Josua 7:25 - Chuukese Bible

²⁵ Iwe, Josua a üreni, “Pwota ka atoto woch feiengau? Ewe Samol mi Lapalap epwe atoto womw feiengau ikenai.” Iwe, chon Israel meinisin ra monei fau ngeni Akan me aramasan tori ra mäla. Mürin ra keniir.

Josua 7:25 Iomraidhean Croise

Keneses 34:30

Mürin, Jakop a üreni Simeon me Lefi, “Ämi oua ariaföüüei, pun oua föri mine chon ekei fanü, chon Kanaan me chon Peris repwe oputaei ren. Kich sa chokükün. Nge are ra chufengen pwe repwe maun ngenikich, ngang me chon leimwei meinisin aipwe rosola.”

Keneses 38:24

Iwe, ina epwe ülüngat maram mürin, eman a asile ngeni Juta, “Tamar pwülüen noum we a tipisin lisowu, nge a pwal pwopwo.” Iwe, Juta a apasa, “Oupwe emwenawu pwe sipwe keni.”

1. Kronika 2:7

Nge Karmi eman mwirimwirin Sera a wor eman nöün mwän itan Akar . Ätei ewe mi awarato feiengau won Israel ren an angemwäli ekewe mettoch repwe katala.

Än Salomon Fos 1:19

Ei epwe fis ngeni chokewe meinisin ra angei ar win ren angangen mwänewüs. Ei sokun win a angeala manauen ätewe mi föri ei sokun föför.

Än Salomon Fos 15:27

Eman mi tipemong ngeni an epwe angei winnan fän pwüngingau a aworato osukosuk won chon leimwan, nge eman mi oput lifangen amichimich epwe manau.

Lifitikos 20:14

Are eman mwän a pwülüenifengeni eman fefin me inan, ei föför a fokun ngau. Iwe, ewe mwän me ekewe ruoman fefin repwe kek, pwe esap wor föföringau leimi.

Lifitikos 20:2

pwe epwe üreni ekewe aramasen Israel, “Are eman me lein ekewe aramasen Israel ika eman me lein ekewe chon ekis mi nom lon Israel epwe eäni asor eman nöün ngeni Molok, epwe fokun ninnila. Iwe, aramasen ewe fanü repwe monei ngeni fau.

Lifitikos 21:9

Iwe, are eman fefin nöün eman souasor a püsin alimengaua ren an amömö inisin fän iten lisowu, a aitengaua saman. Iwe, neminewe epwe kek.

Lifitikos 24:14

“Kopwe emwenawu ätewe mi ottek lükün ewe leni ia oua nonom ie. Nge meinisin mi rong an fos repwe iseis pöür won möküran, pwe asisilen ar atipisi. Mürin ekewe chon Israel meinisin repwe monei ngeni fau.

Kalatia 5:12

Üa äneän pwe amwo chokewe mi afitikokokemi repwe chök sopwela ar föför o püsin pöküela och kinikinin inisiir.

Tuteronomi 13:10

Kopwe monei ngeni fau pwe epwe mäla, pun a ekiekin atokokola seni ewe Samol mi Lapalap om we Kot, ewe mi emwenukowu seni ewe fanü Isip o angasok seni ewe leni ia ra nöünuk amanau ie.

Tuteronomi 13:11

Mürin, chon Israel meinisin repwe rong usun o niuokus, pwe esap chüen wor eman me leimi epwe föri ei sokun föföringau.

Tuteronomi 17:5

mürin oupwe emwenato ewe mwän ika fefin mi föri mine a ngau ren asamalapen ämi telinimw o monei ngeni fau ewe aramas tori a mäla.

Tuteronomi 21:21

Mürin, mwänin ewe telinimw meinisin repwe monei ngeni fau tori a mäla. Iei usun oupwe atowu ewe mi ngau seni leimi. Iwe, chon Israel meinisin repwe rong usun o niuokus.”

2. Tesalonika 1:6

Enlet, Kot epwe föri mine a pwüng: Epwe atoto riaföü won chokewe mi ariaföüükemi,

Ipru 12:15

Oupwe tümwünüfichikemi pwe esap wor eman leimi epwe kul seni än Kot ümöümöch. Esap pwal wor eman epwe usun chök efoch irä maras mi märitä o afisätä chomong fitikoko, pwe chomong repwe limengau ren.

Josua 6:18

Nge ämi oupwe afälikemi ren ekewe mettoch mi pin repwe kata. Pun lupwen oupwe apiniir pwe repwe kata, nge mürin oua angei och seniir, oupwe atoto tatakis me feiengau won lenien chon Israel.

Josua 7:15

Iwe, ätewe mi siil pwe a anomu ekewe mettoch mi pin ngeni epwe kekila, i me chon an famili pwal an mettoch meinisin, pokiten a atai än ewe Samol mi Lapalap we pwon, pwal pokiten a föri eu föför mi äsäw me lon Israel.”

1. Samuel 14:29

Mürin, Jonatan a üra, “Semei a aweiresi chon ei fanü. Nengeni, üa mefi pöchökül, pun üa neni ekis seni ei chönün chunen.