Josua 6:1 - Chuukese Bible

¹ Iwe, asamalapen ewe telinimw Jeriko ra kapüngüla pwe ekewe aramasen Israel resap tongeni tolong lon. Esap wor eman a tongeni towu ika tolong.

Josua 6:1 Iomraidhean Croise

2. Samuel 10:5

Lupwen ra asile ngeni Tafit ei pworaus, a tinala chon künö pwe repwe uwala an pworaus ngeniir, pun ekewe mwän ra fokun säw. Iei alon ewe king, “Oupwe chök nonom lon Jeriko tori alüsemi epwe pwüksefäl. Mürin oupwap liwinto.”

2. King 17:4

Nge lon eu rän Hosea a tinala chon künö ren So ewe kingen Isip o tüngorei pwe epwe alisi, esap pwal chüen takises ngeni ewe kingen Asiria, usun a piin föri iteiten ier. Iwe, lupwen ewe kingen Asiria a silei pwe Hosea a rawangauei, a turufi o aturalong lon imwen fötek.

2. King 2:4

Mürin, Elias a üreni Elisa, “Üa tüngor ngonuk pwe kopwe le nonom ikei, pun ewe Samol mi Lapalap a tinieila Jeriko.” Nge Elisa a üra, “Mwo manauen ewe Samol mi Lapalap, pwal mwo manauom, üsap likituk.” Iei mine ra mwinela Jeriko.

Kölfel 127:1

Are ewe Samol mi Lapalap esap aüetä ewe imw, a solap än ekewe chon aüetä angang. Are ewe Samol mi Lapalap esap mamasa ewe telinimw, a solap än ekewe chon mas nenela le mamas.

Josua 16:7

Mürin a pweretiu seni Nanoa tori Atarot, pwal tori Naara, a pwal akü Jeriko o müchütiu me ren ewe chanpupu Jortan.

Josua 18:21

Iwe, ikkei iten ekewe telinimwen chon ewe ainangen Peniamin a aükük ngeni ükükün ar kewe famili: Jeriko, Pet-hokla me Emek-kesis,

Josua 2:1

Iwe, Josua nöün Nun we mwän a tinala seni Sitim ruoman mwän lemonomon, pwe repwe operi ewe fanü. Iwe, a üreniir, “Oupwe feila o ouwasacha ewe fanü, akaeuin ewe telinimw Jeriko.” Iwe, ra feila, ra tolong lon imwen eman fin lisowu itan Rahap o nonom ikenan.

Josua 2:24

Iwe, ra üreni Josua, “Ellet, ewe Samol mi Lapalap a ngenikich unusen ewe fanü. Pwal chon ewe fanü meinisin ra fokun rükö pokitach.”

Josua 2:7

Iei mine nöün ewe king kewe chon künö ra tapwerirela won ewe al ngeni ewe chanpupu Jortan tori ekewe aropetepeetin ewe chanpupu. Nge lon ewe chök otun ekewe chon tap ra towu, ewe asamalap a kapüng.

Josua 5:15

Iwe, ewe chon nemenemen än ewe Samol mi Lapalap mwichen sounfiu a üreni Josua, “Kopwe pwilitawu ipwom sus, pun ei leni ka ütä won a pin.” Iwe, Josua a föri iei usun.

Josua 6:2

Nge ewe Samol mi Lapalap a üreni Josua, “Nengeni, üa atolonga Jeriko fän nemeniom fiti an king me nöün kewe sounfiu mi pöchökül o pwora.