Josua 6:6 - Chuukese Bible

⁶ Iwe, Josua nöün Nun we mwän a körato ekewe souasor o üreniir, “Oupwe eki ewe pworofel, nge füman me leimi repwe uwei fisu rappwa seni mächän ätemwänin sip me mwen än ewe Samol mi Lapalap we pworofel.”

Josua 6:6 Iomraidhean Croise

Ekistos 25:14

Kopwe sökirelong lon ekewe ring mi pachetä lepekin ewe pworofel, pwe aramas ra tongeni ämwära.

Föför 9:1

Lon ena fansoun Saul a chök sopwela le eniweniwa ekewe chon lükü ach Samol pwe epwe niirela. Iwe, a feila ren ewe Souasor mi Lap

Josua 24:11

Mürin oua feila pekilan ewe chanpupu Jortan o tori Jeriko. Iwe, ekewe re Jeriko ra maun ngenikemi, pwal ekewe chon Amor, chon Peris, chon Kanaan, chon Hit, chon Kirkas, chon Hiw me chon Jepus. Nge üa akufuur meinisin o awinnakemi.

Josua 3:3

Iwe, ra üreni ekewe aramas, “Lupwen oua küna pwe ekewe souasor ra mwärei än ewe Samol mi Lapalap we pworofel, ina otun ämi oupwe pwal sai seni leniemi o tapwela mürir,

Josua 3:6

Nge Josua a üreni ekewe souasor, “Oupwe eki ewe pworofel o akomwola mwen ekewe aramas.” Iwe, ra eki ewe pworofel o akomwola mwen ekewe aramas.

Josua 6:13

Ekewe füman souasor mi uwei ekewe fisu rappwa ra akomwola mwen än ewe Samol mi Lapalap we pworofel o atikifochei ekewe rappwa. Iwe, ekewe mwän mi eäni pisekin maun ra akom mwer, nge eu mwichen sounfiu a tapweto mürin än ewe Samol mi Lapalap we pworofel, lupwen ekewe rappwa ra tikifochofoch.

Josua 6:5

Iwe, lon ewe otun, lupwen oupwe rongorong tikin ekewe rappwa pwe ra tikitam, ekewe aramas meinisin repwe leüömong le arükak. Iwe, tittin ewe telinimw epwe turutiu, nge ekewe aramas repwe töfochofocholong lon seni en me awenewenen lenian.

Josua 6:7

Mürin, Josua a üreni ekewe aramas, “Oupwe feila o karis lükün pwelin ewe telinimw, nge ekewe mwän mi eäni pisekin maun repwe akomwola mwen än ewe Samol mi Lapalap we pworofel.”

Josua 6:8

Nge wesin än Josua kapas ngeni ekewe aramas, ekewe füman souasor mi uwei ekewe fisu rappwa me fän mesen ewe Samol mi Lapalap ra popuetä le fetal o ettiki ekewe rappwa, nge chokewe mi mwärei än ewe Samol mi Lapalap we pworofel ra tapwela mürir.

1. Samuel 4:3

Nge lupwen ekewe sounfiu ra liwiniti lenier we, ekewe souakomwen Israel ra üra, “Pwota ewe Samol mi Lapalap a mwüt ngeni chon Filistia pwe repwe akufukich ikenai? Ousipwe angei än ewe Samol mi Lapalap we pworofel seni Silo o ekieto ikei pwe Kot epwe nom lefilach o amanauakich seni chon oputakich.”