Josua 8:8 - Chuukese Bible

⁸ Iwe, lupwen oupwe liapeni ewe telinimw, oupwe kenala, pun iei usun ewe Samol mi Lapalap a allük. Oupwe pii pwe oupwe föri mine üa allük ngenikemi.”

Josua 8:8 Iomraidhean Croise

2. Samuel 13:28

Mürin, Apsalom a allük ngeni nöün kewe chon angang, “Oupwe mamasa. Lupwen Amnon epwe pwapwa ren an ün wain, üpwe ürenikemi pwe oupwe awata o niela. Ousap niuokus. Pun ifa usun, sap ngang üa allük ngenikemi? Oupwe tipepwora o tipen mwän.”

Tuteronomi 20:16

Nge are oua liapeni ekewe telinimw lon ewe fanü ewe Samol mi Lapalap ämi we Kot epwe ngenikemi pwe oupwe fanüeni, ousap amanaua eman mönümanau lon.

Josua 1:16

Iwe, ra üreni Josua, “Meinisin mine ka allük ngenikem aipwe föri, nge ia ka tinikeemila ie aipwe feila.

Josua 1:9

Ifa usun, üsap allük ngonuk pwe kopwe apöchökülok o tipepwora? Kosap niuokus, kosap pwal rükö, pun ngang ewe Samol mi Lapalap om Kot üpwe etuk ekis meinisin ia kopwe feila ie.”

Josua 6:24

Mürin ra keni ewe telinimw me meinisin mine a nom lon. Nge silifer me kolt, pwal ekewe sepi mi för seni piras me mächä ra iseis lon ewe lenien iseis lon imwen ewe Samol mi Lapalap.

Josua 8:13

Iei usun ra alenia ekewe sounfiu: Ewe mwich mi watte a nom peliefengin ewe telinimw, nge ewe mwich mi op a nom pelilotoun. Nge Josua a nom lon ewe lemol lon ewe pwinin.

Josua 8:2

Iwe, kopwe föri ngeni Ai me an king usun mine ka fen föri ngeni Jeriko me an king. Nge liapemi me ekewe manfetal oupwe püsin angei pwe choon wokumi. Oupwe operi ewe telinimw me pelilotoun.”

Josua 8:22

Mürin, ekewe re Israel mi nom lon ewe telinimw Ai ra towu pwe repwe maun ngeni ekewe re Ai. Iei usun ekewe re Israel ra pweliela ekewe re Ai ekoch me epek, nge pwal ekoch me ewe epek. Iwe, ekewe re Israel ra nirela tori esap chüen wor eman mi manau, esap pwal wor eman a tongeni süla.

Josua 8:28

Iwe, Josua a kenala Ai o awili ngeni eu ioien mettoch mi tatakis, usun a nom tori ikenai.

Josua 8:7

Mürin ämi oupwe ütä seni ämi lenien op o tolong lon ewe telinimw, pun ewe Samol mi Lapalap ämi we Kot epwe atolonga lepöümi.

Josua 8:9

Mürin, Josua a tinirela. Iwe, ra feila ren ewe lenien op o witiwit pelilotoun Ai lefilen Petel me Ai. Nge Josua a nom ren ekewe aramas lon ewe pwinin.

Soukapwüng 4:6

Lon eu rän, Tepora a titi Parak nöün Apinoam we mwän seni Ketes mi nom lon Naftali. Iwe, a üreni Parak, “Ewe Samol mi Lapalap, ewe Koten Israel a allük ngonuk, ‘Kopwe feila o amwichafengeni ükükün engol ngeröü mwän seni ekewe ainangen Naftali me Sepulon o emwenirela ngeni ewe chuk Tapor.