Josua 7:1 - Chuukese Bible

¹ Nge ekewe chon Israel ra atai allükün ekewe mettoch mi pin repwe kata. Pun Akan nöün Karmi we mwän, nge Karmi nöün Sapti, nge Sapti nöün Sera seni ewe ainangen Juta, a angei ekoch ekewe mettoch repwe kata. Iwe, ewe Samol mi Lapalap a fokun song ngeni ekewe aramasen Israel.

Josua 7:1 Iomraidhean Croise

Keneses 34:27

Mürin, nöün Jakop kewe mwän ra feito won ekewe somä o angei pisekin ewe telinimw fän pöchökül pokiten fefiner we a itengau rer.

2. Samuel 24:1

Iwe, ewe Samol mi Lapalap a pwal songsefäl ngeni chon Israel, pwe a pesei ngeni Tafit pwe epwe föri och mine repwe feiengau ren. A üra, “Kopwe feila o angei iteiten chon Israel me chon Juta.”

2. King 5:24

Lupwen ra tori ewe chuk ia imwen Elisa a nom ie, Kehasi a angei seniir ekewe pisek o iseniir lon ewe imw. Mürin a tinala ekewe ruoman mwän, iwe, ra feila.

1. Kronika 21:7

Nge Kot esap tipeeu ngeni ei lapalap, iei mine a apwüngü chon Israel.

2. Kronika 24:18

Iei mine ekewe aramas ra ükütiu le fel lon imwen ewe Samol mi Lapalap än semelaper we Kot o fel ngeni ekewe uluulun ewe anüfefin Asera me ekewe uluulun anümwäl. Ren ei Kot a song ngeni chon Juta me Jerusalem, pun ra tipis.

Esra 9:6

Iwe, üa apasa, “Ai Kot, üa fokun säw ai üpwe anetai mesei ngonuk. Pun äm kewe föföringau ra tekia seni mökürem, nge äm kewe tipis ra chukuchukutä tori läng.

Hiop 35:8

Om föföringau a chök afeiengaua eman aramas usun chök en, nge om föri mine a pwüng a atoto feiöch won aramas.

Än Salomon Afalafal 9:18

Mirit a mürina seni pisekin maun, nge eman chon tipis a ataela chomong mettoch mi öch.

Taniel 9:7

En chök äm Samol ka unusen pwüng, nge äm aia chök atoto wom säw usun a pwä ikenai, äm me chon Juta, chon Jerusalem me chon Israel meinisin mi nom toau me arap, ia ka atoropasafeilikem ie pokiten tipisin äm likitukela.

Lifitikos 10:6

Mürin, Moses a üreni Aaron me nöün kewe mwän iter Eleasar me Itamar, “Ousap atorongauei möküremi, ousap pwal kamwei üfemi pwe asisilen ämi letipeta, pwe ousap mäla, nge ewe Samol mi Lapalap esap pwal song ngeni unusen ewe mwichen aramas. Nge pwimi ekewe chon Israel meinisin repwe kechüeiti afeiengauen ewe kar, ewe Samol mi Lapalap a afisätä.

Sona 1:7

Mürin, ekewe säla ra kapasfengen lefiler, “Ou etto, sipwe asisil pwe sipwe silei iö leich a atoto woch ei feiengau.” Nge lupwen ra asisil, a pwä pwe Sona.

Josua 22:16

“Iei alon unusen än ewe Samol mi Lapalap we mwich: Pwota oua kirikiringau ngeni ewe Koten Israel? Pwota oua tok seni ewe Samol mi Lapalap o senätä eu rongen asor fän itemi ikenai lon ämi ü ngeni ewe Samol mi Lapalap?

Josua 22:18

Ifa usun, oupwe le tok seni ewe Samol mi Lapalap ikenai? Nge are ämi oua ü ngeni ewe Samol mi Lapalap ikenai, i epwe song ngeni unusen ewe mwichen aramasen Israel lesor.

Josua 22:20

Oupwe chechemeni, pwe lupwen Akan nöün Sera we mwän a aleasolap ngeni ewe allük ren an angei ekewe mettoch mi pin repwe kata, än Kot song a tori unusen ewe mwichen Israel. Sap Akan chök a mäla fän iten an tipis.”