Josua 8:17 - Chuukese Bible

¹⁷ Esap wor eman mwän mi chüen nom lon Ai ika Petel, pwe meinisin ra tapweri chon Israel. Ra sukala chök asamalapen ewe telinimw o likitala, nge esap wor eman a mamasa.

Josua 8:17 Iomraidhean Croise

Hiop 5:13

A liapeni ekewe chon tipachem lon püsin ar tipachemsolä, nge än ekewe chon atuputup öüröür esap fis.

Tuteronomi 2:30

Nge Sihon ewe kingen Hespon esap mwüt ngenikich pwe sipwe pwerelong. Pun ewe Samol mi Lapalap ämi we Kot a apöchöküla mefian o atipeföreai lelukan, pwe epwe atolonga Sihon fän nemeniemi, usun a fis ikenai.

Josua 11:20

Pun ewe Samol mi Lapalap a aföreai leluker pwe repwe ü ngeni Israel lon maun. Ren ei ra atoto feiengau wor pwe ra fokun rosola, nge esap wor eman a ümöümöch ngeniir. Iei usun ewe Samol mi Lapalap a allük ngeni Moses.

Josua 8:16

Iei mine ekewe meilapen ewe telinimw ra körifengeni ekewe aramas meinisin mi nom lon, pwe repwe tapweri ekewe re Israel. Nge lupwen ra tapweri Josua, ra toauala seni ewe telinimw.

Josua 8:18

Iwe, ewe Samol mi Lapalap a üreni Josua, “Kopwe aitietä wokum siles ngeni Ai, pun üpwe atolonga ewe telinimw lepoum.” Iwe, Josua a aitietä wokun siles ngeni ewe telinimw.

Josua 8:3

Iei mine Josua me ekewe sounfiu meinisin ra feitä Ai. Iwe, Josua a filätä ükükün ilik ngeröü sounfiu mi pöchökül me pwora o tinirela lepwin.

Soukapwüng 20:31

Nge ekewe chon Peniamin ra towu pwe repwe maun ngeni ekewe aramas. Iwe, ra toauela seni ewe telinimw o popuetä le niela ekoch lein ekewe re Israel usun me mwan. Ra niir me lon ekewe alelap, efoch mi ale ngeni Petel, nge efoch ngeni Kipea pwal lon ewe amassawa. Ra niela ina epwe ükükün ilik re Israel.