Josua 8:2 - Chuukese Bible

² Iwe, kopwe föri ngeni Ai me an king usun mine ka fen föri ngeni Jeriko me an king. Nge liapemi me ekewe manfetal oupwe püsin angei pwe choon wokumi. Oupwe operi ewe telinimw me pelilotoun.”

Josua 8:2 Iomraidhean Croise

2. Kronika 13:13

Iwe, Jeropoam a tinala ekoch nöün sounfiu, pwe repwe operifetaleer o maun ngeni chon Juta me lükisökürür, nge ekewe lusun sounfiun Israel ra nom mwen ekewe chon Juta.

2. Kronika 20:22

Nge lupwen ra popuetä le kölün mwareiti Kot, ewe Samol mi Lapalap a awarato niuokus watte won ekewe mwichen sounfiu seni Amon me Moap me Etom mi töki ewe fanü Juta.

Kölfel 39:6

Ellet, aramas ra usun chök ngünüen mettoch. Meinisin mine ra anganga esap wor lomotan. Aramas ra achukuchukätä wöür, nge resap silei iö epwe angei me mürin.

Än Salomon Fos 13:22

Eman aramasöch a likiti wöün ngeni nöün nöün kana, nge wöün ewe chon tipis epwe tori ekewe chon pwüng.

Än Salomon Fos 28:20

Eman aramas mi allükülük epwe wor an feiöch mi somwola, nge eman mi amüttiri an epwe pisekisek epwe küna apwüng.

Jeremaia 17:11

Usun ewe machang itan patrik a aloppa sokul, nge esap püsin sokulun, iei usun ätewe mi pisekisekila fän pwüngingau. Lukalapen fansoun manauan wöün epwe pöüt seni, nge lesopolan manauan epwe eman mi umwes.

Jeremaia 51:12

Oupwe aarü pwe oupwe maun ngeni ekewe tittin Papilon. Oupwe achomonga ekewe chon mas o anomuur lon en me lenian, oupwe amolakemiitä pwe oupwe operiir. Ewe Samol mi Lapalap epwe föri usun mine a fen akota o apasa fänäsengesin chon Papilon.

Tuteronomi 2:35

Ekewe chök pwiin man pwal mine sa liapeni me lon ekewe telinimw sa angei fän itach pwe choon wokuch.

Tuteronomi 20:14

Nge ekewe fefin me ekewe semirit, ekewe pwiin kow me pisekin meinisin mine a nom lon oupwe angei fän itemi pwe liapemi. Iwe, oupwe pwapwa ren choon wokumi oua angei seni chon oputemi, ewe Samol mi Lapalap a ngenikemi.

Tuteronomi 3:2

Nge ewe Samol mi Lapalap a üreniei, ‘Kosap niuokusiti ewe king, pun üa atolonga fän nemeniom, i me nöün kewe sounfiu meinisin pwal fanüan. Iwe, kopwe föri ngeni usun mine ka föri ngeni Sihon ewe kingen chon Amor mi nemenem lon Hespon.’

Josua 10:1

Iwe, Atonisetek ewe kingen Jerusalem a rong pwe Josua a liapeni Ai o fokun ataela. A föri ngeni Ai me an king usun mine a föri ngeni Jeriko me an king. A pwal rong pwe chon Kipeon ra kinamwe ngeni chon Israel o nonom lefiler.

Josua 10:28

Iwe, lon ewe rän Josua a liapeni Maketa o ataela, a pwal niela ewe kingen lon o fokun arosala aramasan. Esap amanaua eman. A föri ngeni ewe kingen Maketa usun mine a piin föri ngeni ewe kingen Jeriko.

Josua 11:14

Ekewe chon Israel ra angei mine ra liapeni me lon ekewe telinimw pwal ekewe pwiin man pwe choon wokur. Nge ekewe aramas meinisin ra nirela. Resap fokun amanaua eman.

Josua 6:21

Iwe, ra ataala mettochun lon ewe telinimw meinisin o niela mwän me fefin, semirit me chinlap, ätemwänin kow me sip me aas ren nöür ketilas.

Josua 8:12

Iwe, Josua a angei ina epwe ükükün limungeröü mwän o anomuur lon eu lenien op pelilotoun ewe telinimw lefilen Petel me Ai.

Josua 8:14

Iwe, lupwen ewe kingen Ai a küna ekewe re Israel, ir me mwänin ewe telinimw meinisin ra müttir towu lesosor o feila ren ewe lemolun Jortan, pwe repwe maun ngeniir. Nge ewe king esap silei pwe mi wor chon op lükisökürün ewe telinimw.

Josua 8:19

Lon ewe otun ewe mwichen chon op a müttir ütä seni lon lenier, ra sälong lon ewe telinimw o liapeni. Iwe, ra müttir kenala ewe telinimw.

Josua 8:24

Iwe, ekewe re Israel ra niela ekewe re Ai meinisin me lon ewe fanü mi amassawa ia ra tapwerirela ie. Mürin, ra liwinsefäl ngeni Ai o niela chon meinisin.

Josua 8:3

Iei mine Josua me ekewe sounfiu meinisin ra feitä Ai. Iwe, Josua a filätä ükükün ilik ngeröü sounfiu mi pöchökül me pwora o tinirela lepwin.

Josua 8:7

Mürin ämi oupwe ütä seni ämi lenien op o tolong lon ewe telinimw, pun ewe Samol mi Lapalap ämi we Kot epwe atolonga lepöümi.

Josua 8:8

Iwe, lupwen oupwe liapeni ewe telinimw, oupwe kenala, pun iei usun ewe Samol mi Lapalap a allük. Oupwe pii pwe oupwe föri mine üa allük ngenikemi.”

Josua 8:9

Mürin, Josua a tinirela. Iwe, ra feila ren ewe lenien op o witiwit pelilotoun Ai lefilen Petel me Ai. Nge Josua a nom ren ekewe aramas lon ewe pwinin.

Josua 9:3

Nge lupwen ekewe aramasen Kipeon, ir chon Hiw, ra rong usun mine Josua a föri ngeni Jeriko me Ai,