe arongafeili pwe ewe Samol mi Lapalap a wenechar. I ai achau, esap wor och pwüngingau a nom ren.

Aisea 27:11

Ekewe aramas ra wewe ngeni palen ekewe irä mi pwas, ra kuputiu. Iwe, fefin repwe feito o rusifengeniir pwe repwe eäniir amüch. Pun ir eu mwichen aramas resap mirit. Iei mine Kot ewe mi föriir esap tongeäsiniir, esap pwal ümöümöch ngeniir.

Aisea 3:10

Oupwe asile ngeni chon pwüng pwe repwe feiöch, pun repwe feiöchüni feiöchün ar föför.

Aisea 44:4

Repwe märitä usun chök fetil lon leni mi nüküchöchön, pwal usun chök wowo ünükün chanpupu.

Aisea 58:11

Iwe, ngang ewe Samol mi Lapalap üpwe emwenuk fansoun meinisin, üpwe pwal ngonuk amötum lon fanüpwas o apöchöküla inisum. Iwe, kopwe usun chök eu tanipi mi nüküchöchön, pwal usun eu puächen koluk esap mor.

Jeremaia 17:8

A wewe ngeni efoch irä mi fot unupen eu chanpupu a apwükawu waran ngeni ewe koluk, nge esap niuokus lupwen pwichikar a tori, pun chön kana ra chök arauarau. Esap öürek lon fansoun pwasapwas, pun esap ükütiu le ua.

Isikiel 17:8

Nge a fen fot lon eu pwül mi pwülüöch arun eu koluk mi watte, pwe epwe tongeni apwükü palan o ua, epwe pwal wiliti efoch irän wain mi mürina.’

Isikiel 19:10

Inom a usun chök efoch irän wain lon eu tanipin wain, a fot ünükün eu koluk, a pwal uaöch o palapal pokiten chomongun ewe koluk.

Isikiel 31:5

Iwe, a tekia seni ekewe irän lemäl meinisin, nge palan ra fokun öümong o mwuresires pokiten chomongun ewe koluk.

Isikiel 47:12

Iwe, lepekin ewe chanpupu me rüepek epwe märitä chomong sokun irän mongö. Chör resap pwasala, uar resap itela, pwe epwe wor uar mi nup iteiten maram, pun ewe koluk ra manau ren a puwu seni ewe leni mi pin. Iwe, aramas repwe mongö uar, repwe pwal pöchökül seni ar samau ren chör.”

Numperis 24:6

Ra usun chök tettelin ekewe irä palm mi langatam telin, pwal usun chök ekewe tanipi ünükün eu chanpupu. Iwe, ra usun chök irä mi pwokus itan aloes, ewe Samol mi Lapalap a fotuki, pwal usun chök ekewe irä setar ünükün ekewe chanpupu.

Mateus 13:6

Iwe, lupwen akkar a tötä, pwichikaran a pwichiti ekewe kükün irä. Nge pokiten esap wor warer, ra müttir pwasala.

Mateus 21:19

Nge lupwen an fetal a küna efoch irä fiik lepekin ewe al. Iwe, a asai ngeni, nge esap küna uan, pwe chöön chök. Iei mine a fos ngeni ewe irä fiik, “Esap fokun chüen wor uomw!” Lon ewe chök otun ewe irä fiik a pwasala.

Mateus 21:34

Nge lupwen a tori fansoun kinikin, a tinala nöün kewe chon angang ren ekewe chon mälämäl, pwe repwe angei seniir wisan me lon ekewe föün wain.

Mateus 21:41

Ra pölüeni, “Epwe fokun niela ekana mwän mi ngau o awisa ewe tanipin wain ngeni pwal ekoch chon mälämäl mi awora wisan föün wain lon fansoun kinikin.”

Johannes 15:6

Iö esap nonom loi, epwe koturula usun efoch palen irän wain o epwe pwasala. Ekei sokun palan repwe ioifengen o koturulong lon ekkei pwe repwe karala.

Tuteronomi 28:8

Ewe Samol mi Lapalap ämi we Kot epwe afeiöchü ämi lenien iseis, epwe pwal afeiöchü meinisin mine oua föri. Iwe, epwe afeiöchükemi lon ewe fanü i epwe ngenikemi.

Jutas 1:12

Ekei aramas ra usun chök och limengau lefilemi lupwen oua chiechifengen lon ämi kametip ren ar säwemang lon ar momongö o ükün. Ra chök püsin tümwünüür. Ra usun chök ekewe kuchu esor koluk lor, äsepwäl a ässirela. Ra usun irä esap wor uar lon fansoun kinikin, irä mi üttütä fiti warer, ra wesewesen mäla.

Pwärätä 22:2

o a putiu lukalapen alen ewe telinimw. Iwe, lepekin ewe chanpupu me rüepek a wor irän manau ra ua fän engol me ruu lon eu ier, fän eu lon eu me eu maram, chör kewe ra tufichin apöchöküla chon ekewe mwü.