Josua 6:21 - Chuukese Bible

²¹ Iwe, ra ataala mettochun lon ewe telinimw meinisin o niela mwän me fefin, semirit me chinlap, ätemwänin kow me sip me aas ren nöür ketilas.

Josua 6:21 Iomraidhean Croise

1. King 20:42

Iwe, ewe soufos a üreni ewe king Ahap, “Iei alon ewe Samol mi Lapalap, ‘Pokiten ka angasala ewe mwän, ngang üa allük pwe epwe ninnila, iei mine manauom epwe siwilin manauan, nge noum aramas repwe siwilin manauen nöün aramas.’”

Jeremaia 48:18

Ämi chon Tipon, oupwe sapwilitiu seni leniemi mi iteföüla o mot won pwül mi sangang. Pun ewe chon atai Moap a feito o ataela ämi kewe imwen maun mi pöchökül.

Tuteronomi 13:16

Iwe, oupwe ionifengeni me lukalapen ewe telinimw pisekin lon meinisin o kenala ewe telinimw fiti pisekin meinisin, pwe eu asoren kek mi unus ngeni ewe Samol mi Lapalap ämi we Kot. Ewe telinimw epwe chök eu ioien pipi, nge esap fokun kaüsefälitä.

Tuteronomi 2:34

Lon ewe fansoun sa pwal liapeni an kewe telinimw meinisin o unusen atarela. Sa pwal niela mwän, fefin me semirit, nge sisap amanaua eman.

Tuteronomi 7:16

Iwe, oupwe arosala ekewe aramas meinisin ewe Samol mi Lapalap ämi we Kot epwe atolongeer fän nemeniemi. Ousap tongeer, ousap pwal fel ngeni ar kewe kot, pun ei epwe eu lenien likatup ngenikemi.

Josua 10:28

Iwe, lon ewe rän Josua a liapeni Maketa o ataela, a pwal niela ewe kingen lon o fokun arosala aramasan. Esap amanaua eman. A föri ngeni ewe kingen Maketa usun mine a piin föri ngeni ewe kingen Jeriko.

Josua 10:39

Iwe, Josua a liapeni ewe telinimw me an we king pwal wisoposopun meinisin. Ra fokun niela aramasen lon meinisin. Josua esap amanaua eman. Usun mine a piin föri ngeni Hepron me Lipna me ar kewe king, iei usun a pwal föri ngeni Tepir me an king.

Josua 11:11

Iwe, ra niela chon ewe telinimw meinisin o fokun aroserela. Esap chüen wor eman mi manau me lon. Josua a pwal kenala Hasor.

Josua 11:14

Ekewe chon Israel ra angei mine ra liapeni me lon ekewe telinimw pwal ekewe pwiin man pwe choon wokur. Nge ekewe aramas meinisin ra nirela. Resap fokun amanaua eman.

Josua 8:2

Iwe, kopwe föri ngeni Ai me an king usun mine ka fen föri ngeni Jeriko me an king. Nge liapemi me ekewe manfetal oupwe püsin angei pwe choon wokumi. Oupwe operi ewe telinimw me pelilotoun.”

Josua 8:22

Mürin, ekewe re Israel mi nom lon ewe telinimw Ai ra towu pwe repwe maun ngeni ekewe re Ai. Iei usun ekewe re Israel ra pweliela ekewe re Ai ekoch me epek, nge pwal ekoch me ewe epek. Iwe, ekewe re Israel ra nirela tori esap chüen wor eman mi manau, esap pwal wor eman a tongeni süla.

Josua 9:3

Nge lupwen ekewe aramasen Kipeon, ir chon Hiw, ra rong usun mine Josua a föri ngeni Jeriko me Ai,

Pwärätä 18:21

Mürin eman chon läng mi pöchökül a ekietä eföü fau mi wewe ngeni eföü föün föir mi watte, a aturätiu lon ewe matau o apasa, “Iei usun en Papilon, ewe telinimw mi watte, kopwe fokun koturfochofochotiu fän pöchökül, o kosap chüen pwäsefäl.

1. Samuel 15:3

Iei kopwe feila, kopwe maun ngeni chon Amalek o wesewesen ataela meinisin mine ar. Kosap achikeer, nge kopwe niela mwän me fefin, semirit me ekewe mi chüen oupw, pwal nöür ätemwänin kow me sip, nöür kamel me aas.’”

1. Samuel 15:8

Iwe, a liapeni Akak ewe kingen chon Amalek, nge a chüen manau, a pwal fokun arosala ekewe aramas meinisin ren ketilas.