Josua 8:18 - Chuukese Bible

¹⁸ Iwe, ewe Samol mi Lapalap a üreni Josua, “Kopwe aitietä wokum siles ngeni Ai, pun üpwe atolonga ewe telinimw lepoum.” Iwe, Josua a aitietä wokun siles ngeni ewe telinimw.

Josua 8:18 Iomraidhean Croise

Hiop 15:25

pun a aitietä pöün o pälüeni Kot, a ü ngeni Ewe mi Unusen Manaman

Hiop 39:23

Ewe lenien föün esefich a akürang me lepekin, nge ekewe siles me ekewe lifötüföt ra molupolup.

Ekistos 14:16

Iwe, en kopwe aitietä wokum o aitiela poum won ewe sät pwe kopwe kinifeseni, pwe ekewe aramasen Israel repwe fetal won pwasapwas epin ewe sät.

Ekistos 8:1

Mürin, ewe Samol mi Lapalap a üreni Moses, “Kopwe feila ren Farao o kapas ngeni, ‘Iei alon ewe Samol mi Lapalap, “Kopwe mwüt ngeni nei aramas pwe repwe feila o fel ngeniei.

Ekistos 8:5

Iwe, ewe Samol mi Lapalap a üreni Moses, “Kopwe kapas ngeni Aaron pwe epwe aitiela pöün fiti wokun won ekewe chanpupu me ekewe warawar, pwal won ekewe nasen koluk, pwe kairü repwe tötä won ewe fanü Isip.”

Isikiel 30:25

Ewer, üpwe apöchöküla pöün ewe kingen Papilon, nge pöün Farao epwe sumutiu. Lupwen üpwe isenalong nei ketilas lepöün ewe kingen Papilon, pwe epwe ächewechewa ngeni ewe fanü Isip o afeiengaua, mürin repwe silei pwe ngang ewe Samol mi Lapalap.

Josua 8:17

Esap wor eman mwän mi chüen nom lon Ai ika Petel, pwe meinisin ra tapweri chon Israel. Ra sukala chök asamalapen ewe telinimw o likitala, nge esap wor eman a mamasa.

Josua 8:19

Lon ewe otun ewe mwichen chon op a müttir ütä seni lon lenier, ra sälong lon ewe telinimw o liapeni. Iwe, ra müttir kenala ewe telinimw.

Josua 8:26

Pun Josua esap aitietiu pöün mi amwöchü wokun siles, tori chon Ai meinisin ra rosola.

Josua 8:7

Mürin ämi oupwe ütä seni ämi lenien op o tolong lon ewe telinimw, pun ewe Samol mi Lapalap ämi we Kot epwe atolonga lepöümi.

1. Samuel 17:41

Iwe, ewe re Filistia a pwal feito o kan ngeni Tafit, nge nöün chon uwei an tittin maun a akom mwan.

1. Samuel 17:45

Mürin, Tafit a üreni ewe re Filistia, “En ka feito rei fän efoch ketilas, efoch fisika me efoch siles. Nge ngang üa feila reöm fän iten ewe Samol mi Unusen Manaman, ewe Kot än ewe mwichen sounfiun Israel en ka apälüa.

1. Samuel 17:6

A wor chechen pechen seni piras, nge efoch kükün siles seni piras a nom won sökürün.