Josua 5:6 - Chuukese Bible

⁶ Pun a pwon fän akapel ngeniir, pwe esap mwüt ngeniir pwe repwe küna ewe fanü mi pwülüöch o fanüeräs a pwon ngeni ar kewe lewo, pwe epwe ngeniir.

Josua 5:6 Iomraidhean Croise

Kölfel 107:4

Ekoch aramas ra fetalfeil lon fanüapö, nge resap küna efoch al ngeni eu telinimw pwe repwe imweimw lon.

Ekistos 3:17

Iwe, üa pwon ngenikemi pwe üpwe emwenikemiiwu seni lon Isip, ewe leni ia oua riaföü ie, o emwenikemiilong lon fanüen chon Kanaan, chon Hit, chon Amor, chon Peris, chon Hiw me chon Jepus, eu fanü mi pwülüöch o fanüeräs.’

Ekistos 3:8

Iwe, üa feitiu pwe üpwe angaseer seni chon Isip, üpwe pwal emwenirewu seni ewe fanü o emwenirelong lon eu fanü mi öch o watte, eu fanü mi pwülüöch o fanüeräs, fanüen chon Kanaan, chon Hit, chon Amor, chon Peris, chon Hiw me chon Jepus.

Jeremaia 2:2

pwe üpwe feila o aronga ngeni chon Jerusalem alon, “Israel, üa chechemeni om angangöch ngeniei leföpwülum we, pwal om echeniei, lupwen sa kärän pwüpwülü. Üa chechemeni usun om etifeiliei lon ewe fanüapö, lon eu fanü esap wor eman a fofot ie.

Isikiel 20:15

Nge lon ewe fanüapö üa pwon fän akapel ngeniir pwe üsap emwenirelong lon ewe fanü üa fen ngeniir, eu fanü mi mürina seni meinisin, eu fanü mi pwülüöch o fanüeräs,

Isikiel 20:6

Lon ewe rän üa pwon fän akapel ngeniir, pwe üpwe emwenirewu seni ewe fanü Isip o emwenirelong lon eu fanü üa fili fän iter, eu fanü mi mürina seni meinisin, eu fanü mi pwülüöch o fanüeräs.

Sowel 3:18

Lon ena fansoun ekewe chuk repwe kula ren tanipin wain, nge chomong kow repwe nom won ekewe chukutekison. Iwe, ekewe öüwön Juta repwe ur ren koluk, nge eu puächen koluk epwe puwu seni imwen ewe Samol mi Lapalap, pwe epwe achöchönü ewe lemolun Akasia.

Numperis 14:23

Esap wor eman leir epwe tolong lon ewe fanü üa pwon fän akapel ngeni ar kewe lewo. Esap fokun wor eman me lein chokewe mi turunufaseei repwe tolong lon ewe fanü.

Numperis 26:63

Iwe, ikkei ekewe iteit Moses me ewe souasor Eleasar ra aleani, lupwen ra angei iteiten ekewe aramasen Israel lon ewe maasiesin Moap arun ewe chanpupu Jortan sasape ngeni Jeriko.

Tuteronomi 1:3

Iwe, lon aeuin ränin ewe engol me aeuin maram lon afaiken ier mürin ar towu seni Isip, Moses a kapas ngeni ekewe aramasen Israel meinisin mine ewe Samol mi Lapalap a allük ngeni fän äsengesiir.

Tuteronomi 2:14

Iwe, seni ewe fansoun lupwen sa towu seni Kates-parnea tori sa feila pekilan ewe öüwö Seret ükükün ilik me walü ier. Lon ei fansoun unusen ewe täppin aramas ir sounfiu ra rosola, usun ewe Samol mi Lapalap a pwon fän akapel pwe epwe fis ngeniir.

Tuteronomi 2:7

Iwe, ewe Samol mi Lapalap ämi we Kot a afeiöchü angangen pöümi meinisin. I a tümwünü ämi saifetal lon ewe fanüapö mi watte. Ewe Samol mi Lapalap ämi we Kot a etikemi lon ekei faik ier, pwe ousap osupwang ren och mettoch.

Tuteronomi 8:4

Iwe, üfemi oua üföüf resap kamwala, nge pechemi resap pwo lon ekewe faik ier ra la.

Ipru 3:11

Iwe, lon ai song üa pwon fän akapel ngeniir: ‘Resap fokun tolong lon ewe fanü ia üpwe asösöör ie!’”

Josua 1:6

Kopwe apöchökülok o tipepwora. Pun en kopwe afanüa ekei aramas ngeni ewe fanü üa pwon fän akapel ngeni ar kewe lewo pwe üpwe ngeniir.

Josua 24:7

Iwe, lupwen ämi kewe lewo ra siö ngeniei, üa awora rochopwak lefiler me ekewe chon Isip, üa pwal föri pwe ewe matau a pwölürela o amopuur. Ämi oua silei mine üa föri ngeni ekewe chon Isip. Iwe, oua nom lon ewe fanüapö fansoun langatam.

Josua 5:5

Nge ekewe mwän meinisin me lein ekewe aramas mi towu seni Isip ra fen sirkomsais. Iwe, sopolan ekewe faik ier ekewe mwän meinisin mi tori ierin sounfiu lupwen ar towu seni Isip ra rosola, pokiten resap aleasochisi alon ewe Samol mi Lapalap.

Josua 5:7

Iwe, nöür kewe, Kot a amäriretä me mürir, Josua a sirkomsaisiir. Pun ir resap sirkomsais lupwen ar sai.