Josua 7:15 - Chuukese Bible

¹⁵ Iwe, ätewe mi siil pwe a anomu ekewe mettoch mi pin ngeni epwe kekila, i me chon an famili pwal an mettoch meinisin, pokiten a atai än ewe Samol mi Lapalap we pwon, pwal pokiten a föri eu föför mi äsäw me lon Israel.”

Josua 7:15 Iomraidhean Croise

Keneses 34:7

Iwe, lupwen nöün Jakop kewe mwän ra rong ei pworaus, ra müttir liwinto me lemäl. Ra chou o fokun song, pun Sikem a föri och föför mi äsäw lon Israel ren an konfengen me nöün Jakop we föpwül. Pun a ngau ei sokun föför än eman epwe föri.

2. Samuel 13:13

Iwe, ia ngang üpwe feila ie fän ai säw? Nge en kopwe eman aramas mi anioput me lon Israel. Iei mine üa tüngor ngonuk, kopwe kapas ngeni ewe king, pun üa lükü pwe epwe mwüt ngonuk pwe sipwe pwüpwülü.”

Josua 7:11

Chon Israel ra tipis. Ra atai ai we pwon üa allük ngeniir. Ra angei ekoch ekewe mettoch mi pin repwe kata. Ra solä o chofana, ra pwal achuelong ekewe mettoch lon püsin pisekir.

Josua 7:16

Iwe, Josua a pwätä lesosorusich o amwichato chon Israel lon eu me eu ainang, nge ewe ainangen Juta a siil.

Soukapwüng 20:10

Iwe, sipwe filätä engol mwän seni ipükü me lein ekewe ainangen Israel meinisin, pwal ipükü mwän seni engeröü, nge engeröü mwän seni engol ngeröü, repwe uwato mongö fän iten ekewe aramas mi feila pwe repwe maun ngeni chon Kipea lon Peniamin, pokiten ewe föför mi fokun ngau ra föri lon Israel.”

Soukapwüng 20:5

Iwe, ekewe re Kipea ra feito lepwin o pwelifeili ewe imw üa nom lon. Ra ekiekin nieila, ra pwal achomanauei ülüpwülüei we, pwe a mäla.

Soukapwüng 20:6

Mürin üa angei ülüpwülüei we, üa kinikisietiu inisin o tinala ekewe kinikin ren ekewe engol me ruu ainangen Israel. Pun ekewe re Kipea ra föri och föför mi anioput o fokun ngau lon Israel.

1. Samuel 26:21

Mürin, Saul a apasa, “Ngang üa föri mine a mwäl. Kopwe liwinto, nei mwän Tafit, pun ngang üsap chüen afeiengauok pokiten manauei a aüchea me reöm ikenai. Ellet, ngang üa föri föförün eman mi umwes, üa pwal fokun mwäl.”