Josua 6:23 - Chuukese Bible

²³ Iei mine ekewe alüal mi piin operi ewe fanü ra tolong lon o emwenawu Rahap pwal saman me inan, mongean me aramasan meinisin. Iwe, ra emwenirewu meinisin o anomuur lükün ewe leni ia chon Israel ra nom ie.

Josua 6:23 Iomraidhean Croise

Keneses 12:2

Iwe, üpwe achomonga mwirimwirum kana pwe ir repwe wiliti eu mwü mi watte, üpwe pwal afeiöchuk o alapala itom pwe kopwe eman wän feiöch.

Keneses 18:24

Eli epwe wor lime chon pwüng lon ewe telinimw. Kopwe pwal nirela, nge kosap amanaua ewe telinimw fän iten ekewe lime chon pwüng ra nonom lon?

Keneses 19:29

Iwe, a fis pwe lupwen Kot a ataala ekewe telinimwen ewe lemol, a chechemeni Apraham. Iwe, a emwenawu Lot seni lon ewe feiengau, lupwen a ataala ekewe telinimw Lot a imweimw lon.

Numperis 31:19

Ämi meinisin mi niela aramas, pwal ämi mi atapa somä, oupwe mwo nonom lükün ewe ia aramas ra nonom ie lon ükükün fisu rän. Oupwe püsin alimöchükemi me ekewe föpwül oua liapeniir lon aülüngatin me afisuen rän.

Föför 10:28

Iwe, a üreniir, “Ämi oua fokun silei, pwe a ü ngeni ach lamalam pwe eman chon Juta epwe chiechi ngeni eman chon lükün Israel are tolong lon imwan. Nge Kot a aiti ngeniei pwe üsap anomu eman aramas lon tettelin aramas mi limengau ika ngau.

Föför 27:24

o üreniei, ‘Kosap niuokus Paulus! Kopwe fokun ütä me mwen ewe Sisar. Nge Kot, lon an kirikiröch epwe pwal amanaua chokewe meinisin mi etuk lon ei sai.’

1. Korint 5:12

Esap wor ai pwüng pwe üpwe apwüngü chokewe mi nom lükün mwichefel. Ifa usun, esap wisemi pwe oupwe apwüngü chokewe mi nom lon mwichefel?

Efisos 2:12

Lon ena fansoun oua imwü seni Kraist. Oua chon ekis, nge ousap pachelong lein ekewe aramas mi fil me ren Kot. Esap wor wisemi lon ekewe pwon mi longolong won än Kot pwon ngeni nöün kewe aramas, pwe oua nonom lon ei fanüfan, nge esap wor ämi apilüköch, esap pwal wor ämi Kot.

Ipru 11:31

Ren än ewe fin lisowu Rahap lükü, i esap ninnila usun chokewe mi aleasolap ngeni Kot, pun a etiwa ekewe chon Israel mi operi ewe fanü.

Ipru 11:7

Ren än Noa lükü, a rongorong än Kot kapasen fön usun ekewe mettoch repwe fis lon ekewe fansoun repwe feito, nge esamwo tongeni küna. A aleasochisi Kot o föri efoch waimw ia i me chon an famili ra tongeni manau ie. Ren an lükü a pwä pwe fanüfan a tipis. Nge Noa a angei ewe sokun pwüng me ren Kot pokiten an lükü.

Josua 2:13

o pwon ngeniei pwe oupwe amanaua semei me inei, mongeei me pwii me aramaser meinisin. Iwe, oupwe angasakem seni mäla.”

Josua 2:16

Iwe, a üreni ekewe mwän, “Oupwe feila won ekewe chukuchukutä pwe ekewe chon tap resap churikemi. Oupwe op ikenan lon ükükün ülüngat rän, tori ekewe chon tap repwe liwin. Mürin oupwap feila.”

Josua 2:18

Lupwen aipwe tolong lon ewe fanü, kopwe rietä ei säl mi par won ewe asammwacho ka aürükeemitiu me lon. Kopwe pwal emwichato lon imwom semom me inom, mongeom me chon leimwen semom meinisin.

Soukapwüng 1:25

Iei mine ewe mwän a aiti ngeniir ewe alen tolong lon ewe telinimw. Iwe, chon ekewe ainangen Efraim me Manasa ra niela chon ewe telinimw ren ketilas, nge ra amanaua ewe mwän me chon an famili meinisin.