Josua 9:17 - Chuukese Bible

¹⁷ Mürin ekewe aramasen Israel ra saila o tori än ekewe aramas telinimw lon aülüngatin rän. Nge iten ar kewe telinimw Kipeon, Kefira, Pereot me Kiriat-jearim.

Josua 9:17 Iomraidhean Croise

2. Samuel 4:2

A wor ruoman mwän ren Isiposet, ir meilapen ewe mwichen sounfiu mi kütta liaper, iten eman Paana, iten pwal ewe eman Rekap. Ätekei nöün Rimon mwän ewe re Peniamin seni Perot. Iwe, Perot a nom lon kinikinin ewe fanü Peniamin.

1. Kronika 12:4

Ismaia seni Kipeon, eman sounfiu mi pwora, pwal eman souemwenin ekewe ilik, Jeremia, Jahasiel, Johanan me Josapat seni Ketera,

1. Kronika 2:50

Ikkei ir ekewe mwirimwirin Kalep: Hur, nöün Kalep we mwänichi, a nöüni me won Efrat, a wor nöün mwän: Sopal semelapen chon Kiriat-jearim.

1. Kronika 2:52

Nge ekewe mwirimwirin Sopal semelapen chon Kiriat-jearim: Ekewe chon Haroe me esopun chon Menuhot,

1. Kronika 2:53

pwal ekewe eterekes mi nom lon Kiriat-jearim: ekewe chon Itri, chon Put, chon Shumat me chon Mishra. Iwe, ekewe chon Sorat me chon Eshtaol ra pop seni ekei aramas.

1. Kronika 21:29

Pun lon ena fansoun än ewe Samol mi Lapalap imwenfel seni mangaku Moses a föri me lon ewe fanüapö, pwal ewe rongen asoren kek, a nom lon ewe lenien fel me lon Kipeon.

Esra 2:25

Seni Kiriat-jearim, Chefira me Peerot ükükün füpükü faik me ülüman.

Nehemia 7:29

Seni Kiriat-jearim, Chefira me Peerot ükükün füpükü faik me ülüman.

Jeremaia 26:20

(Iwe, mi pwal wor eman mwän mi osuni fän iten ewe Samol mi Lapalap, itan Uria nöün Semaia we mwän seni Kiriat-jearim. Ätei a osuni usun feiengauen ei telinimw me ei fanü lon ititin chök ekewe kapas Jeremaia a eäni.

Josua 10:2

Ren ei ewe king me nöün aramas ra fokun niuokus. Pun Kipeon eu telinimw mi watte usun ekewe telinimwen king, a pwal watte seni Ai, nge mwänin lon meinisin ra fokun pwora.

Josua 15:60

Iwe, Kiriat-paal, iei Kiriat-jearim, pwal Rapa, ükükün ruu telinimw fiti wisoposopur.

Josua 15:9

Mürin, ewe kiä a feila seni ungen ewe chuk tori ekewe koluk mi puächetä me lon Neftoa. Nge seni ikenan a feila ngeni ewe telinimw mi arap ngeni ewe chuk Efron o pwelila tori Paala, iei Kiriat-jearim.

Josua 18:14

Nge lepelian me lotou ewe kiä a pwelitiu ngeni ör seni ewe chuk mi nom ör sasape ngeni Pet-horon, nge a müchütiu me Kiriat-paal, iei Kiriat-jearim, eu telinimwen chon ewe ainangen Juta. Iei kiännin me pelilotou.

Josua 18:15

Iwe, kiännin me peliör a popueta me lesopun Kiriat-jearim mi nom lotou o pwerela tori ekewe koluk mi puächetä me lon Neftoa.

Josua 9:16

Iwe, ülüngat rän mürin ar föri ewe pwonen atipeeu, ekewe chon Israel ra rong pwe ekewe aramas ir chon arur mi nom lefiler.

Josua 9:18

Nge ekewe aramasen Israel resap tongeni nirela pokiten än nöür kewe souemwen pwon fän akapel ngeniir iten ewe Samol mi Lapalap ewe Koten Israel. Mürin, unusen ewe mwichen Israel a lal ngeni ekewe souemwen.

Josua 9:3

Nge lupwen ekewe aramasen Kipeon, ir chon Hiw, ra rong usun mine Josua a föri ngeni Jeriko me Ai,

Josua 9:9

Iwe, ra üreni, “Äm noum chon angang aia feito seni fanü toau pokiten iten ewe Samol mi Lapalap om we Kot. Pun aia rong pworausan, usun mine a föri me lon Isip,

Soukapwüng 18:12

Ra feitä o nonom ünükün Kiriat-jearim lon Juta. Iei popun pwe ewe leni pelilotoun Kiriat-jearim a iteni Mahane-tan tori ikenai.

1. Samuel 6:21

Iei mine ra tinala chon künö ren ekewe chon Kiriat-jearim pwe repwe üreniir, “Ekewe chon Filistia ra aliwini än ewe Samol mi Lapalap we pworofel. Oupwe feito o angei ngenikemi.”

1. Samuel 7:1

Mürin, ekewe re Kiriat-jearim ra feito, ra angei än ewe Samol mi Lapalap we pworofel o uweela ngeni imwen Apinatap mi nom won eu chuk. Iwe, ra apini nöün we mwän Eleasar pwe epwe tümwünü än ewe Samol mi Lapalap we pworofel.