Josua 7:2 - Chuukese Bible

² Iwe, Josua a tinala ekoch mwän seni Jeriko ngeni Ai mi arap ngeni Pet-awen ötiuen Petel. Iwe, a üreniir, “Oupwe feila o operi ewe fanü.” Nge wesin än ekewe mwän operi ewe fanü,

Josua 7:2 Iomraidhean Croise

Keneses 12:8

Seni ikenan a feila ngeni ewe fanü mi chukuchukutä ötiuen Petel. Iwe, a aüetä imwan imw mangaku lefilen Petel mi nom lotou me Ai mi nom ötiu. Nge ikenan a pwal senätä eu rongen asor fän iten ewe Samol mi Lapalap o fel ngeni.

Keneses 28:19

Iwe, a aita ngeni ewe leni Petel . Nge iten ewe telinimw me lom Lus.

1. King 12:29

Iwe, a anomu eu kewe uluulun kow lon Petel, nge ewe eu a anomu lon Tan.

Nehemia 11:31

Nge chon ewe ainangen Peniamin ra nonom lon Kepa, Mikmas, Aia me Petel fiti wisoposopun kewe,

Än Salomon Fos 20:18

Kopwe föri om akot wesin om angei öüröürom. Are kopwe feila maun, kopwe akomwen angei om öüröür.

Än Salomon Fos 24:6

Kopwe akomwen föri om akot me mwen om kopwe feila ngeni maun, nge ia a wor chomong chon öüröür ie, a wor win.

Aisea 10:28

Iwe, ekewe sounfiun Asiria ra arapoto seni Rimmon, ra tori Aiat, ra lu seni Mikron, nge ra iseni ar pisek lon Mikmas.

Jeremaia 49:3

Oupwe puchör, ämi chon Hespon, pun Ai a tala. Oupwe ngüngüres, ämi föpwülün Rapa. Oupwe üföüf üf seni tuk o kechü. Oupwe säfeil me lon tittin ewe telinimw. Pun ämi we kot Milkom epwe oola fiti nöün kewe souasor me nöüwis.

Osea 4:15

Inamwo are ämi chon Israel oua föri angangen lisowu, nge amwo chon Juta resap pwal föri ei sokun tipis. Ousap feila pwe oupwe fel lon Kilkal ika lon Pet-awen , ousap pwal eäni ei akapel, “Mwo manauen ewe Samol mi Lapalap.”

Mateus 10:16

“Nengeni, üpwe tinikemiila usun chök sip lein wolif kana. Iei mine oupwe eäni tipachem usun serepenit o oupwe tipepwetete usun tipepweteten ekewe lisom.

Efisos 5:15

Iei mine oupwe afälikemi lon mine oua föri. Ousap föri föförün chon tiparoch, nge oupwe föri föförün chon tipachem.

Josua 12:9

Ikkei ir kingen ekewe telinimw Josua me ekewe chon Israel ra akufu: Ewe kingen Jeriko me ewe kingen Ai mi nom lükün Petel,

Josua 18:12

Iwe, kiännin fanüer me peliefeng a popuetä ren ewe chanpupu Jortan. Mürin a feitä won ewe chukuchukutä peliefengin Jeriko, a pwal feitä o pwerela ngeni lotou won ewe fanü mi chukuchukutä o müchütiu lon ewe fanüapön Pet-awen.

Josua 2:1

Iwe, Josua nöün Nun we mwän a tinala seni Sitim ruoman mwän lemonomon, pwe repwe operi ewe fanü. Iwe, a üreniir, “Oupwe feila o ouwasacha ewe fanü, akaeuin ewe telinimw Jeriko.” Iwe, ra feila, ra tolong lon imwen eman fin lisowu itan Rahap o nonom ikenan.

Josua 7:3

ra liwiniti Josua o üreni, “Kosap tinala ekewe aramas meinisin pwe repwe maun ngeni Ai. Kopwe chök mwütätä ükükün ruu ika ülüngat ngeröü mwän repwe feila o maun ngeni. Kosap aweiresi ekewe aramas meinisin le tinirela ikenan, pun chon Ai ra chokükün.”

1. Samuel 13:5

Iwe, ekewe chon Filistia ra amwichafengeniir pwe repwe maun ngeni chon Israel ükükür ilik ngeröü woken me wonongeröü chon wawa oris, nge ükükün ekewe sounfiu usun föün pien aroset ren chomongur. Ra feitä Mikmas ötiuen Pet-awen o nonom ikenan.

1. Samuel 14:23

Iei usun ewe Samol mi Lapalap a angasa chon Israel lon ewe ränin.

1. Samuel 30:27

Iwe, a tinala ekewe lifang ren ekewe aramas mi nom lon Petel me Ramot mi nom lon ewe fanü Nekep, pwal ren chokewe mi nom lon Jatir,