Josua 7:7 - Chuukese Bible

⁷ Iwe, Josua a apasa, “Ai Samol me ai Kot, pwota chök ka fen emwenikeemito pekiton ewe chanpupu Jortan? Ifa usun, kopwe atokeemilong lepöün chon Amor pwe repwe arosakeemila? Amwo sipwe menemen le nonom pekilan ewe chanpupu Jortan.

Josua 7:7 Iomraidhean Croise

2. King 3:10

Mürin, ewe kingen Israel a üra, “Feiengauach, ewe Samol mi Lapalap a körifengenikich kei ülüman king, pwe epwe atolongakich fän nemenien chon Moap.”

Kölfel 116:11

Üa apasa lon ai niuokus, “Aramas meinisin ra chofana.”

Ekistos 16:3

Iwe, ra üreniir, “Amwo aipwe fen mäla ren pöün ewe Samol mi Lapalap lon Isip, lupwen aia mot ngeni ekewe sepien fituk o mongö chomong sokun mongö. Nge ämi oua emwenikeemilong lon ei fanüapö pwe oupwe nikem meinisin ren echik.”

Ekistos 17:3

Nge ekewe aramas ra fokun kakan koluk, pwe ra lal ngeni Moses o apasa, “Pwota ka emwenikeemiwu seni Isip? Ifa usun, kopwe niikem me nöüm pwal nöüm pwiin man ren om emwenikeemito lon ei leni ese wor koluk lon?”

Numperis 14:16

‘Pokiten ewe Samol mi Lapalap esap tongeni emwenalong ekewe aramas lon ewe fanü a pwon pwe epwe ngeniir, iei mine a nirela lon ewe fanüapö.’

Numperis 14:3

Pwota ewe Samol mi Lapalap a emwenikeemito lon ei fanü pwe aipwe mäla lon maun, nge pwülüem me nöüm kewe semirit repwe oola? Epwe fen öch äm aipwe liwinsefäliti Isip.”

Mateus 17:17

Iwe, Jesus a pölüeni, “Ämi eu täppin aramas mi lükülükümang o tipesosor. Ifa langatamen fansoun ai üpwe nom remi. Ifa ükükün fansoun ai üpwe engila ngenikemi? Oupwe uwato ewe ät rei!”

Mateus 17:20

Jesus a pölüeni, “Pokiten a kisikis ämi lükülük. Enlet üpwe ürenikemi, are epwe wor ämi lükülük mi nönnö ngeni eföü pwükilin irä mi fokun kükün, oupwe tongeni üreni ei chuk, ‘Kopwe mwöküt seni ikei o mwökütüla ikenan,’ iwe, epwe mwöküt. Esap wor och mine ousap tufich ngeni.”

Ipru 12:5

Ifa usun, oua manlükala ekewe kapasen apöchökül Kot a ürenikemi pokiten ämi nöün kana? “Nei, kosap aücheangauei än ewe Samol kapasen fön, Kosap apilükingau lupwen a amirituk.

Josua 7:6

Mürin, Josua me ekewe souakomwen Israel ra kamwei üfer, ra chapetiu lepwül mwen än ewe Samol mi Lapalap we pworofel tori lekuniol. Ra pwal tukotuketä won mökürer pwül moromor pwe asisilen ar letipeta.

Josua 7:8

Ai Samol, met ngang üpwe chüen apasa, nge iei chon Israel ra sü me mwen chon oputeer?

1. Samuel 4:3

Nge lupwen ekewe sounfiu ra liwiniti lenier we, ekewe souakomwen Israel ra üra, “Pwota ewe Samol mi Lapalap a mwüt ngeni chon Filistia pwe repwe akufukich ikenai? Ousipwe angei än ewe Samol mi Lapalap we pworofel seni Silo o ekieto ikei pwe Kot epwe nom lefilach o amanauakich seni chon oputakich.”