Josua 6:22 - Chuukese Bible

²² Iwe, Josua a üreni ekewe ruoman mwän mi operi ewe fanü, “Oupwe tolong lon imwen ewe fin lisowu o emwenawu me aramasan meinisin, usun oua fen pwon ngeni fän akapel.”

Josua 6:22 Iomraidhean Croise

2. Samuel 21:2

Ekewe chon Kipeon sap ir aramasen Israel, nge ir chokewe mi chüen manau me lein ekewe chon Amor. Ekewe aramasen Israel ra pwon fän akapel pwe repwe tümwünüür, nge Saul a ekiekin aroserela lon an tiliken fän iten ekewe aramasen Israel me Juta. Iwe, ewe king Tafit a titi ekewe chon Kipeon

2. Samuel 21:7

Nge ewe king Tafit a achika Mefiposet nöün Jonatan we, nge Jonatan nöün Saul, pokiten ewe pwon a fis fän iten ewe Samol mi Lapalap lefilen i me Jonatan.

Kölfel 15:4

A oput eman mi manauangau, nge a asamolu chokewe mi meniniti ewe Samol mi Lapalap, a apwönüetä an pwon a eäni fän akapel, inamwo are a weires ren.

Isikiel 17:13

Mürin a afili eman seni familien ewe king, a föri eu pwonen atipeeu ngeni o pesei pwe epwe pwon ngeni fän akapel. Iwe, a uweela souemwen seni ewe fanü,

Isikiel 17:16

Mwo manauei, ngang Kot ewe Samol mi Lapalap üa apasa, ei king epwe fokun mäla lon Papilon, lon lenien ewe chök king a seikätä lon wisan wisen king, pun a aücheangaua o atai an we pwonen atipeeu a eäni fän akapel ngeni.

Ipru 11:31

Ren än ewe fin lisowu Rahap lükü, i esap ninnila usun chokewe mi aleasolap ngeni Kot, pun a etiwa ekewe chon Israel mi operi ewe fanü.

Josua 6:17

Iwe, ewe telinimw me mettoch meinisin mi nom lon repwe pin fän iten ewe Samol mi Lapalap pwe repwe katala. Chilon chök Rahap ewe fin lisowu me meinisin mi nom ren lon imwan repwe manau, pun a aopa ekewe chon künö sia tiniir.

Josua 6:23

Iei mine ekewe alüal mi piin operi ewe fanü ra tolong lon o emwenawu Rahap pwal saman me inan, mongean me aramasan meinisin. Iwe, ra emwenirewu meinisin o anomuur lükün ewe leni ia chon Israel ra nom ie.

Josua 9:15

Iwe, Josua a föri eu pwonen atipeeu ngeni ekewe re Kipeon pwe epwe amanaueer. Nge ekewe souemwenin ewe mwichen Israel ra pwon fän akapel ngeniir pwe repwe apwönüetä ewe pwon.

Soukapwüng 1:25

Iei mine ewe mwän a aiti ngeniir ewe alen tolong lon ewe telinimw. Iwe, chon ekewe ainangen Efraim me Manasa ra niela chon ewe telinimw ren ketilas, nge ra amanaua ewe mwän me chon an famili meinisin.