Josua 5:2 - Chuukese Bible

² Lon ena fansoun ewe Samol mi Lapalap a üreni Josua, “Kopwe föri sar seni fau mi pöchökül o sirkomsaisi ekewe re Israel resamwo sirkomsais.”

Josua 5:2 Iomraidhean Croise

Ekistos 4:25

Mürin, Sipora a angei esät sättin fau mi ken o sirkomsaisi nöün ät. Iwe, a angei ünüchen ewe kükün inis, a pachei ngeni pechen Moses o apasa, “Ellet, en eman re reimwen cha ngeniei.”

Nöün Paulus Toropwe ngeni ekewe Souläng lon Rom 2:29

Esap ina! Nge eman mi enletin re Juta i eman re Juta lon letipan, wewen a sirkomsais lon letipan. Iei angangen ewe Ngünün Kot, sap angangen ekewe Allük mi makketiu. Ei sokun aramas epwe angei iteüöchün seni Kot, sap seni aramas.

Nöün Paulus Toropwe ngeni ekewe Souläng lon Rom 4:11

An sirkomsais a fis me mürin. Nge an sirkomsais eu asisil mi pwärätä pwe pokiten an lükülük a küna pwüng me ren Kot me mwen an esamwo sirkomsais. Iei usun Apraham a semelapen chokewe meinisin mi lükü Kot o küna pwüng me ren, inamwo ika resap sirkomsais.

Tuteronomi 10:16

Iei mine oupwe limeti lelukemi, nge ousap chüen tipeförea.

Tuteronomi 30:6

Ewe Samol mi Lapalap ämi we Kot epwe limeti lelukemi me leluken mwirimwirimi kewe, pwe oupwe echeni i ren unusen lelukemi pwal ren unusen ngünümi, pwe oupwe manau.

Kolose 2:11

Lon Kraist oua sirkomsais, sap ren ewe sirkomsais aramas ra föri, nge ren ewe sirkomsais Kraist a föri, pwe oua ngas seni fän nemenien fitukemi mi tipis.

Josua 5:3

Iei mine Josua a föri sar seni fau mi pöchökül o sirkomsaisi ekewe re Israel me lon Kipeat-haaralot.