Josua 9:3 - Chuukese Bible

³ Nge lupwen ekewe aramasen Kipeon, ir chon Hiw, ra rong usun mine Josua a föri ngeni Jeriko me Ai,

Josua 9:3 Iomraidhean Croise

2. Samuel 2:12

Iwe, Apner me nöün Isiposet kewe sounfiu ra towu seni Mahanaim o feila Kipeon.

1. Kronika 12:4

Ismaia seni Kipeon, eman sounfiu mi pwora, pwal eman souemwenin ekewe ilik, Jeremia, Jahasiel, Johanan me Josapat seni Ketera,

2. Kronika 1:3

pwe repwe eti le feila ren ewe lenien fel won ewe leni tekia mi nom Kipeon. Mürin, Salomon me unusen ewe mwichen aramas ra feilapök ikenan, ewe ia än Kot we imwenfel seni mangaku a nom ie, Moses nöün ewe Samol mi Lapalap we chon angang a föri me lon ewe fanüapö.

Jeremaia 28:1

Lon ewe chök ier, lepoputän mwün Setekia ewe kingen Juta, lon alimuen maramen ewe arüanün ierin an nemenem, eman soufos seni Kipeon itan Hanania nöün Asur we mwän a kapas ngeniei me lon imwen ewe Samol mi Lapalap me fän mesen ekewe souasor me ekewe aramas meinisin. A apasa,

Josua 10:1

Iwe, Atonisetek ewe kingen Jerusalem a rong pwe Josua a liapeni Ai o fokun ataela. A föri ngeni Ai me an king usun mine a föri ngeni Jeriko me an king. A pwal rong pwe chon Kipeon ra kinamwe ngeni chon Israel o nonom lefiler.

Josua 10:2

Ren ei ewe king me nöün aramas ra fokun niuokus. Pun Kipeon eu telinimw mi watte usun ekewe telinimwen king, a pwal watte seni Ai, nge mwänin lon meinisin ra fokun pwora.

Josua 10:28

Iwe, lon ewe rän Josua a liapeni Maketa o ataela, a pwal niela ewe kingen lon o fokun arosala aramasan. Esap amanaua eman. A föri ngeni ewe kingen Maketa usun mine a piin föri ngeni ewe kingen Jeriko.

Josua 10:30

Iwe, ewe Samol mi Lapalap a pwal atolonga fän nemenien chon Israel ewe telinimw me an king. Iwe, Josua a niela chon o arosala chokewe meinisin mi nom lon, nge esap amanaua eman. A föri ngeni kingen ewe telinimw usun mine a piin föri ngeni ewe kingen Jeriko.

Josua 11:19

Ekewe aramasen Israel ra liapeni ekewe telinimw meinisin lon maun, pun esap fokun wor eu me leir a kinamwe ngeniir, chilon chök ewe telinimw Kipeon, ia ekewe chon Hiw ra nom ie.

Josua 18:25

Pwal Kipeon, Rama me Peerot,

Josua 21:17

Iwe, seni ewe ainangen Peniamin ra ngeniir Kipeon me Kepa,

Josua 9:17

Mürin ekewe aramasen Israel ra saila o tori än ekewe aramas telinimw lon aülüngatin rän. Nge iten ar kewe telinimw Kipeon, Kefira, Pereot me Kiriat-jearim.

Josua 9:22

Iwe, Josua a körato ekewe chon Kipeon o üreniir, “Pwota oua atupukem o üra pwe ämi oua feito seni fanü toau, ngei oua fen nom lefilem?

Josua 9:4

ra ekiekietä pwe repwe eäni angangen atuputup. Ra feila o amolätä amötür, ra uwätä tuk mi mesingau won nöür aas, pwal lenien wain seni silin man mi mesingau me kamwakam me apinas.