Josua 8:29 - Chuukese Bible

²⁹ A pwal forusi ewe kingen Ai won efoch irä tori lekuniol. Nge lupwen akkar a tuputiu, Josua a allük pwe repwe apichätiu inisin me won ewe irä. Iwe, ra moneetiu leasamalapen ewe telinimw o achukuchukätä won eu ioien fau mi watte a nom tori ikenai.

Josua 8:29 Iomraidhean Croise

2. Samuel 18:17

Iwe, ra uwei inisin Apsalom, ra aturalong lon eu pwang watte mi nom lein ewe wöllap o achukuchukätä won eu ioien fau mi fokun watte. Nge chon Israel meinisin ra en me süla ngeni püsin lenian.

Ester 7:10

Iwe, ewe king a apasa, “Oupwe forusi Haman won.” Iei mine ra forusi Haman won ewe irä i a fen amolätä fän iten Mortokai. Mürin, än ewe king song a kisikisitiu.

Kölfel 107:40

Iwe, Kot a anomu itengau won ekewe aramas tekia o föri pwe ra fetalfeil lon fanüapö, ia esap wor efoch al ie.

Kölfel 110:5

Ewe Samol a nom lepelifichum. I epwe akufu ekewe king lon ewe rän a lingeringer.

Johannes 19:31

Mürin ekewe nöüwisen chon Juta ra tüngorei Pilatus pwe epwe mwütätä, pwe repwe kupi pechen ekewe mwän mi iräpenges, repwe pwal angeatiu inisiir seni won ekewe iräpenges. Ra tüngor won ei, pun ei rän eu ränin amol, nge ir resap mochen pwe inisin ekewe aramas repwe nom won ekewe iräpenges lon ewe ränin sapat, pun ei ränin sapat eu rän mi fokun pin.

Föför 12:23

Lon ewe chök otun nöün ewe Samol chon läng a ni Herotes, pun esap ngeni Kot lingan. Iwe, moso ra äni fitukan pwe a mäla.

Josua 10:30

Iwe, ewe Samol mi Lapalap a pwal atolonga fän nemenien chon Israel ewe telinimw me an king. Iwe, Josua a niela chon o arosala chokewe meinisin mi nom lon, nge esap amanaua eman. A föri ngeni kingen ewe telinimw usun mine a piin föri ngeni ewe kingen Jeriko.

Josua 10:33

Mürin, Horam ewe kingen Keser a feito pwe epwe alisi chon Lakis. Nge Josua a niela ewe king me nöün sounfiu, tori esap chüen wor eman mi manau.

Josua 12:9

Ikkei ir kingen ekewe telinimw Josua me ekewe chon Israel ra akufu: Ewe kingen Jeriko me ewe kingen Ai mi nom lükün Petel,

Josua 7:26

Iwe, ra achukuchukätä wor eu ioien fau mi tekia a nom tori ikenai. Mürin ewe Samol mi Lapalap a ükütiu le song. Iei mine ewe leni a iteni lemolun Akor tori ikenai.

Josua 8:23

Nge ewe kingen Ai ra amanaua o emwenato ren Josua.