Josua 7:21 - Chuukese Bible

²¹ Lupwen üa küna me lein liapach kewe echö owokot mi ling minen Papilon, pwal limu paun silifer me efoch fochun kolt ükükün choun rüe aunus, üa mocheniaitiir o angeer. Üa aopeer fän pwül lon imwei imw mangaku, nge ewe silifer a nom far.”

Josua 7:21 Iomraidhean Croise

Keneses 10:10

Iwe, Nimrot a popuetä mwün lon Papilon, Erech, Akkat me Kalne. Ir meinisin ra nom lon ewe fanü Papilon.

Keneses 3:6

Nge lupwen ewe fefin a nenengeni ewe irä, a mefi pwe a mürina le mongö o apwapwai aramas le katol, a pwal aüchea ren an afisätä tipachem. Iei popun ewe fefin a angei uän ewe irä o mongö. Mürin a ngeni pwülüan we, iwe, a pwal mongö.

Keneses 34:27

Mürin, nöün Jakop kewe mwän ra feito won ekewe somä o angei pisekin ewe telinimw fän pöchökül pokiten fefiner we a itengau rer.

Keneses 6:2

Nge nöün Kot kewe chon läng mi ngauala ra nenengeni liöchün nöün aramas föpwül. Iwe, ra pwülüeni chokewe ra efich.

2. Samuel 11:2

Iwe, a fis lon eu olopalan, lupwen Tafit a pwätä seni an lenien asösö o fetal won imwan imwen king, a küna seni won imwan eman fefin mi tütü. Nge ewe fefin a fokun liöch.

2. King 7:8

Nge lupwen ekewe mi rupun pwötür ra tori lesopun lenien ekewe sounfiu, ra tolong lon eu imw mangaku. Ra mongö o ün, ra pwal angei silifer me kolt me üf, ra feila o aopeer. Mürin, ra liwinto o tolong lon pwal eu imw mangaku, ra angei ekewe pisek lon, ra feila o aopeer.

Hiop 31:1

“Üa föri eu pwon ngeni mesei pwe üsap nenengeni eman föpwül fän mocheisou.

Kölfel 119:37

Kopwe akulu mesei seni mettoch mi lomotongau, nge kopwe amanauaei ren om kapas.

Ekistos 20:17

Kosap mocheniaiti imwen chon arum, kosap pwal mochenia ngeni pwülüen chon arum are ngeni nöün chon angang mwän me chon angang fefin, kosap pwal mocheniaiti nöün kow me nöün aas are meinisin mine chon arum a eäni.

Än Salomon Fos 1:19

Ei epwe fis ngeni chokewe meinisin ra angei ar win ren angangen mwänewüs. Ei sokun win a angeala manauen ätewe mi föri ei sokun föför.

Än Salomon Fos 23:31

Kosap tup ren ewe wain mi parapar, lupwen a puropur lon ewe kap, a mecheres ngeni om kopwe ün.

Än Salomon Fos 28:22

Eman aramas mi tipemong a mochen müttir küna pisekisek, nge esap silei pwe wöüngau epwe tori.

Än Salomon Fos 4:23

Kopwe fokun tümwünü lelukom lap seni om tümwünü och pisek aüchea, pun manau a pop seni lon lelukom.

Aisea 28:15

Iwe, oua tunosikesik o apasa, “Sa pwonfengen me mäla, sa pwal tipeeufengen me ewe lenien sotup. Lupwen ewe feiengau epwe war usun eu noter, esap tongeni torikich, pun sa aopakich ren kapas chofana, sa pwal eäni lenien op kapas atuputup.”

Aisea 29:15

Feiengauen chokewe ra aopala ar ekiek seni ewe Samol mi Lapalap. Ra föri ar föför lemonomon, ra pwal ais, “Iö a künakich? Iö a silei mine sia föri?”

Apakuk 2:9

Feiengauom, en mi angei om win fän pwüngingau fän iten chon leimwom o aüetä imwom won eu leni mi tekia pwe esap tori och feiengau.

Lukas 12:15

Mürin a sopwela le kapas ngeniir meinisin, “Oupwe mamasa o tümwünüöchükemi seni sokopaten mochenia meinisin. Pun manauen eman aramas esap longolong won met mi nom ren, inamwo are a fokun pisekisek.”

Lukas 12:2

Mettoch meinisin mi pwölüla epwe pwäla, pwal mettoch meinisin mi monomonola aramas repwe silei.

Efisos 5:3

Pokiten ämi nöün Kot aramas mi pin, esap pwüng pwe sokopaten föförün lisowu ika mocheisou ika tipemong epwe fen mwo nge fis ika föü lefilemi.

Efisos 5:5

Oupwe fokun silei, pwe esap wor eman mi föri sokun föförün lisowu ika mocheisou ika tipemong (pun tipemong a wewe ngeni angang ngeni anümwäl) epwe angei och feiöch seni lon ewe Mwün Kraist me Kot.

Tuteronomi 7:25

Oupwe kenala ar kewe uluulun kot mi fal. Ousap mochenia ngeni ewe silifer me kolt mi nom wor, ousap pwal angei och fän itemi, pwe ousap tup ren. Pun ekei mettoch ra anioput me ren ewe Samol mi Lapalap ämi we Kot.

Kolose 3:5

Iei mine oupwe amäloi ekewe mochenian fanüfan mi nom remi: sokopaten föförün lisowu, lüangau, mocheisou, mocheniangau me tipemong. (Pun tipemong och sokun angang ngeni anümwäl.)

Ipru 13:5

Oupwe afälikemi pwe ousap manaueni eu manauen mochenian moni, nge oupwe menemenöch ren mine oua eäni. Pun Kot a apasa, “Ngang üsap fokun likituk, üsap pwal tümwününgau ngonuk.”

James 1:15

Iwe, are än eman mochenia a liapeni letipan, a fis an tipis, nge are an tipis a unusela, a fis an mäla.

Josua 7:20

Iwe, Akan a üreni Josua, “Ellet üa tipis ngeni ewe Samol mi Lapalap ewe Koten Israel. Iei usun mine ngang üa föri:

Josua 7:22

Iwe, Josua a tinala ekoch chon künö. Ra sä ngeni imwen Akan we o küna ekewe mettoch ra kaop lon, nge ewe silifer a nom far.

2. Petrus 2:15

Ra tokola seni ewe al mi wenechar o mwalechela. Ra apirü föförün Palam nöün Peor we mi echeni ewe moni epwe angei seni an föri mine a ngau,