Josua 6:19 - Chuukese Bible

¹⁹ Nge silifer me kolt meinisin me ekewe sepi mi för seni piras me mächä ra pin fän iten ewe Samol mi Lapalap. Repwe tolong lon än ewe Samol mi Lapalap lenien iseis.”

Josua 6:19 Iomraidhean Croise

2. Samuel 8:11

Iwe, ekei pisek ewe king Tafit a apini fän iten ewe Samol mi Lapalap o achu ngeni ewe silifer me kolt a fen apini, pun liapan seni ekewe mwü meinisin a atolongeer fän nemenian.

1. King 14:26

A angei ekewe pisek mi aüchea me lon imwen ewe Samol mi Lapalap, pwal ekewe pisek mi aüchea me lon imwen ewe king o uweerela meinisin. A pwal uweala ekewe tittin maun seni kolt meinisin Salomon a föriir.

1. King 7:51

Lupwen a wes ewe angang meinisin ewe king Salomon a föri won imwen ewe Samol mi Lapalap, Salomon a uwato ekewe pisek Tafit saman we a apini, ewe silifer me kolt me ekewe sepi, o iseniir lon ekewe lenien iseis pisek mi aüchea me lon imwen ewe Samol mi Lapalap.

2. King 24:13

o uwala ekewe pisek aüchea meinisin seni lon imwen ewe Samol mi Lapalap, pwal seni lon imwen ewe king. A ettätiu ekewe kolt meinisin seni pisekin lon imwen ewe Samol mi Lapalap, Salomon ewe kingen Israel a föriir, pun iei usun ewe Samol mi Lapalap a fen apasa.

1. Kronika 18:11

Ekei pisek ewe king Tafit a apini fän iten ewe Samol mi Lapalap o achu ngeni ewe silifer me kolt, a fen liapeni seni ekewe mwü meinisin, seni Etom, Moap, pwal seni ekewe chon Amon, ekewe chon Filistia me Amalek.

1. Kronika 26:20

Iwe, chiener kewe seni ewe ainangen Lefi ra wisen tümwünü ewe lenien iseis pisek mi aüchea lon imwen Kot, pwal ekewe rumw ia ekewe pisek aramas ra fangala ngeni Kot ra nom ie.

1. Kronika 26:26

Ei mwän Selomit me pwin kewe ra wisen tümwünü ekewe pisek aüchea ewe king Tafit me ekewe mwänirelan än semer kewe cho, ir meilap won ngeröü me pükü, pwal ekewe sounemenemen mwichen sounfiu ra fangala ngeni Kot.

1. Kronika 26:27

Ra fangala ekei pisek seni liaper lon maun fän iten angangen tümwünün imwen ewe Samol mi Lapalap.

1. Kronika 26:28

Iwe, Selomit me pwin kewe ra pwal wisen tümwünü meinisin mine ewe soufos Samuel me ewe king Saul, Apner nöün Ner we mwän me Joap nöün Seruia we mwän ra fangala ngeni Kot, pwal meinisin mine aramas ra fangala.

1. Kronika 28:12

A pwal ngeni liosun ekewe mettoch meinisin a ekiekietä fän iten ekewe leni lükün imwen ewe Samol mi Lapalap, ekewe rum meinisin mi nom pwelin ünükün, ekewe lenien iseis pisek mi aüchea fän iten ewe imwenfel, pwal ekewe lenien iseis ekewe lifang mi pin.

2. Kronika 15:18

Iwe, a uwato lon ewe imwenfel ekewe pisek Apia saman we a apini fän iten Kot, pwal ekewe pisek seni silifer me kolt püsin i a apini.

2. Kronika 31:12

Mürin, ekewe aramas ra uwato fän allükülük ekewe lifang, ekewe leengol me ekewe mettoch ra apini. Iwe, Konania, eman mwän seni ewe ainangen Lefi, i ewe meilapen chon tümwünü ekei mettoch, nge kisin fan pwin we itan Simei.

Nehemia 10:38

Nge ekewe souasor ir mwirimwirin Aaron repwe eti ekewe mwän seni ewe ainangen Lefi, lupwen repwe angei ekewe leengol. Iwe, ekewe mwän seni ewe ainangen Lefi repwe uwato eu leengol seni ekewe leengol lon ekewe rumwen iseis lon imwen äm we Kot.

Jeremaia 38:11

Iei mine Epet-melek a nuki ekewe mwän, a feila ren imwen ewe king lon ewe rumwen iseis üf o angei ekoch mangaku mi kamwakam me üf mi mes. A aürätiu ekei mangaku lon ewe chönüttu ren säl.

Lifitikos 19:24

Iwe, lon ewe arüanün ier uar meinisin repwe eu asoren kilisou mi pin fän itei ngang ewe Samol mi Lapalap.

Mika 4:13

Ewe Samol mi Lapalap a apasa, “Ämi chon Jerusalem, oupwe feila o apwüngü chon oputemi. Üpwe apöchökülakemi pwe oupwe pöchökül usun eman ätemwänin kow mi wor mächän seni mächä, a pwal wor pachapachan seni piras. Oupwe atatakisi chomong mwü, nge wöür kewe ir ra angei fän pöchökül oupwe fangala ngeniei, Ngang ewe Samolun unusen fanüfan.”

Numperis 31:11

Iwe, ra angei choon wokur meinisin ra liapeni, pwal ekewe aramas me man,

Numperis 31:12

o uweereto ren Moses me ewe souasor Eleasar pwal ren ekewe aramasen Israel meinisin mi nom lon ewe maasiesin Moap arun ewe chanpupu Jortan sasape ngeni Jeriko.

Numperis 31:22

Mettoch meinisin resap tongeni karala: kolt, silifer, piras, mächä, tin me pilom

Mateus 27:6

Nge ekewe souasor mi lap ra angei ekewe föün moni o apasa, “Ei moni liwinin cha, a ngau ngeni allükün ach lamalam pwe sipwe atolonga lon monien imwenfel.”

Markus 12:41

Lupwen Jesus a mot arun ewe lenien asor me lon ewe imwenfel, a nenengeni ekewe aramas mi uwalong ar asor lon ewe lenien asor. Chomong aramas mi pisekisek ra uwalong chomong moni.

Josua 7:11

Chon Israel ra tipis. Ra atai ai we pwon üa allük ngeniir. Ra angei ekoch ekewe mettoch mi pin repwe kata. Ra solä o chofana, ra pwal achuelong ekewe mettoch lon püsin pisekir.