Josua 8:34 - Chuukese Bible

³⁴ Mürin, Josua a aleani kapasen ewe allük meinisin, kapasen ewe feiöch me kapasen ewe anümamau, usun meinisin mine a mak lon ewe puken allük.

Josua 8:34 Iomraidhean Croise

Nehemia 13:1

Iwe, lon ena fansoun, lupwen ra aleani än Moses we puken allük ngeni ekewe aramas, ra küna me lon pwe esap wor eman chon Amon ika chon Moap epwe tongeni choni nöün Kot we mwichen aramas.

Nehemia 9:3

Lon ükükün ülüngat kulok ra ütä won lenier, lupwen än ewe Samol mi Lapalap ar we Kot puken allük a alea ngeniir, nge lon pwal ükükün ülüngat kulok ra pwärätä ar tipis o fel ngeni ewe Samol mi Lapalap ar we Kot.

Tuteronomi 27:14

Mürin, ekewe mwän seni ewe ainangen Lefi repwe pwärätä ngeni ekewe chon Israel meinisin ekei kapas fän mwelier mi leüömong,

Tuteronomi 28:28

Ewe Samol mi Lapalap epwe pwal afeiengauakemi pwe oupwe umwes me mesechun me sokongau.

Josua 1:8

Kosap ükütiu le apworausa masouen ei puken allük, kopwe ekieki usun lerän me lepwin, pwe kopwe tümwünüöchü om kopwe apwönüetä meinisin mine a mak lon. Mürin kopwe feiöch o fefeitä lon meinisin mine kopwe föri.