Josua 6:4 - Chuukese Bible

⁴ Füman souasor repwe uwei fisu rappwa seni mächän ätemwänin sip me mwen ewe pworofel. Nge lon afisuen rän oupwe karis lükün pwelin ewe telinimw fän fisu, nge ekewe souasor repwe ettiki ekewe rappwa.

Josua 6:4 Iomraidhean Croise

Keneses 2:3

Iwe, Kot a afeiöchü o apini ewe afisuen rän, pun lon ewe rän a asösö seni an angangen föri läng me fanüfan.

1. King 18:43

Iwe, Elias a üreni nöün chon angang, “Kopwe feila o nennewu lematau.” Iwe, a feila o nennewu, nge lupwen a liwinto, a apasa, “Üsap küna och.” Iwe, Elias a apasa fän fisu pwe epwe feila o nennewu.

2. King 5:10

Nge Elisa a tinala eman chon künö ren pwe epwe üreni, “Kopwe feila o tütü fän fisu lon ewe chanpupu Jortan. Iwe, inisum epwe kiliöch o limöch.”

2. King 5:14

Iei mine Naeman a feila ren ewe chanpupu Jortan o tütiu lon fän fisu, usun mine Elisa a kapas ngeni. Iwe, inisin Naeman a kiliöch o limöch usun chök inisin eman mönükol.

2. Kronika 13:12

Nengeni, Kot a etikem, i nöüm souemwen, nge nöün kewe souasor ra pwal nom rem fän ar kewe rappwa, pwe repwe ettiki ewe tikin asilesilen maun, pwe aipwe maun ngenikemi. Ämi aramasen Israel, ousap maun ngeni ewe Samol mi Lapalap än ämi kewe lewo we Kot, pun ousap tongeni win.”

2. Kronika 20:17

Ämi ousap fiu lon ei maun. Oupwe atettelikemi o ükütä chök. Oupwe nengeni usun än ewe Samol mi Lapalap awinnakemi.’ Ämi chon Juta me chon Jerusalem, ousap niuokus, ousap pwal rükö. Lesor oupwe feila maun ngeniir, nge ewe Samol mi Lapalap epwe etikemi.”

2. Kronika 20:19

Iwe, ekewe mwän seni ewe ainangen Lefi seni än Kohat me än Kora kewe cho ra ütä o kölün mwareiti ewe Samol mi Lapalap ewe Koten Israel fän leüömong.

2. Kronika 20:21

Iwe, wesin an öüröüra ekewe aramas, ewe king a filätä ekoch chon köl, pwe repwe kölün mwareiti ewe Samol mi Lapalap fän üfer mi pin, repwe akomwola mwen ewe mwichen sounfiu o köl, “Ousipwe kilisou ngeni ewe Samol mi Lapalap, pun an tong ellet a nonom tori feilfeilachök.”

Hiop 42:8

Iei mine oupwe angei füman ätemwänin kow me füman ätemwänin sip, oupwe feila ren nei chon angang Hiop o eäni eu asoren kek fän itemi. Nge nei we chon angang Hiop epwe iotek fän itemi, pun üpwe etiwa an iotek, pwe üsap liwini ngenikemi liwinin ämi kapas esepwüng. Pun ousap eäni kapas mi pwüng usi, usun nei chon angang Hiop a eäni.”

Aisea 27:13

Iwe, lon ena fansoun efoch rappwa epwe pu pwe epwe köri chokewe mi oola lon ewe fanü Asiria me ewe fanü Isip, pwe repwe liwinsefäl. Repwe feito o fel ngeni ewe Samol mi Lapalap won ewe chuk mi pin lon Jerusalem.

Lifitikos 14:16

Iwe, epwe atukalong aütün pelifichin pöün lon ewe noppuk o äsupu fän fisu ekis seni ewe noppuk fän mesen ewe Samol mi Lapalap.

Lifitikos 4:6

Epwe atukalong aütün lon ewe cha o äsupu fän fisu ekis seni ewe cha mwen chechen lon ewe leni mi pin fän mesen ewe Samol mi Lapalap.

Sekaraia 4:2

Iwe, a aisiniei, “Met ka küna?” Nge üa pälüeni, “Üa küna eu lenien atittin seni kolt, nge mi wor eu sepi fän iten noppuk a nom won. Mi pwal wor fisu lamp won ewe lenien atittin, nge fisu paip ra feila ngeni ekewe lamp.

Sekaraia 4:6

Mürin, ewe chon läng a üreniei, “Iei alon ewe Samol mi Lapalap ngeni Serupapel: Esap fis om angang ren pöchökül, esap pwal fis ren manaman, nge epwe fis ren Ngüni. Ngang ewe Samol mi Unusen Manaman üa kapas.

Numperis 23:1

Iwe, Palam a üreni Palak, “Kopwe senätä fän itei fisu rongen asor ikei o uwato füman ätemwänin kow me füman ätemwänin sip.”

Josua 6:13

Ekewe füman souasor mi uwei ekewe fisu rappwa ra akomwola mwen än ewe Samol mi Lapalap we pworofel o atikifochei ekewe rappwa. Iwe, ekewe mwän mi eäni pisekin maun ra akom mwer, nge eu mwichen sounfiu a tapweto mürin än ewe Samol mi Lapalap we pworofel, lupwen ekewe rappwa ra tikifochofoch.

Josua 6:3

Oupwe karis lükün pwelin ewe telinimw, pwe ekewe sounfiu meinisin repwe pweli ewe telinimw fän eu. Oupwe föri iei usun lon ükükün wonu rän.

Josua 6:5

Iwe, lon ewe otun, lupwen oupwe rongorong tikin ekewe rappwa pwe ra tikitam, ekewe aramas meinisin repwe leüömong le arükak. Iwe, tittin ewe telinimw epwe turutiu, nge ekewe aramas repwe töfochofocholong lon seni en me awenewenen lenian.

Pwärätä 1:20

Iei wewen ewe monomonen ekewe füföü fü ka küna me lon pöüifichi, pwal wewen ekewe fisu lenien atittin seni kolt: ekewe füföü fü, ir ekewe chon künöön ekewe fisu mwichefel, nge ekewe fisu lenien atittin, ir ekewe fisu mwichefel.

Pwärätä 1:4

Kapong seni Johannes ngeni ekewe fisu mwichefel lon ewe fanü Asia: Ümöümöch me kinamwe seni Kot epwe nonom remi, ewe Kot mi nom iei, ewe a fen nonom me ewe epwe feito me mürin, pwal seni ekewe füman ngün mi nom mwen an we lenien motun king,

Pwärätä 10:3

Iwe, a kökkö ren mwelian mi leüömong mi wewe ngeni wörüwörün eman laion. Mürin an kökkö, fisu chopulap ra leüömong le pölüeni.

Pwärätä 15:1

Mürin üa küna lon läng eu watten asisil mi monomon o amwarar. A wor füman chon läng mi wor rer fisu amüchülan feiengau, pun än Kot lingeringer epwe müchüla ren ekei feiengau.

Pwärätä 15:7

Mürin eman me lein ekewe föman mönümanau a ngeni ekewe füman chon läng fisu sepi seni kolt mi ur ren än Kot lingeringer, i ewe Kot mi manau tori feilfeilachök.

Pwärätä 16:1

Mürin üa rongorong mwelien eman mi leüömong seni lon ewe imwenfel a üreni ekewe füman chon läng, “Oupwe feila o ninätiu ekewe fisu sepi mi ur ren än Kot lingeringer won fanüfan!”

Pwärätä 5:1

Iwe, üa küna echö toropwe mi numunumula lon pöüifichin ewe mi mot won ewe lenien motun king. A kula ren mak lepekin me rüepek, nge a pwau ren fisu pwau.

Pwärätä 5:6

Mürin üa küna eman Lam a ütä lukalapan mwen ewe lenien motun king, nge ekewe föman mönümanau me ekewe rüwe me föman souakom ra pweli ünükün. Ewe Lam a usun itä nge a ninnila. A wor füfoch mächän me füföü föün mesan, ir ekewe füman Ngünün Kot ra titila won unusen fanüfan.

Pwärätä 8:2

Mürin üa küna ekewe füman chon läng mi ütä mwen mesen Kot, pwe ra angei füfoch rappwa.

Pwärätä 8:6

Mürin ekewe füman chon läng mi amwöchü ekewe füfoch rappwa ra amolätä ar repwe le ettikiir.