Josua 8:19 - Chuukese Bible

¹⁹ Lon ewe otun ewe mwichen chon op a müttir ütä seni lon lenier, ra sälong lon ewe telinimw o liapeni. Iwe, ra müttir kenala ewe telinimw.

Josua 8:19 Iomraidhean Croise

Josua 8:18

Iwe, ewe Samol mi Lapalap a üreni Josua, “Kopwe aitietä wokum siles ngeni Ai, pun üpwe atolonga ewe telinimw lepoum.” Iwe, Josua a aitietä wokun siles ngeni ewe telinimw.

Josua 8:2

Iwe, kopwe föri ngeni Ai me an king usun mine ka fen föri ngeni Jeriko me an king. Nge liapemi me ekewe manfetal oupwe püsin angei pwe choon wokumi. Oupwe operi ewe telinimw me pelilotoun.”

Josua 8:20

Nge lupwen ekewe re Ai ra nenesökür, ra küna ötüötün ekkei seni ewe telinimw mi ötütä läng. Iwe, esap chüen wor ia repwe süla ie, pun ekewe re Israel mi sü ngeni ewe fanüapö ra kul o fiu ngeni ekewe re Ai mi tapweriir.

Soukapwüng 20:33

Nge lupwen ekewe re Israel meinisin ra mwöküt seni lenier o atetteliir me lon Paal-tamar, chokewe mi op ra pwal sä seni lenier me pelilotoun Kipea.

Soukapwüng 20:37

Iwe, ekewe mwän mi op ra müttir towu seni ar lenien op o cheri Kipea. Ra niela chon ewe telinimw meinisin ren ketilas.