Josua 8:1 - Chuukese Bible

¹ Iwe, ewe Samol mi Lapalap a üreni Josua, “Kosap niuokus ika rükö. Kopwe feila o maun ngeni Ai, nge ekewe sounfiu meinisin repwe etuk. Nengeni, üa atolonga fän nemeniom ewe kingen Ai me nöün aramas, an telinimw me fanüan.

Josua 8:1 Iomraidhean Croise

Kölfel 27:1

Ewe Samol mi Lapalap i ai saram me ai Chon Amanau. Üsap niueiti eman. Ewe Samol mi Lapalap a tümwünüei seni feiengau, üsap fokun niuokus.

Kölfel 44:3

Pun resap liapeni ewe fanü ren püsin nöür ketilas, resap pwal win ren püsin ar pöchökül, ngei ren om pöchökül me manaman, pwal ren om nonom rer, pun ka tongeer.

Kölfel 46:11

Ewe Samol mi Unusen Manaman a etikich, än Jakop we Kot i ach lenien op mi pöchökül.

Aisea 12:2

Ellet, Kot ai Chon Amanau. Üa lükü, nge üsap niuokus. Kot ewe Samol mi Lapalap a ngeniei pöchökül me manaman. Ewer, i ai Chon Amanau.”

Aisea 43:2

Are kopwe fetal lon koluk, üpwe etuk. Are kopwe fetal lon chanpupu, öütan esap amolumuk. Nge are kopwe fetal lon ekkei, kosap kar, nge pulopulan esap kuruk.

Jeremaia 46:27

Nge ämi mwirimwirin Jakop nei we chon angang, ousap niuokus, ämi chon Israel, ousap rükö. Üpwe amanauakemi seni lon ewe fanü toau. Üpwe amanaua mwirimwirimi kana seni ewe ia ra oola ie. Än Jakop cho epwe liwinto o nonomöch fän kinamwe, nge esap wor eman epwe aniuokusuur.

Jeremaia 49:3

Oupwe puchör, ämi chon Hespon, pun Ai a tala. Oupwe ngüngüres, ämi föpwülün Rapa. Oupwe üföüf üf seni tuk o kechü. Oupwe säfeil me lon tittin ewe telinimw. Pun ämi we kot Milkom epwe oola fiti nöün kewe souasor me nöüwis.

Taniel 2:21

A siwili fansoun me kinikinin, a asapwilätiu king kana o seikiretä lon wiser, a pwal fang ngeni chon tipachem ar tipachem o ngeni chon silelap ar silelap.

Taniel 4:25

Iwe, aramas repwe asuukela seni me leir, pwe kopwe nonom lein ekewe mönün lemäl. Lon ükükün fisu ier kopwe mongö fetil usun chök kow, kopwe pwal chöchön ren amurenipwin. Mürin kopwe mefi pwe Ewe mi Fokun Tekia a nemeni mwün aramas, nge a fangala nemenem ngeni iö a mochen fang ngeni.

Taniel 4:35

Iwe, esap wor aüchean chon fanüfan meinisin me ren Kot. A föri mochenin letipan ngeni mwicheichen chon läng, pwal ngeni chon fanüfan meinisin. Iwe, esap wor eman a tongeni pinei mine a föri ika aisini, ‘Met ka föri?’

Mateus 8:26

Jesus a üreniir, “Pwota oua niuokus? Pwota iei me lükükisikisimi.” Mürin a ütä o fos ngeni asepwäl me no pwe repwe ükütiu. Iwe, ewe asepwäl a söötiu o a fokun lüala won matau.

Tuteronomi 1:21

Nengeni, ewe Samol mi Lapalap ämi we Kot a ngenikemi ewe fanü. Oupwe feitä o fanüeni, usun ewe Samol mi Lapalap än ämi kewe lewo we Kot a ürenikemi. Ousap niuokus, ousap pwal apilükingau.’

Tuteronomi 31:8

Iwe, ewe Samol mi Lapalap i epwe akom mwom, epwe etuk, nge esap tümwününgau ngonuk, esap pwal likituk. Kosap niuokus ika rükö.”

Tuteronomi 7:18

Ousap niuokusitiir, nge oupwe chök chechemeni mine ewe Samol mi Lapalap ämi we Kot a föri ngeni Farao pwal ngeni chon Isip meinisin.

Tuteronomi 7:21

Ousap fokun niuokusitiir, pun ewe Samol mi Lapalap ämi we Kot a nom remi, i eman Kot mi lapalap o eniwokus.

Josua 1:9

Ifa usun, üsap allük ngonuk pwe kopwe apöchökülok o tipepwora? Kosap niuokus, kosap pwal rükö, pun ngang ewe Samol mi Lapalap om Kot üpwe etuk ekis meinisin ia kopwe feila ie.”

Josua 10:7

Iei mine Josua a feitä seni Kilkal, ir me ekewe sounfiu meinisin fiti ekewe mi pwora o pöchökül.

Josua 10:8

Iwe, ewe Samol mi Lapalap a üreni Josua, “Kosap niuokusiitir, pun üa fen awinnok. Esap wor eman me leir epwe tongeni ü ngonuk.”

Josua 2:24

Iwe, ra üreni Josua, “Ellet, ewe Samol mi Lapalap a ngenikich unusen ewe fanü. Pwal chon ewe fanü meinisin ra fokun rükö pokitach.”

Josua 6:2

Nge ewe Samol mi Lapalap a üreni Josua, “Nengeni, üa atolonga Jeriko fän nemeniom fiti an king me nöün kewe sounfiu mi pöchökül o pwora.

Josua 7:9

Pun ekewe chon Kanaan me chon ewe fanü meinisin repwe rong usun. Iwe, repwe pwelikeemila o nikeemila meinisin. Nge met en kopwe föri pwe epwe wor meninum me ren aramas?”