Josua 9:14 - Chuukese Bible

¹⁴ Iwe, ekewe re Israel ra etiwa mine ra ngeniir o mongö, nge resap akomwen ais öüröürer me ren ewe Samol mi Lapalap.

Josua 9:14 Iomraidhean Croise

2. Samuel 2:1

Mürin ekoch fansoun Tafit a aisini ewe Samol mi Lapalap, “Ifa usun, üpwe feila lon eu kewe telinimwen Juta?” Ewe Samol mi Lapalap a pälüeni, “Kopwe feila.” Iwe, Tafit a ais, “Meni telinimw üpwe feila lon?” Ewe Samol mi Lapalap a üreni, “Kopwe feila Hepron.”

2. Samuel 5:19

Nge Tafit a aisini ewe Samol mi Lapalap, “Ifa usun, üpwe feila maun ngeni ekewe chon Filistia? Ifa usun, kopwe awinnaei?” Iwe, ewe Samol mi Lapalap a üreni Tafit, “Kopwe feila maun, pun ngang üpwe fokun awinnok pwe kopwe akufu ekewe chon Filistia.”

Esra 8:21

Mürin üa asilefeili me arun ewe chanpupu Ahawa pwe epwe fis eu ränin echikefel, pwe aipwe atekisonakem me fän mesen äm we Kot o tüngor ngeni pwe epwe emwenikem lon äm sai o tümwünükem me nöüm pwal pisekim meinisin.

Ekistos 28:30

Kopwe iselong ewe Urim me ewe Tumim lon ewe chechen leupw, pwe repwe nonom fän mwärin Aaron, lupwen epwe tolong fän mesei. Iei usun Aaron epwe uwei fän mwärin ewe minen asisila letipei ngeni chon Israel fansoun meinisin, lupwen epwe tolong fän mesei.

Numperis 27:21

Epwe ütä fän mesen ewe souasor Eleasar, nge Eleasar epwe kütta letipei fän itan ren ewe Urim . Iwe, fän än Eleasar kapas Josua fiti ekewe aramasen Israel meinisin repwe föri sokopaten ar angang meinisin.”

James 1:5

Nge are eman leimi a osun tipachem, epwe tüngor ngeni Kot, iwe, i epwe fang ngeni, pun Kot a fangafangöch ngeni aramas meinisin, nge esap laleiti eman.

Josua 9:13

Ekei lenien wain seni silin man ra minefö, lupwen aia alölöör, nge nengeni, ra kam. Üfem kei me ipwem sus ra mesingau pokiten äm saitam.”

Soukapwüng 1:1

Mürin än Josua mäla, ekewe aramasen Israel ra aisini ewe Samol mi Lapalap, “Iö lein ekewe ainang epwe akom le feila o maun ngeni ekewe chon Kanaan?”

Soukapwüng 20:18

Iwe, ekewe aramasen Israel ra feila Petel o aisini Kot, “Iö me leim epwe akomwen feila maun ngeni chon Peniamin?” Nge ewe Samol mi Lapalap a pälüeniir, “Chon ewe ainangen Juta repwe akomwen feila.”

Soukapwüng 20:28

nge Pineas nöün Eleasar we mwän, nge Eleasar nöün Aaron mwän, a wisen angang ngeni. Iwe, ekewe aramasen Israel ra aisini, “Ifa usun, äm aipwe feilasefäl o maun ngeni pwim kewe chon Peniamin, ika aipwe emwen?” Nge ewe Samol mi Lapalap a pälüeniir, “Oupwe feila, pun lesor üpwe awinnakemi pwe oupwe akufuur.”

1. Samuel 22:10

Iwe, Ahimelek a angei öüröür seni ewe Samol mi Lapalap fän iten Tafit, a ngeni amötün, a pwal ngeni ewe ketilas nöün Koliat ewe re Filistia.”