Josua 8:33 - Chuukese Bible

³³ Iwe, ekewe chon Israel meinisin, ekewe souakom, ekewe meilap pwal ekewe soukapwüng fiti ekewe chon ekis mi nom rer ra ütä lepekin ewe pworofel me rüepek fän mesen ekewe souaso ir mwirimwirin Lefi mi mwärei än ewe Samol mi Lapalap we pworun pwon. Esopun ar mwich a ütä o sap ngeni ewe chuk Keresim, nge esop a ütä o sap ngeni ewe chuk Epal. Moses nöün ewe Samol mi Lapalap we chon angang a allük me lepoputän pwe repwe föri iei usun, lupwen repwe angei ewe feiöch.

Josua 8:33 Iomraidhean Croise

Ekistos 12:49

Iwe, epwe eu chök allük fän iten ekewe re wilipos me re ekis mi nom remi.”

Lifitikos 24:22

Iwe, epwe wor eu chök allük fän iten chon ekis mi nom leimi me chon wilipos, pun ngang ewe Samol mi Lapalap ämi we Kot.”

Numperis 15:15

Iwe, epwe chök wor eu allük fän itemi me fän iten ekewe chon ekis mi nom remi. Ei epwe eu allük tori feilfeilachök seni eu täppin aramas tori eu täppin. Ämi me ekewe chon ekis oua wewe chök me fän mesen ewe Samol mi Lapalap.

Numperis 15:16

Iwe, epwe fokun wor eu chök allük me pwüng fän itemi me fän iten ekewe chon ekis mi nom remi.”

Numperis 15:29

Iwe, epwe wor eu chök allük fän iten ätewe mi tipisin chechengau, ese lifilifil ika i eman lein ekewe aramasen Israel ika eman chon ekis mi nom leir.

Johannes 4:20

Äm kewe lewo ra fel ngeni Kot won ei chuk, nge ämi chon Juta oua apasa pwe Jerusalem ina chök ewe leni ia aramas repwe fel ngeni Kot ie.”

Tuteronomi 11:29

Iwe, lupwen ewe Samol mi Lapalap ämi we Kot epwe emwenikemiilong lon ewe fanü oupwe le pwerelong lon pwe oupwe fanüeni, oupwe apasa ewe kapasen feiöch seni won ewe chuk Kerisim, nge ewe kapasen anümamau seni won ewe chuk Epal.

Tuteronomi 31:12

Iwe, oupwe emwichafengeni ekewe aramas, mwän, fefin me semirit, pwal ekewe chon ekis mi nom lon ämi kewe telinimw, pwe meinisin repwe rongorong o kaiö usun ar repwe meniniti ewe Samol mi Lapalap ämi we Kot o tümwünüöchü le apwönüetä kapasen ei allük meinisin.

Tuteronomi 31:25

a allük ngeni ekewe mwän seni ewe ainangen Lefi mi mwärei än ewe Samol mi Lapalap pworun pwon,

Tuteronomi 31:9

Iwe, Moses a makeelong ei allük lon eu puk o ngeni ekewe souasor seni ewe ainangen Lefi mi mwärei ewe pworun pwon än ewe Samol mi Lapalap, a pwal ngeni ekewe souakomwen chon Israel.

Josua 23:2

Iwe, Josua a körifengeni chon Israel meinisin, nöür kewe souemwen me souakom, nöür kewe soukapwüng me nöür kewe meilap o üreniir, “Iei ngang üa fokun chinlap.

Josua 24:1

Mürin, Josua a emwichafengeni ekewe ainangen Israel meinisin lon Sikem. A körifengeni ekewe souakom, ekewe souemwen, ekewe soukapwüng me ekewe meilapen Israel. Iwe, ra feito fän mesen Kot.

Josua 3:14

Iwe, ekewe aramas ra sai seni ewe ia ra nonom ie, pwe repwe pwerela pekilan ewe chanpupu, nge ekewe souasor mi mwärei ewe pworofel ra akom mwer.

Josua 3:3

Iwe, ra üreni ekewe aramas, “Lupwen oua küna pwe ekewe souasor ra mwärei än ewe Samol mi Lapalap we pworofel, ina otun ämi oupwe pwal sai seni leniemi o tapwela mürir,

Josua 3:6

Nge Josua a üreni ekewe souasor, “Oupwe eki ewe pworofel o akomwola mwen ekewe aramas.” Iwe, ra eki ewe pworofel o akomwola mwen ekewe aramas.

Josua 4:10

Nge ekewe souasor mi mwärei ewe pworofel ra ü lukalapen ewe chanpupu Jortan, tori ekewe aramas ra wes le föri mine ewe Samol mi Lapalap a allük ngeni Josua. Ekei kapas meinisin Moses a fen allük ngeni Josua. Iwe, ekewe aramas ra pwerela fän pacheu.

Josua 4:18

Iwe, lupwen ekewe souasor mi mwärei än ewe Samol mi Lapalap we pworofel ra towu seni lukalapen ewe chanpupu Jortan o ipwetä won pwül mi pwasapwas, lölön ewe chanpupu a liwiniti lenian o urowu ünükün ekis meinisin usun mesemwan.

Josua 6:6

Iwe, Josua nöün Nun we mwän a körato ekewe souasor o üreniir, “Oupwe eki ewe pworofel, nge füman me leimi repwe uwei fisu rappwa seni mächän ätemwänin sip me mwen än ewe Samol mi Lapalap we pworofel.”