Josua 7:20 - Chuukese Bible

²⁰ Iwe, Akan a üreni Josua, “Ellet üa tipis ngeni ewe Samol mi Lapalap ewe Koten Israel. Iei usun mine ngang üa föri:

Josua 7:20 Iomraidhean Croise

Keneses 42:21

Mürin ra kapasfengen lefiler, “Ellet, sia angei liwinin mine sia föri ngeni pwich Josef, pun sia küna riaföün lelukan lupwen an tüngor ngenikich pwe sipwe angasala, nge sisap aüseling. Iei mine ei riaföü a torikich.”

Hiop 33:27

Iwe, epwe feito fän mesen aramas o pwärätä, ‘Üa tipis o tok seni mine a pwüng, nge Kot esap liwini ngeniei.

Hiop 7:20

Nge are üa tipis, met kopwe osupwang ren, en chon mamasa aramas. Pwota üa eu lenien ännen me reöm? Pwota üa eu pisek mi chou me reöm?

Kölfel 38:18

Üa pwärätä ai kewe föför mi ngau, üa pwal lolilen ren ai tipis.

Ekistos 10:16

Iwe, Farao a müttir titi Moses me Aaron o üreniir, “Üa tipis ngeni ewe Samol mi Lapalap ämi we Kot, pwal ngenikemi.

Ekistos 9:27

Mürin, Farao a titi Moses me Aaron o üreniir, “Üa tipis lon ei fansoun. Ewe Samol mi Lapalap a pwüng, nge ngang me nei kewe aramas aia mwäl.

Numperis 22:34

Mürin, Palam a üreni nöün ewe Samol mi Lapalap we chon läng, “Ngang üa tipis. Üsap silei pwe en ka ü lon ewe al o epetiei. Iei mine are ai ei sai a ngau me reöm, üpwe liwinsefäl.”

Mateus 26:9

Pun ei lö eman a tongeni amömöla ren watten moni. Mürin ei moni epwe la ngeni ekewe chon wöüngau!”

Mateus 27:4

A apasa ngeniir, “Ngang üa tipis ren ai afangamä eman mwän esap wor an tipis ngeni mäla.” Iwe, ra pölüeni, “Met wewen ngenikem, kopwe püsin ekiekik.”

Josua 7:19

Mürin Josua a üreni Akan, “Nei, kopwe kapas wenechar fän mesen ewe Samol mi Lapalap ewe Koten Israel o pwärätä meinisin. Iei kopwe üreniei met ka föri, nge kosap aopala och seniei.”

Josua 7:21

Lupwen üa küna me lein liapach kewe echö owokot mi ling minen Papilon, pwal limu paun silifer me efoch fochun kolt ükükün choun rüe aunus, üa mocheniaitiir o angeer. Üa aopeer fän pwül lon imwei imw mangaku, nge ewe silifer a nom far.”

1. Samuel 15:24

Mürin, Saul a üreni Samuel, “Üa tipis ren ai purätiu än ewe Samol mi Lapalap allük pwal om kapas, pun üa niuokusiti ekewe aramas o aleasochisi alor.

1. Samuel 15:30

Mürin, Saul a apasa, “Üa tipis, nge kopwe chök pwäri om meninitiei iei me fän mesen ekewe souakomwen nei aramas me chon Israel meinisin. Kopwe etiei le liwinla pwe üpwe fel ngeni ewe Samol mi Lapalap om we Kot.”