Josua 7:13 - Chuukese Bible

¹³ Kopwe ütä o apini ekewe aramas. Kopwe üreniir pwe repwe apiniir o amol ngeni lesor. Pun iei aloi, ngang ewe Samol mi Lapalap ewe Koten Israel, ‘Ämi chon Israel, a wor mettoch leimi mi pin ngenikemi. Ousap tongeni pwora ngeni chon oputakemi, tori oupwe ataela ekewe mettoch mi pin ngenikemi.’

Josua 7:13 Iomraidhean Croise

Keneses 34:27

Mürin, nöün Jakop kewe mwän ra feito won ekewe somä o angei pisekin ewe telinimw fän pöchökül pokiten fefiner we a itengau rer.

2. Kronika 28:10

Nge iei oua ekiekin nemenemengau ngeni ekewe mwän me fefin seni Juta me Jerusalem o nöüniir amanau. Ifa usun, ousap silei pwe pwal ämi oua tipis ngeni ewe Samol mi Lapalap ämi we Kot?

Mateus 7:5

En eman chon likatuputup! Kopwe akomwen uwawu ewe irä seni lon mesom, iwe, mürin kopwapw tongeni künafichi om kopwe uwawu ewe kükün pipi seni lon mesen pwiüm.

Tuteronomi 13:6

Iwe, are wesewesen pwiüm ika püsin noum mwän ika noum fefin ika püsin pwülüom ka fokun tongei, ika chiechiom ka fokun aücheani epwe atupuk lemonomon o apasa: Ousipwe feila o fel ngeni pwal ekoch kot, sokun kot en ika om kewe lewo ousap sileer me mwan,

Josua 3:5

Iwe, Josua a üreni ekewe aramas, “Oupwe apinikemi, pun lesor ewe Samol mi Lapalap epwe föri manaman lefilemi.”

Josua 6:18

Nge ämi oupwe afälikemi ren ekewe mettoch mi pin repwe kata. Pun lupwen oupwe apiniir pwe repwe kata, nge mürin oua angei och seniir, oupwe atoto tatakis me feiengau won lenien chon Israel.

Josua 7:11

Chon Israel ra tipis. Ra atai ai we pwon üa allük ngeniir. Ra angei ekoch ekewe mettoch mi pin repwe kata. Ra solä o chofana, ra pwal achuelong ekewe mettoch lon püsin pisekir.