Josua 7:11 - Chuukese Bible

¹¹ Chon Israel ra tipis. Ra atai ai we pwon üa allük ngeniir. Ra angei ekoch ekewe mettoch mi pin repwe kata. Ra solä o chofana, ra pwal achuelong ekewe mettoch lon püsin pisekir.

Josua 7:11 Iomraidhean Croise

2. King 18:12

Ei a fis pokiten ekewe chon Israel resap aleasochis ngeni alon ewe Samol mi Lapalap ar we Kot, nge ra atai an pwon o purätiu ekewe allük meinisin Moses nöün ewe Samol mi Lapalap we chon angang a allük ngeniir. Iwe, resap aüseling, resap pwal aleasochis.

2. King 5:24

Lupwen ra tori ewe chuk ia imwen Elisa a nom ie, Kehasi a angei seniir ekewe pisek o iseniir lon ewe imw. Mürin a tinala ekewe ruoman mwän, iwe, ra feila.

Aisea 24:5

Fanüfan a limengau ren chon, pun ra puri än Kot kewe allük o aücheangaua an kewe pwüüng, ra pwal ataela an we pwon mi nom tori feilfeilachök.

Jeremaia 31:32

Ei pwon esap usun ewe pwon üa föri ngeni ar kewe lewo, lupwen üa amwöchü pöür o emwenirewu seni ewe fanü Isip. Ir ra atai ai pwon, inamwo pwe üa usun eman rereimw ngeniir.

Osea 6:7

Lon ewe otun, lupwen ra tolong lon ewe fanü me lon ewe telinimw Atam, ra atai ai we pwon ngeniir.

Lifitikos 5:15

Are eman aramas esap allükülük o tipisin chechengau ren an tümwününgau ngeni mettoch mi pin me ren ewe Samol mi Lapalap, epwe uwato eman ätemwänin sip esap wor terin, pwe an asoren pupungau ngeni ewe Samol mi Lapalap. Nge ükükün liwininin ewe mönün asor kopwe aükük won aüchean föün silifer mi alongolong won ewe kilo ra aea lon ewe imw mi pin. Iei eu asoren pupungau.

Apakuk 2:6

Iwe, ekewe chon kuf repwe chietä echö kölün ämängau, repwe turunufasei ewe chon akufuur o apasa, “Feiengauom, en mi achukuchukätä mine esap om o pisekisekila ren om eriani seni chon liwinimang mine ra liwinimang ngonuk. Ifa ükükün fansoun än ei lapalap epwe fis?”

Sekaraia 5:4

Ewe Samol mi Unusen Manaman a apasa pwe epwe tinato ewe anümamau. Epwe tolong lon imwen ewe chon solä, pwal lon imwen ätewe mi akapelmwäl fän itan. Iwe, epwe nonom lon imwer o ataretiu, epwe ataela ekewe irä me fau.”

Mateus 22:21

Ra pölüeni, “Liosun Sisar me itan.” Iei mine Jesus a üreniir, “Mi pwüng! Oupwe ngeni Sisar mine än Sisar, nge oupwe ngeni Kot mine än Kot.”

Föför 5:9

Iei mine Petrus a üreni, “Pwota en me pwülüom oua tipeeufengen le sotuni Ngünün ewe Samol? Nengeni, ekewe alüal mi peiaseni pwülüom we ra nom lükün ewe asam iei, repwe pwal ekiikewu!”

Tuteronomi 17:2

Iwe, are a fis me lon eu lein ämi kewe telinimw Kot epwe ngenikemi, pwe eman mwän ika eman fefin a föri mine a ngau me fän mesen ewe Samol mi Lapalap ämi we Kot ren an purätiu än Kot we pwon,

Ipru 4:13

Esap fokun wor och epwe tongeni monola seni Kot. Förian kana meinisin ra säretä o pwäpwäla mwen mesan. Iwe, kich meinisin sipwe fokun pwärätä ngeni i ach föför meinisin.

Josua 23:16

Are oua atai ewe pwon ewe Samol mi Lapalap ämi we Kot a eäni ngenikemi, are oupwe angang ngeni pwal ekoch kot o fel ngeniir, ewe Samol mi Lapalap epwe song ngenikemi. Oupwe müttir rosola seni ewe fanü mi mürina a ngenikemi.”

Josua 7:1

Nge ekewe chon Israel ra atai allükün ekewe mettoch mi pin repwe kata. Pun Akan nöün Karmi we mwän, nge Karmi nöün Sapti, nge Sapti nöün Sera seni ewe ainangen Juta, a angei ekoch ekewe mettoch repwe kata. Iwe, ewe Samol mi Lapalap a fokun song ngeni ekewe aramasen Israel.

Josua 7:10

Nge ewe Samol mi Lapalap a üreni Josua, “Kopwe ütä. Pwota ka chapetiu lepwül?

Soukapwüng 2:20

Iei mine ewe Samol mi Lapalap a fokun song ngeni chon Israel o apasa, “Pokiten ekei aramas ra atai ai pwon üa pwon ngeni ar kewe lewo, nge resap aleasochisi aloi,

1. Samuel 14:38

Mürin, Saul a üreni souemwenin ekewe aramas, “Oupwe etto ikei, ousipwe kütta iö a tipis ikenai.