Josua 7:12 - Chuukese Bible

¹² Iei mine ekewe aramasen Israel resap tongeni pwora ngeni chon oputeer. Ra sü me mwer, pun ir ra püsin atoto feiengau wor. Üsap chüen etikemi, tori oupwe ataela ekewe mettoch mi pin ngenikemi.

Josua 7:12 Iomraidhean Croise

Kölfel 44:10

En ka föri pwe äm aipwe timär me mwen ekewe chon ü ngenikem, nge ekewe chon oputakem ra angei liaper senikem fän pöchökül.

Kölfel 60:10

Ai Kot, ifa usun, ka wesewesen pöütikeemila? Ifa usun, kosap chüen eti äm mwichen sounfiu le feila maun?

Än Salomon Fos 28:1

Ekewe aramasangau ra sü, lupwen esap wor eman a tapweriir, nge ekewe chon pwüng ra pwora usun eman laion.

Aisea 59:2

Nge ämi föföringau a aimwükemi seni ämi Kot, nge ämi tipis a pwölüela won mesan, iei popun esap rongorong.

Jeremaia 23:33

Iwe, ewe Samol mi Lapalap a üreniei, “Are eman me lein ekei aramas ika eman soufos ika eman souasor epwe aisinuk, ‘Met ewe weires ewe Samol mi Lapalap a kapas usun?’, kopwe üreni, ‘En ewe a weires reöm, nge i epwe ärukola. Iei alon ewe Samol mi Lapalap.’

Jeremaia 6:8

Oupwe miritila, ämi chon Jerusalem! Pun are ousap, üpwe kul senikemi o awili ämi telinimw ngeni eu fanüapö ia esap wor eman a nonom ie.”

Osea 9:12

Nge are epwe fen wor nöür semirit, üpwe angei seniir, tori esap chüen wor eman lusun. Feiengau watte epwe toriir, lupwen üpwe likitirela.”

Apakuk 1:13

Mesom ra men limöch pwe kosap tongeni nenengeni föför mi ngau, kosap tongeni tipeeu ngeni föför mi mwäl. Nge pwota ka tipeeu ngeni ekei aramas mi eäni rawangau? Pwota ka fanafanala, lupwen ekewe aramasangau ra arosala chokewe mi pwüng seniir?

Numperis 14:39

Iwe, lupwen Moses a apworausa ekei kapas ngeni ekewe aramasen Israel meinisin, ra fokun lolilen.

Numperis 14:42

Ousap feitä pwe oute kuf ren chon oputakemi, pun ewe Samol mi Lapalap esap etikemi.

Numperis 14:43

Pun ekewe chon Amalek me chon Kanaan ra nom ikenan, repwe nikemi lon maun. Pokiten oua kul seni ewe Samol mi Lapalap, i esap chüen etikemi.”

Numperis 14:45

Mürin, ekewe chon Amalek me ekewe chon Kanaan mi nom lon ewe fanü mi chukuchukutä ra feitiu o maun ngeniir. Ra akufu ekewe chon Israel o tapweriir tori Horma.

Tuteronomi 7:26

Ousap uwalong lon imwemi uluulun anümwäl mi anioput, pwe ousap anümamau rer. Nge oupwe oput o cheang ngeni, pun ei sokun mettoch a anümamau me ren ewe Samol mi Lapalap.”

Josua 6:18

Nge ämi oupwe afälikemi ren ekewe mettoch mi pin repwe kata. Pun lupwen oupwe apiniir pwe repwe kata, nge mürin oua angei och seniir, oupwe atoto tatakis me feiengau won lenien chon Israel.

Soukapwüng 16:20

Mürin, Telila a kökkö, “Samson, ekewe re Filistia repwe le turufuk.” Iwe, Samson a nennela le annut o ekieki, “Üpwe apichiei o feila usun mesemwan.” Nge Samson esap silei pwe ewe Samol mi lapalap a likitala.

Soukapwüng 2:14

Iei mine ewe Samol mi Lapalap a song ngeni chon Israel o mwüt ngeni ekoch aramas pwe repwe soläni pisekir fän pöchökül, a pwal asechirela ngeni chon oputer mi nom ünükür, pwe repwe nom fän nemenier, nge resap chüen tongeni pwora ngeniir.

Soukapwüng 2:4

Lupwen nöün ewe Samol mi Lapalap we chon läng a üreni ekewe aramasen Israel meinisin ekei kapas, ekewe aramas ra leüömong le kechü.

1. Samuel 14:38

Mürin, Saul a üreni souemwenin ekewe aramas, “Oupwe etto ikei, ousipwe kütta iö a tipis ikenai.