Josua 9:8 - Chuukese Bible

⁸ Iwe, ra üreni Josua, “Äm aipwe noum chon angang.” Nge Josua a aisiniir, “Ämi chon ia? Ia oua feito me ie?”

Josua 9:8 Iomraidhean Croise

2. King 10:5

Iei mine ätewe mi wisen nemeni imwen ewe king me ätewe mi wisen nemeni ewe telinimw, pwal ekewe souakom me ekewe mi foleni nöün Ahap kewe mwän ra titila ren Jehu o üra, “Äm aia noum chon angang, aipwe föri meinisin mine kopwe ürenikem. Äm aisap seikätä eman pwe epwe king. Kopwe chök föri mine a mürina me reöm.”

Tuteronomi 20:11

Are chon ewe telinimw repwe tipeeu ngenikemi o suki ngenikemi asamalapen ar telinimw, ekewe aramas meinisin mi nom lon repwe angang ngenikemi fän weires.

Josua 10:6

Nge ekewe chon Kipeon ra titi Josua me lon Kilkal ewe ia a nom ie o üreni, “Kosap asechikeemila äm noum chon angang. Kopwe müttir feito rem, kopwe amanauakem o alisikem. Pun ekewe kingen chon Amor meinisin mi nom lon ewe fanü mi chukuchukutä ra chufengen o maun ngenikem.”

Josua 9:11

Iwe, nöüm souakom me chon fanüem meinisin ra ürenikem, pwe aipwe angei amötüm fän iten äm sai o feito pwe aipwe churikemi. Aipwe pwal ürenikemi pwe äm aipwe nöümi chon angang. Aipwe tüngor ngenikemi pwe sipwe eäni eu pwonen atipeeufengen.

Josua 9:23

Ren ei oua anümamau. Aramas repwe nöünikemi amanau fansoun meinisin, oupwe uwos mwüch o üfüf koluk fän iten imwen ai Kot.”

Josua 9:25

Nengeni, iei äm aia nom fän nemeniom. Kopwe föri ngenikem mine a mürina o pwüng me reöm.”

Josua 9:27

Seni ewe fansoun Josua a nöüniir amanau pwe repwe chon uwos mwüch me chon üfüf koluk fän iten ekewe chon Israel, pwal fän iten än ewe Samol mi Lapalap we rongen asor. Iwe, ra föri ei angang tori ikenai lon ewe leni ewe Samol mi Lapalap a filätä.