Josua 7:19 - Chuukese Bible

¹⁹ Mürin Josua a üreni Akan, “Nei, kopwe kapas wenechar fän mesen ewe Samol mi Lapalap ewe Koten Israel o pwärätä meinisin. Iei kopwe üreniei met ka föri, nge kosap aopala och seniei.”

Josua 7:19 Iomraidhean Croise

2. King 20:15

Iwe, Aisea a pwal aisini, “Meta ra küna me lon imwom?” Hiskia a pälüeni, “Ra küna meinisin mine a nom lon imwei. Esap fokun wor och lon ai kewe imwen iseis üsap aküna ngeniir.”

2. Kronika 30:22

Iwe, Hiskia a apöchöküla leluken ekewe mwän seni ewe ainangen Lefi mi sipeöch le angang ngeni ewe Samol mi Lapalap. Ekewe aramas ra mongö wiser mongö lon ükükün fisu rän seni ekewe asoren kinamwe ra eäni asor, ra pwal kilisou ngeni ewe Samol mi Lapalap än ar kewe lewo we Kot.

Kölfel 32:5

Mürin üa pwärätä ai tipis ngonuk, nge üsap aopala ai pwüngingau. Üa apasa, “Üpwe pwärätä ngeni ewe Samol mi Lapalap ai pupungau.” Iwe, ka amusala ai tipis meinisin.

Kölfel 51:3

Pun üa mefi ai pupungau, nge ai tipis a nonom fochofoch fän mesei.

Än Salomon Fos 28:13

Eman aramas mi aopala an tipis esap fefeitä lon manauan, nge eman mi pwärätä o likitala, Kot epwe ümöümöch ngeni.

Aisea 13:12

Iwe, üpwe achokükünüela aramas pwe repwe chokisikis seni kolt mi mürina, pwal seni kolt seni Ofaia.

Jeremaia 13:16

Oupwe asamolu ewe Samol mi Lapalap ämi we Kot me mwen an epwe awarato rochopwak, me mwen pechemi repwe chepetek me won ekewe chuk mi toputop. Oua witiwiti ewe saram, nge i epwe awili ewe saram ngeni toputop me rochokichin rochopwak.

Taniel 9:4

Mürin üa iotekin amusamus ngeni ewe Samol mi Lapalap ai we Kot, “Ai Samol me ai Kot, en eman Kot mi tekia me eniuokus, ka tümwünüöchü om pwon, ka pwal tongei chokewe mi echenuk o föri pwüngün om kewe allük.

Lukas 17:18

Pwota ei chök eman re ekis a liwinsefälito o pwärätä an kilisou ngeni Kot?”

Johannes 9:24

Iwe, ra kökkörato ewe mwän mi mesechun me mwan fän aruuan o üreni, “Kopwe pwon fän mesen Kot pwe kopwe pwärätä mine a let! Äm aia silei pwe ei mwän mi anenelok i eman chon tipis.”

Nöün Paulus Toropwe ngeni ekewe Souläng lon Rom 10:10

Pun sia lükü Jesus lon lelukach o küna pwüng me ren Kot, sia pwal pwärätä Jesus ren awach o küna manau ren.

2. Timoty 2:25

epwe pwal tipepwetete lon an fönöü chokewe mi ü ngeni, pun eli epwe fis pwe Kot epwe ngeniir tufichin ar repwe ekieksefäl, pwe repwe silei ewe let.

Titus 2:2

Kopwe aiti ngeni ekewe chinlap mwän ar repwe tipefesir me tipepwetete, repwe tufichin nemeni püsin inisiir, repwe pöchökül lon ar lükülük, lon ar chen, pwal lon ar likitü.

James 1:20

pun än aramas song esap apwönüetä ewe pwüng Kot a mochen.

Josua 7:20

Iwe, Akan a üreni Josua, “Ellet üa tipis ngeni ewe Samol mi Lapalap ewe Koten Israel. Iei usun mine ngang üa föri:

Pwärätä 16:9

Ra kar ren watten pwichikaran, iwe, ra otteki iten Kot, ewe mi wor an nemenem won ekei feiengau. Nge resap mochen aier seni ar tipis o alinga Kot.

1. Samuel 14:43

Mürin, Saul a üreni Jonatan, “Kopwe üreniei mine ka föri.” Iwe, Jonatan a üreni, “Üa neni ekis chönün chunen won ülülen ewe wok mi nom lepei. Ngang iei, üa molotä ngeni ai üpwe mäla.”

1. Samuel 6:5

Oupwe föri uluulun pwoomi me uluulun ekewe nakich mi ataela ewe fanü. Iwe, oupwe meniniti ewe Koten Israel, eli epwe ükütiu le afeiengauakemi, pwal ämi kewe kot me fanüemi.