Jutas 1:3 - Chuukese Bible

³ Ämi chiechiei kana mi achengicheng, üa achocho ngeni ai üpwe mak ngenikemi usun ewe manau mi fö sia eänifengeni. Nge iei üa mefi pwe a aüchea ai üpwe müttir mak ngenikemi o apöchökülakemi, pwe oupwe maun fänäsengesin ewe lükülük Kot a ngeni ekewe chon pin. Iei ewe lükülük esap tongeni siwil.

Jutas 1:3 Iomraidhean Croise

Nehemia 13:25

Iwe, üa apwüngüür o anümamaueer, nge ekoch me leir üa wichiir o ütti meten mökürer. Mürin, üa pesei ngeniir pwe repwe pwon fän akapel iten Kot, pwe resap fokun chüen apwüpwülüa nöür föpwül ngeni nöün ekewe chon ekis alüal, ika angei nöün ekewe chon ekis föpwül pwe pwülüen nöür alüal ika püsin pwülüer.

Aisea 45:17

Nge chon Israel ra küna manau esemüch ren ewe Samol mi Lapalap. Resap küna säw are itengau tori feilfeilachök.

Aisea 45:22

Oupwe kulitiei, ämi aramasen fanüfan meinisin, pwe oupwe küna manau. Pun ngang Kot, esap pwal wor eman lüki.

Jeremaia 9:3

Iei alon ewe Samol mi Lapalap, “Iteiten fansoun nei aramas ra chök kapas chofana. Chofana a chöchöla lon ewe fanü, nge sap let. Nei aramas ra chök föri föför mi ngau, nge resap alletä pwe ngang ar Kot.”

Föför 17:3

a awewe ngeniir o alletätä seni lon ekewe wokisin pwe ewe Kraist epwe fokun tolong lon riaföü o manausefäl seni mäla. Iwe, Paulus a üra, “Ätei Jesus, ngang üa afalafala ngenikemi usun, iei i ewe Kraist.”

Föför 18:28

Pun fän pwüngün mine a anini won, a akufu ekewe chon Juta lon ar üpölüfengen mwen ekewe aramas ren an alletätä seni lon ekewe Toropwe mi Pin pwe Jesus ewe Kraist.

Föför 20:27

Pun ngang üa apworausa ngenikemi unusen ekiekin Kot, nge üsap amwöchü och senikemi.

Föför 28:28

Iei mine ngang üa mochen pwe ämi oupwe silei, pwe än Kot kapasen manau a tori ekewe chon lükün Israel o ir repwe aüselinga.”

Föför 4:12

Aramas repwe küna manau ren Jesus chök. Pun esap fokun wor pwal eu it won fanüfan Kot a ngeni aramas, pwe sipwe küna manau ren.”

Föför 6:7

Iei usun ewe kapasen Kot a chöfetal. Nge ewe mwichen chon lükü Jesus lon Jerusalem ra fokun chochomongola, iwe, chomong lein ekewe souasor ra pwal lükü.

Föför 9:13

Ananias a üreni, “Ai Samol, üa rongorong chomong pworaus usun ei mwän me ekewe föför mi ngau meinisin a föri ngeni noumw kewe chon pin lon Jerusalem.

Föför 9:22

Nge Saul a pöchökülela lon an afalafal o a fokun alletä pwe Jesus i ewe Kraist, pwe ekewe chon Juta mi nom lon Tamaskus resap tongeni pölüeni.

1. Korint 15:3

Üa ngenikemi mine üa fen angei met a fokun aüchea: pwe Kraist a mäla fän iten ach tipis usun a mak lon ekewe Toropwe mi Pin,

Kalatia 2:5

Nge sisap fokun tipeeu ngeni ar kewe allük, pun sia mochen pwe enletin ewe Pworausen Manau epwe chök nonom remi.

Kalatia 3:28

Esap wor sokofesenin lefilen chon Juta me chon lükün Israel, lefilen amanau me aramas mi ngas, lefilen mwän me fefin, pun ämi meinisin oua eufengen lon Kraist Jesus.

Kalatia 6:11

Oupwe nengeni ekei mesen mak mi watte üa makkei ngenikemi ren püsin pei!

Efisos 1:1

Ngang Paulus eman nöün Kraist Jesus soukünö fän letipen Kot, üa kapong ngeni ekewe chon pin lon Efisos mi allükülük lon manauer lon Kraist Jesus:

Tuteronomi 21:9

Iei usun oupwe limetawu seni me leimi tipisin nimanauei eman esap wor an tipis, pun oua föri mine a pwüng fän mesen ewe Samol mi Lapalap.”

Tuteronomi 9:10

Mürin, ewe Samol mi Lapalap a ngeniei ekewe rüepek fau mi chöpöp, a makei wor ngeni öütün ekewe fos meinisin a ürenikemi me won ewe chuk seni lukalapen ewe ekkei lon ewe ränin oua mwichefengen.

Filipi 1:1

Äm Paulus me Timoty, äm nöün Kraist kewe chon angang, aia kapong ngeni ekewe chon pin lon Kraist Jesus mi nom lon Filipi, pwal ngeni ekewe soumasen mwichefel me ekewe sounkoa:

Filipi 1:27

Iwe, iei ewe mettoch mi aüchea, pwe lapalapen manauemi epwe fich ngeni ewe Pworausen Manau usun Kraist. Mürin ese lifilifil ika ngang üpwe tongeni feila churikemi ika üsap, nge üpwe rongorong pwe oua üppos lon eu chök popun, oua pwal achocho le ütä lon eu chök tip fän iten ämi lükü ewe Pworausen Manau.

Kolose 1:2

aia kapong ngeni ekewe chon pin lon Kolose, ir pwiich kewe mi allükülük lon Kraist: Samach Kot epwe fang ngenikemi ümöümöch me kinamwe.

1. Tesalonika 2:2

Ämi oua silei pwe aia fen küna riaföü me itengau lon Filipi me mwen äm feito remi lon Tesalonika. Inamwo ika a wor chomong chon ü ngenikem, nge ach Kot a ngenikem pwora pwe aipwe aiti ngenikemi ewe Pworausen Manau mi feito seni i.

1. Timoty 1:18

En nei Timoty, üpwe ngonuk ei allük, a usun chök mine ekewe soufos ra apasa usumw me lom. Kopwe aea ekei kapas pwe om pisekin fiu, pwe kopwe mauneni ewe maun mi öch,

1. Timoty 6:12

Kopwe eäni ewe maunen lükülük mi fokun mürina, iwe, kopwe angei ewe manau esemüch, pun iei met Kot a köruk ngeni, lupwen ka pwora le pwärätä om lükülük mwen mesen chomong chon pwärätä.

2. Timoty 1:13

Kopwe kamwöchünük won ekewe kapas mi let üa aiti ngonuk, pwe repwe eu lenien apirü ngonuk lon om afalafal. Kopwe apposok lon ewe lükülük me chen mi nom lon Kraist Jesus.

Titus 1:4

Üa makkei ei toropwe ngonuk, Titus, en wesewesen nei lon ewe lükülük sia eänifengeni. Samach Kot me Kraist Jesus ach Chon Amanau epwe ngonuk ümöümöch me kinamwe.

Ipru 13:22

Ämi pwii kana, üa fokun tüngor ngenikemi, pwe oupwe rongorong ngeni ekei kapasen apöchökül fän tipeppos. Pun ei toropwe üa makkei ngenikemi esap langatam.

Ipru 6:9

Iwe, ämi chiechiem kana mi achengicheng, inamwo ika aia eäni ekei sokun kapas, nge aia apilüköch fän itemi o silei pwe oua eäni ekewe feiöch mi kon aüchea ra nom lon ämi küna manau.

1. Petrus 5:12

Üa makkei ei toropwe mi mochomoch ngenikemi ren än Silas alisiei, ätewe üa silei pwe i eman pwiich souläng mi allükülük. Üa mochen apöchöküla letipemi o pwäri ngenikemi, pwe iei enletin än Kot ümöümöch. Oupwe nüküchar lon.

2. Petrus 1:1

Ngang Simon Petrus, eman nöün Jesus Kraist chon angang me soukünö, üa kapong ngeni ämi mi angei eu lükülük mi aüchea usun chök äm ren än ach Kot me Chon Amanau Jesus Kraist pwüng.

2. Petrus 2:21

Epwe fen öch ngeniir ar resap silei ewe alen pwüng, lap seni ar repwe silei, nge mürin ra kul seni ewe allük mi pin a toriir.

Jutas 1:1

Ngang Jut, eman chon angang ngeni Jesus Kraist, ngang pwal pwiin James, üa kapong ngeni chokewe mi kö o chen me ren Samach Kot o nom fän tümwünüen Jesus Kraist.

Jutas 1:17

Nge ämi chiechiei kana mi achengicheng, oupwe chechemeni mine ekewe soukünö nöün ach Samol Jesus Kraist ra osuni me lom.

Jutas 1:20

Nge ämi chiechiei kana mi achengicheng, oupwe chök sopwela le apöchöküla ämi lükülük mi unusen pin. Oupwe iotek ren manamanen Ngünmifel.

Pwärätä 12:11

Pwiich kewe ra akufu Satan ren chaan ewe Lam, ren ewe kapasen manau ra pwärätä, pwal ren ar mochen fangatä manauer pwe repwe mäla.

Pwärätä 2:10

Kosap niuokusiti och riaföü epwe toruk. Nengeni, ewe Tefil epwe sotunikemi ren an epwe aturalong lon imwen fötek ekoch me leimi, nge oupwe küna riaföü lon ükükün engol rän. Kopwe likitü le lükü, inamwo ika kopwe tolong lon mäla, iwe, üpwe ngonuk ewe mwärin manau.