Josua 7:9 - Chuukese Bible

⁹ Pun ekewe chon Kanaan me chon ewe fanü meinisin repwe rong usun. Iwe, repwe pwelikeemila o nikeemila meinisin. Nge met en kopwe föri pwe epwe wor meninum me ren aramas?”

Josua 7:9 Iomraidhean Croise

Kölfel 115:1

Ai Samol mi Lapalap, kopwe alingala itom, nge sap item, pokiten om tong ellet me om allükülük.

Kölfel 48:10

Ai Kot, usun aramas won unusen fanüfan ra silei itom, iei usun ra pwal mwareituk. Ka nemenem fän pwüng.

Kölfel 79:9

Kopwe alisikem, ai Kot äm Chon Amanau, pwe itom epwe ling. Kopwe angasakem o amusala äm tipis pokiten itom.

Kölfel 83:4

Ra apasa, “Ou etto, ousipwe aroserela pwe resap chüen eu mwü, esap pwal wor eman epwe chüen chechemeni Israel.”

Kölfel 83:5

Ewer, ra tipeeufengen le rawangau. Ra föri eu pwonen atipeeufengen pwe repwe ü ngonuk.

Ekistos 32:12

Ifa usun, ka mochen pwe ekewe chon Isip repwe apasa, ‘A chök emwenirewu, pun a ekiekin afeiengaueer. A mochen nirela won ekewe chuk o aroserela seni won fanüfan?’ Kopwe likitala om song mi pöchökül, kopwe pwal siwili om ekiekin afeiengaua noum kewe aramas.

Isikiel 20:9

Nge üsap föri, pun üa ekiekin tümwünü iteüöchi, pwe itei esap küna turunufas me lein chon ekewe mwü ia ra wasöla ie. Pun üa fen asile ngeni chon Israel me fän mesen ekewe mwü, pwe üpwe emwenirewu seni ewe fanü Isip.

Sowel 2:17

Iwe, ekewe souasor mi angang ngeni ewe Samol mi Lapalap repwe ütä lefilen kengkangen ewe imwenfel me ewe rongen asor o kechü. Iwe, repwe apasa, “Äm Samol mi Lapalap, kopwe achika noum aramas, nge kosap mwüt ngeniir pwe repwe tolong lon itengau me esit me ren chon ekewe mwü. Pwota chon ekewe mwü repwe apasa, ‘Ifa i chök ar we Kot?’”

Mika 7:10

Mürin chon oputaei repwe küna mine a fis o fokun säw, ir chokewe mi aisiniei, “Ifa i ewe Samol mi Lapalap om we Kot?” Üpwe küna ar kuf me än aramas puriir usun ar puri pwakaken won ekewe al.

Numperis 14:13

Nge Moses a üreni ewe Samol mi Lapalap, “En ka emwenawu ekei aramas seni Isip fän om manaman. Epwe ifa usun, ika ekewe chon Isip repwe rongorong usun mine ka föri ngeniir?

Johannes 12:28

Semei, kopwe alinga itom!” Mürin a wor eu möngüngü seni läng, “Üa fen alinga itei, nge üpwe pwal alingasefäli.”

Tuteronomi 9:28

Pun chon Isip repwe apasa: Pokiten ewe Samol mi Lapalap esap tufichin emwenirelong lon ewe fanü a pwon ngeniir, a pwal oputeer, iei mine a emwenirewu pwe epwe nirela lon ewe fanüapö.

Josua 7:10

Nge ewe Samol mi Lapalap a üreni Josua, “Kopwe ütä. Pwota ka chapetiu lepwül?

Josua 7:8

Ai Samol, met ngang üpwe chüen apasa, nge iei chon Israel ra sü me mwen chon oputeer?

1. Samuel 12:22

Ewe Samol mi Lapalap esap pöütikemiila pokiten itan mi tekia, pun a efich pwe ämi oupwe nöün aramas.