Josua 7:3 - Chuukese Bible

³ ra liwiniti Josua o üreni, “Kosap tinala ekewe aramas meinisin pwe repwe maun ngeni Ai. Kopwe chök mwütätä ükükün ruu ika ülüngat ngeröü mwän repwe feila o maun ngeni. Kosap aweiresi ekewe aramas meinisin le tinirela ikenan, pun chon Ai ra chokükün.”

Josua 7:3 Iomraidhean Croise

Än Salomon Fos 13:4

Eman chon chipwang a mwäräkichiti mettoch, nge esap angei och. Nge eman mi achocho le angang epwe tori meinisin mine a mochen.

Än Salomon Fos 21:25

Än eman aramas chipwang le angang a eselipa ngeni mäla.

Lukas 13:24

“Oupwe achocho ämi oupwe tolong lon ewe asam mi pwangekükün. Pun chomong aramas ra sotuni ar repwe tolong lon, nge resap tongeni.

Ipru 4:11

Iei mine sipwe fokun achocho ach sipwe tolong lon ewe asösö, pwe esap wor eman leich epwe tur usun ir pokiten ar aleasolap.

Josua 7:2

Iwe, Josua a tinala ekoch mwän seni Jeriko ngeni Ai mi arap ngeni Pet-awen ötiuen Petel. Iwe, a üreniir, “Oupwe feila o operi ewe fanü.” Nge wesin än ekewe mwän operi ewe fanü,

Josua 7:4

Iei mine ina epwe ükükün ülüngat ngeröü chök mwän seni lein ekewe aramas ra feila. Nge lupwen ra maun ngeni ekewe chon Ai, ra sü rer.

2. Petrus 1:10

Iei mine ämi pwii kana, oupwe fokun achocho le anüküchara ämi kö me fil, pun are oupwe föri iei usun, ousap fokun tur lon tipis.

2. Petrus 1:5

Iwe, iei popun oupwe achocho le apachatä manauöch ngeni ämi lükülük, silelap ngeni ämi manauöch,