Josua 7:26 - Chuukese Bible

²⁶ Iwe, ra achukuchukätä wor eu ioien fau mi tekia a nom tori ikenai. Mürin ewe Samol mi Lapalap a ükütiu le song. Iei mine ewe leni a iteni lemolun Akor tori ikenai.

Josua 7:26 Iomraidhean Croise

2. Samuel 18:17

Iwe, ra uwei inisin Apsalom, ra aturalong lon eu pwang watte mi nom lein ewe wöllap o achukuchukätä won eu ioien fau mi fokun watte. Nge chon Israel meinisin ra en me süla ngeni püsin lenian.

2. Samuel 21:14

Iwe, ra peiaseni chün Saul me chün Jonatan lon peiasen Kis semen Saul we lon Sela fanüen ekewe chon Peniamin. Ra föri meinisin mine ewe king a allük ngeniir. Mürin, Kot a aüselinga ekewe tüngor fän iten ewe fanü.

2. Kronika 29:10

Iwe, iei ekiekin lelukei, pwe üpwe föri eu pwon ngeni ewe Samol mi Lapalap ewe Koten Israel, pwe esap chüen song ngenikich.

Esra 10:14

Iwe, nöüm kewe nöüwis repwe nonomotiu lon Jerusalem o sopwela ei angang fän iten unusen ewe mwich. Mürin, meinisin mi pwüpwülü ngeni fin ekis repwe feito seni lon äm kewe telinimw lon en me an fansoun mi pwonola, nge ekewe souakom me ekewe soukapwüng seni lon en me an telinimw repwe fitireto. Ren ei än Kot lingeringer mi watte won ei föför epwe kul senikem.”

Kölfel 85:4

Ai Kot, äm Chon Amanau, kopwe aliwinisefälikem o aükätiu om song ngenikem.

Ekistos 32:12

Ifa usun, ka mochen pwe ekewe chon Isip repwe apasa, ‘A chök emwenirewu, pun a ekiekin afeiengaueer. A mochen nirela won ekewe chuk o aroserela seni won fanüfan?’ Kopwe likitala om song mi pöchökül, kopwe pwal siwili om ekiekin afeiengaua noum kewe aramas.

Aisea 40:2

Oupwe fos pwetete ngeni Jerusalem o asile ngeni pwe an angangochou a wesila, nge an tipis a musala. Pun fän ruu a angei liwinin an tipis seni lepöün ewe Samol mi Lapalap.

Aisea 65:10

Saron epwe wiliti eu lenien fetil fän iten pwiin sip, nge ewe lemolun Akor epwe wiliti eu lenien asösö fän iten pwiin kow nöün nei aramas mi küttaei.

Kölün kechü 3:53

Ra aturumanaueeitiu lon eu pwang o pineela ewe pwang ren eföü fau.

Osea 2:15

Me ikenan üpwe aliwinisefäli ngeni an kewe tanipin wain o föri pwe ewe lemolun Akor epwe wiliti eu asamen Apilüköch. Ikenan epwe kul letipan ngeniei usun chök leföpwülün, usun chök lon ewe fansoun lupwen a towu seni ewe fanü Isip.

Osea 2:17

Üpwe aükätiu me lon awan iten ekewe anü Paal, pwe esap chüen föüni iter.

Sowel 2:13

Ousap chök kamwei üfemi, nge oupwe letipeta lon lelukemi.” Oupwe kul ngeni ewe Samol mi Lapalap ämi we Kot, pun a eäni kirikiröch me chen. A songomang o tongotam, a pwal siwili an ekiekin afeiengaua aramas.

Sowel 2:18

Mürin, ewe Samol mi Lapalap epwe ekimongei fanüan o tongei nöün aramas.

Sona 1:15

Mürin ra angei Sona o aturätiu lematau. Iwe a lüala won matau.

Sekaraia 6:8

Mürin, ewe chon läng a kapas leüömong ngeniei, “Ekewe oris mi feila ngeni ewe fanü efeng ra amanasösöütiu än ewe Samol mi Lapalap song.”

Numperis 25:8

o tapwelong mürin ewe re Israel me ewe fefin lon ewe rumwen lon o posurifengeniir me ruoman. Iei usun ewe mätter a ükütiu seni ekewe aramasen Israel.

Tuteronomi 13:17

Ousap amwöchü och me lein ekewe mettoch oupwe kenala, pwe ewe Samol mi Lapalap epwe emwen seni an song mi watte o ümöümöch ngenikemi. Iwe, epwe pwal tongeekemi o achomongakemi, usun a fen pwon fän akapel ngeni ämi kewe lewo,

Tuteronomi 13:18

are oua aleasochisi alon ewe Samol mi Lapalap ämi we Kot o tümwünü an kewe allük meinisin üa allük ngenikemi ikenai, are oua pwal föri mine a pwüng fän mesan.”

Josua 10:27

Nge lupwen akkar a tuputiu, Josua a allük pwe repwe apichiretiu me won ekewe irä. Iwe, ra atururolong lon ewe fööimw, ewe ia ra piin op ie, o pineela mesen ewe fööimw ngeni fau mi watte. Iwe, ekewe fau ra chüen nom tori ikenai.

Josua 7:24

Mürin, Josua me chon Israel meinisin ra angei Akan nöün Sera we mwän, ewe silifer, ewe owokot me ewe fochun kolt, pwal nöün mwän me fefin, nöün ätemwänin kow, nöün aas me sip, imwan imw mangaku me meinisin mine a eäni. Iwe, ra uweeretä ren ewe lemolun Akor.

Josua 8:29

A pwal forusi ewe kingen Ai won efoch irä tori lekuniol. Nge lupwen akkar a tuputiu, Josua a allük pwe repwe apichätiu inisin me won ewe irä. Iwe, ra moneetiu leasamalapen ewe telinimw o achukuchukätä won eu ioien fau mi watte a nom tori ikenai.