Josua 7:6 - Chuukese Bible

⁶ Mürin, Josua me ekewe souakomwen Israel ra kamwei üfer, ra chapetiu lepwül mwen än ewe Samol mi Lapalap we pworofel tori lekuniol. Ra pwal tukotuketä won mökürer pwül moromor pwe asisilen ar letipeta.

Josua 7:6 Iomraidhean Croise

Keneses 37:29

Nge lupwen Rupen a liwinto ren ewe pwang o küna pwe Josef esap chüen nom lon, a kamwei üfan fän an letipeta.

Keneses 37:34

Mürin, Jakop a kamwei üfan fän an letipeta, a üföüfolong echö üf seni tuk o kechüeiti nöün we lon chomong rän.

2. Samuel 1:11

Mürin, Tafit a kamwei üfan, nge nöün kewe aramas mi nom ren ra pwal kamwei üfer.

2. Samuel 1:12

Ra ngüngüres o kechü, ra pwal öchüün tori lekuniol fän iten Saul me Jonatan, pwal fän iten nöün ewe Samol mi Lapalap aramas ekewe chon Israel, pun chomong ra mäla lon maun.

2. Samuel 1:2

Nge lon aülüngatin rän eman mwän a feito seni ewe leni ia nöün Saul mwichen sounfiu ra nom ie. Iwe, üfan a kam, a pwal wor pwül won möküran, asisilen an letipeta. Lupwen a feito ren Tafit, a chapetiu lepwül o asamolu.

2. Samuel 12:16

Iwe, Tafit a tütüngor ngeni Kot fän iten ewe mönükol pwe epwe chikarsefäl. A öchüna anan, a tolong lon rumwan o kon lepwül iteiten pwin.

2. Samuel 13:19

Iwe, Tamar a tukotuketä falangen ekkei won möküran o kamwei üfan mi lingöch, a pwal pwölüela mesan ren pöün o feila nge kechü fän leüömong.

2. Samuel 13:31

Mürin, ewe king a ütä, a kamwei üfan o konola lepwül. Iwe, nöün chon angang meinisin mi nom ünükün ra pwal kamwei üfer.

2. King 22:11

Nge lupwen ewe king a rongorong kapasen ewe puken allük, a kamwei üfan fän an letipeta.

2. Kronika 34:19

Nge lupwen ewe king a rong kapasen ewe puken allük, a kamwei üfan fän an letipeta.

Esra 10:1

Iwe, lupwen Esra a iotek o pwärätä ekewe tipis, lupwen a kechü o chapala won pwül me mwen ewe imwen Kot, eu mwichemongun mwän, fefin me semirit seni Israel ra mwicheto ren. Ir meinisin ra seningüngü le kechü.

Nehemia 9:1

Iwe, lon rüe me rüanün ränin ei chök maram ekewe aramasen Israel ra mwichefengen, ra echikefel o üföüf üf seni tuk, ra pwal tukotuketä pwül won mökürer pwe asisilen ar letipeta pokiten ar tipis.

Ester 4:1

Iwe, lupwen Mortokai a rong meinisin mine a fis, a kamwei üfan fän an letipeta, a üföüf üf seni tuk o uwätä falangen ekkei won möküran. A pwal feila lukalapen ewe telinimw o kechü me puchör fän leüömong.

Ester 4:3

Iwe, lon iteiten sop meinisin ia än ewe king allük a tori ie, a fis letipeta lein ekewe chon Juta. Ra echikefel, ra kechü o ngüngüres, nge chomong leir ra üföüf üf seni tuk o mot lon falangen ekkei.

Hiop 1:20

Mürin, Hiop a ütä, a kamwei üfan fän an letipeta o räisöü möküran, a chapala won pwül o fel ngeni Kot.

Hiop 2:12

Nge lupwen ra küna Hiop me toau, resap chüen silleni. Iwe, ra alapatä mwelier o kechü. Ra kamwei üfer fän ar letipeta o amoromorätiu pwül won mökürer.

Hiop 42:6

Iei mine üa püsin atipisiei o ekieksefäl lon pwül me falang.”

Kölün kechü 2:10

Ekewe souakomwen Sion ra mot won pwül fän mosonoson. Ra tukotukotä pwül won mökürer o üföüf üf seni tuk, pwe asisilen ar letipeta. Ekewe föpwülün Jerusalem ra rotiu lepwül.

Numperis 14:6

Nge Josua nöün Nun mwän me Kalep nöün Jefune mwän, chienen chokewe mi operi ewe fanü Kanaan, ra kamwei üfer fän ar letipeta.

Numperis 16:22

Nge ir ra chapetiu lepwül o apasa, “Äm Kot, en popun manauen aramas meinisin. Ifa usun, kopwe song ngeni unusen ewe mwichen aramas are eman chök mwän a tipis?”

Numperis 16:45

“Oupwe merela seni ei mwichen aramas pwe üpwe aroserela fän eu chök.” Iwe, ir me ruoman ra chapetiu lepwül.

Föför 14:14

Nge lupwen Parnapas me Paulus ra rong mine ra ekiekin föri, ra kamwei üfer, ra sälong lukalapen ewe mwichen aramas o kökkö fän leüömong,

Josua 7:7

Iwe, Josua a apasa, “Ai Samol me ai Kot, pwota chök ka fen emwenikeemito pekiton ewe chanpupu Jortan? Ifa usun, kopwe atokeemilong lepöün chon Amor pwe repwe arosakeemila? Amwo sipwe menemen le nonom pekilan ewe chanpupu Jortan.

Pwärätä 18:19

Iwe, ra wätä pwül won mökürer, ra kechü lon ar letipeta o apasa, “A ifan me watten feiengauan! A ifan me amairün feiengauen ei telinimw! Iei ewe telinimw ia chokewe mi wor waar sip mi sai le matau ra pisekisekila ren wöün. Lon eu chök awa mettoch meinisin mine a eäni a pöüt seni.”

Soukapwüng 11:35

Iwe, lupwen Jefta a küna nöün föpwül, a kamwei üfan o üra, “Osupwangei, nei föpwül, ka atatakisi letipei. En popun pwe riaföü mi lap a toriei. Pun üa fen eäni eu pwon ngeni ewe Samol mi Lapalap, nge üsap tongeni atai.”

Soukapwüng 20:26

Mürin, ekewe aramasen Israel meinisin ra feila Petel. Ikenan ra mot o kechü fän mesen ewe Samol mi Lapalap o achuun lon ewe rän tori lekuniol, ra pwal eäni asoren kek me asoren kinamwe fän mesen ewe Samol mi Lapalap.

Soukapwüng 21:2

Mürin ar maun, ekewe aramasen Israel ra feito Petel o nom ikenan fän mesen Kot tori lekuniol. Ra alapatä mwelier o fokun kechüengau.

1. Samuel 4:12

Lon ewe chök ränin eman re Peniamin a sä seni ewe lenien maun o tori Silo fän üfan mi kamwakam, a pwal wor pwül won möküran.