Josua 6:12 - Chuukese Bible

¹² Iwe, Josua a pwätä lesosorusich, nge ekewe souasor ra eki än ewe Samol mi Lapalap we pworofel.

Josua 6:12 Iomraidhean Croise

Keneses 22:3

Iei mine Apraham a pwätä lesosorusich, a äsätta mwüch fän iten ewe asoren kek o rietä won nöün aas. A pwal angei Isaak nöün we me ruoman nöün kewe chon angang, pwe repwe eti. Iwe, ra feila lon ewe leni Kot a aiti ngeni.

Tuteronomi 31:25

a allük ngeni ekewe mwän seni ewe ainangen Lefi mi mwärei än ewe Samol mi Lapalap pworun pwon,

Josua 3:1

Iwe, lesosorusich Josua me ekewe aramasen Israel meinisin ra sai seni Sitim. Ra tori ewe chanpupu Jortan o aüetä imwer ikenan me mwen ar repwe feila pekilan.

Josua 6:11

Iwe, Josua a allük pwe repwe apwelifeili fän eu än ewe Samol mi Lapalap we pworofel lükün ewe telinimw. Mürin ra liwiniti ewe leni ia ra nonom ie o pwinipwin ikenan.

Josua 6:13

Ekewe füman souasor mi uwei ekewe fisu rappwa ra akomwola mwen än ewe Samol mi Lapalap we pworofel o atikifochei ekewe rappwa. Iwe, ekewe mwän mi eäni pisekin maun ra akom mwer, nge eu mwichen sounfiu a tapweto mürin än ewe Samol mi Lapalap we pworofel, lupwen ekewe rappwa ra tikifochofoch.

Soukapwüng 20:19

Mürin, ekewe re Israel ra ütä lesosor, ra feila o nom arap ngeni Kipea.