Josua 8:20 - Chuukese Bible

²⁰ Nge lupwen ekewe re Ai ra nenesökür, ra küna ötüötün ekkei seni ewe telinimw mi ötütä läng. Iwe, esap chüen wor ia repwe süla ie, pun ekewe re Israel mi sü ngeni ewe fanüapö ra kul o fiu ngeni ekewe re Ai mi tapweriir.

Josua 8:20 Iomraidhean Croise

Keneses 19:28

Iwe, a netiuei Sotom me Komora me unusen ewe lemol, nge a chök küna och ötün ekkei a ötütä seni ewe fanü, a wewe ngeni ötün eu um mi fokun watte.

Hiop 11:20

Nge ekewe aramasangau repwe nenefetal fän apilükingau. Resap küna efoch al ra tongeni süla won, nge ra chök apilüküni pwe repwe mäla.”

Kölfel 76:5

Ekewe sounfiu mi pwora a oo seniir liaper, ra turula o möürüfoch. Ekewe chon maun meinisin esap wor ar pöchökül.

Aisea 34:10

Iwe, ewe ekkei esap kunula lepwin me lerän, nge ötüötün epwe ötütä feilfeilachök. Ewe fanü Etom epwe tala seni eu täppin aramas tori eu täppin, nge esap wor eman epwe saifetal won.

Josua 8:19

Lon ewe otun ewe mwichen chon op a müttir ütä seni lon lenier, ra sälong lon ewe telinimw o liapeni. Iwe, ra müttir kenala ewe telinimw.

Josua 8:21

Pun lupwen Josua me ekewe re Israel meinisin ra küna ötütän ekkei seni ewe telinimw pokiten ekewe chon op ra liapeni o kenala, ra kul o niela ekewe re Ai.

Pwärätä 18:9

Iwe, ekewe kingen fanüfan mi eti i le föri föförün lisowu me mocheniangau repwe pupuchör o kechüeiti ewe telinimw, lupwen repwe küna ötüötün ewe ekkei mi kenala.

Pwärätä 19:3

Ra kökkösefäl fän leüömong, “Ousipwe mwareiti Kot! Ötüötün ewe ekkei mi kenala ewe telinimw mi watte a ötütä tori feilfeilachök.”

Soukapwüng 20:38

Nge mi wor eu asisil ekewe re Israel me ekewe chon op ra tipeeufengen won, pwe lupwen epwe wor och ötüöt mi ötütä seni ewe telinimw,

Soukapwüng 20:40

Nge lupwen ewe ötüöt a ötütä seni lon ewe telinimw, ekewe chon Peniamin ra nenesökür o küna pwe unusen ewe telinimw a kar.

Soukapwüng 20:41

Mürin, ekewe re Israel ra kul, nge ekewe chon Peniamin ra rükö, pun ra mefi pwe repwe le feiengau.